﻿
Isibawo sokuletha ngeenarheni iinlwana nezinto zejinethiki 
Ihlathululo
Amagadango okufanele alandelwe
Imithetho esetjenziswako
Amazinga wokusebenza nesikhathi
Iindleko
Amaforomo azaliswako
Imininingwana yokuthintana

Ihlathululo

Imvumo yokuletha ngenarheni ebuya emTlolisini wokwEnziwa Ngcono kweenLwana iyafuneka ngaphambi kobana ulethe ngenarheni iinlwana namkha izinto zejinethiki ezifana nama-embriyo, amaqanda namkha isimeni eSewula Afrika.

Umbawi kufanele kube mumuntu namkha ikampani engadosela umuntu ekhotho namkha nayo idoselwe ekhotho, isibonelo, John Peter Citizen, namkha John Peter Citizen T/A Diepsloot Stud, namkha Diepsloot Stud CC, we-Diepsloot Stud  Ltd, namkha Diepsloot Ltd.

Nayikuthi umbawi akatlikitli isibawo ngokwakhe, incwadi egunyaza umtlikitli wesivumelwano ofana nomsebenzeli ukutlikitla isibawo ukwenzela umbawi, kufanele iphekelele isibawo.

Nayikuthi umbawi wenze isivumelwano nomnikeli wangaphandle wesilwana namkha izinto ezizakulethwa ngenarheni ngokuya kweemali zokubhadelwa namkha isaphulelo ngentengo ebhadelwa ukungezelela entengweni yokuthenga, isibawo kufanele siphekelelwe yincwadi yokuqinisekisa ebuya ku-Director-General of the Department of Trade and Industry okumNyango wakhe ovume isivumelwano.

Phezulu

Amagadango okufanele alandelwe

Khupha iforomo ku-inthenthi bewulizalise ngeduplikheyithi. Iforomo godu lingabawiwa ku-Registrar of Animal Improvement.
Iimbawo ezingakazaliswa ngokuzeleko zizakubuyiselwa kumbawi.
Namathisela imitlolo elandelako esibaweni:

irekhodi leenzukulwana ezimbili elibeka bona isilwana ngesamambala
amarekhodi wokusebenza kwesilwana
isitifikhethi somhlobo weengazi.

Imali elungileko kufanele iphekelele isibawo esinye nesinye. Yenza amatjhege namaposoda abhadele u: Director-General: Agriculture.
Imininingwana yebhanka: Standard Bank
Igatja: Arcadia
Inomboro ye-akhawunti: 011219556
Ikhodi yegatja: 000845/010845
Letha iimbawo ehlanganweni yabazalanisi abafaneleko namkha ephikweni lokutlolisa bona yenze isiphakamiso.
Letha iimbawo ku:
The Registrar of Animal Improvement
Private Bag X138
Pretoria
0001
Imvumo yokwEnziwa Ngcono kweenLwana izakuthunyelwa kwa-Directorate of Veterinary Services, ezakukhupha imVumo yokweLatjhwa kweenLwana yokuLetha ngeNarheni. Akunaforomo elingezelelweko elizakufuneka nawuzakufumana imVumo.
ImVumo yokweLatjhwa kweenLwana yokuLetha ngeNarheni ineemfuno zamaphilo ezithileko  okufanele ziqinisekiswe nguDorhodera kaRhulumende weenLwana enarheni ethumela ngaphandle ngaphambi kobana umthwalo uthunyelwe ngaphandle. Iimfuno zingafunyanwa kuMphathi oPhezulu: UkuPhila kuHle kweenLwana .

Phezulu

Imithetho esetjenziswako



Animal Improvement Act, 1998  
Animal Disease Act, 1984   with amendments

Phezulu

Amazinga wokusebenza nesikhathi

Isibawo singathatha amalanga ama-30 ukusisebenza.

Phezulu

Iindleko

R174

Phezulu

Amaforomo azaliswako



Application for the importation of animals and genetic material 

Phezulu

Imininingwana yokuthintana


