﻿
Isibawo semiSebenzi yeenTjhabatjhaba yezeHlalakuhle
Ihlathululo
Amagadango okufanele alandelwe
Imithetho esetjenziswako
Amazinga wokusebenza nesikhathi
Iindleko
Amaforomo azaliswako
Imininingwana yokuthintana

Ihlathululo

UmSebenzi weenTjhabatjhaba wezeHlalakuhle  yihlangano yeentjhabatjhaba engaweli ngaphasi kombuso engathathi hlangothi ngakwezombanganarha, ubutjhaba, ikolo nobutjhaba, ene-ofisi lakaMabhalana Mazombe e-Geneva, e-Switzerland. Umsebenzi unethungelelwano lephasi loke labasebenzi bezehlalakuhle ababanduliweko nabanekghono ngeenarha zabo.

I-ISS irhelebha abantu nemindeni ngemiraro yabo neyezehlalakuhle efuna ukubambisana phakathi kweenarha ezimbili. Itholakala komunye nomunye umuntu ongaphakathi kweRiphabhligi yeSewula Afrika nangaphetjheya.

Phezulu

Amagadango okufanele alandelwe

Iimbawo ezibuya ebantwini abahlala eSewula Afrika:

Yenza isibawo e-ofisini eliseduze lesisebenzi sezehlalakuhle
Buthelela isirhunyezo sobujamo ngokuya kwendlela ebekwe yi-ISS. Isirhunyezo sobujamo sizakubeka ubujamo kanye nesibawo semisebenzi efunekako enarheni yangaphandle.
Dlulisela isirhunyezo sobujamo emjamelini wephrovinsi we-ISS e-Ofisini eliKhulu lomNyango wephrovinsi wokuThuthukiswa kwezeHlalakuhle.
Umjameli wephrovinsi uzakudlulisela phambili isibawo ku-International Social Service of South Africa  etholakala ngaphakathi komNyango wokuThuthukiswa kwezeHlalakuhle.

Iimbawo ezibuya ebantwini abahlala ngaphandle kweSewula Afrika:

Yenza isibawo e-ISS Affiliated Bureau namkha kumbhali enarheni yangaphandle.
Ibhiro izakuthumela isibawo sakho ku-ISS SA.


Phezulu

Imithetho esetjenziswako

Imisebenzi yeentjhabatjhaba yezehlalakuhle inikelwa ngokuya kwesiVumelwano sokwAmukelwa esiphakathi komNyango wokuThuthukiswa kwezeHlalakuhle ne-Ofisi lakaMabhalana Mazombe.

Phezulu

Amazinga wokusebenza nesikhathi

Ukudluliswa kutjhejwa nakufunyanwako. Nakufunyanwa iforomo lokudluliswa elibuya emnyangweni wephrovinsi, i-ISS SA izakudlulisela isibawo ku-ISS Affiliated Bureau namkha kumbhali enarheni yangaphandle. Ipendulo izakuya ngobujamo bendawo.
Nakufunyanwa ukudluliswa okubuya enarheni yangaphandle, i-ISS SA idlulisela indaba kumjameli wephrovinsi ozakuhlela nesisebenzi sezehlalakuhle ukuphenyisisa indaba begodu anikele ngombiko embusweni wephrovinsi. Nasele ufunyenwe, umbiko udluliselwa ku-ISS SA, efunda beyidlulisele umbiko kubadlalindima kanye nemibono nemibuzo.
Izinga lomsebenzi liqinisekiswa basebenzi bezehlalakuhle nebendawo kanye nasisebenzi sezehlalakuhle esiqalene nendaba e-ofisini le-ISS SA. Abasebenzi bombuso balandela ikambiso yangokomthetho ebekwe li-ofisi le-ISS lamaMabhalana Mazombe.

Phezulu

Iindleko

Imisebenzi itholakala simahla eSewula Afrika kodwana kwezinye iinarha kungafuneka bona ubhadele eminye imisebenzi. Iimali ezibhadelwako ziyehluka inarha nenarha.

Phezulu

Amaforomo azaliswako

Akunaforomo okufanele ulizalise.

Phezulu

Imininingwana yokuthintana


