﻿

Isibawo semvumo yokuletha amahlabelo weenlwana eSewula Afrika

Ihlathululo
Amagadango okufanele alandelwe
Imithetho esetjenziswako
Amazinga wokusebenza nesikhathi
Iindleko
Amaforomo azaliswako
Imininingwana yokuthintana

Ihlathululo

Amahlabelo asetjenziswa eenlwaneni angalethwa ngenarheni begodu asatjalaliswe namkha athengiswe eSewula Afrika kuphela nasele atloliswe ngokuya komThetho weeNonisi, ukuDla kweFuyo, iinHlahla zeLimo neenHlahla zeFuyo .

Ukuletha ngenarheni ihlabelo elitlolisiweko bona lisetjenziswe eenlwaneni, kufanele ufumane imvumo yokuletha ngenarheni ebuya ebuNqophisini bokuPhila kuHle kweenLwana . Lemvumo yokuletha ngenarheni isebenza isikhathi esiqintelweko begodu nemthwalweni munye kuphela.

Nayikuthi ufuna ukuletha ngenarheni ihlabelo bona lizokulingwa eSewula Afrika, utlhoga iimvumo ezimbili. Imvumo enye ibuya kumTlolisi  kuthi enye ibuye ebuNqophisini bokuPhila kuHle kweenLwana. Isibawo semvumo esibuya emTlolisini  kufanele siphekelelwe yikambiso yokulinga okuhlongozwako. UbuNqophisi buzakukhupha imvumo yokuletha ngenarheni nasele ufumene ikhophi yemvumo ekhutjhwe mTlolisi. Ihlabelo elilethwa ngenarheni bona lizokulingwa angeze lathengiswa.

Ebujameni oburhabako lapho ukuqubuka kobulwelwe bengenzeka khona begodu kunganahlabelo elitlolisiweko ngenarheni, kungatlhogeka ukusebenzisa ihlabelo elingakatloliswa. Manje, njengongase abe ngoletha ngenarheni, kufanele wenze isibawo usiqalise emKhandlwini wokuLawulwa kweenHlahla  khona uzakufumana ukubekelwa ngeqadi kwesiGaba 21 ngokuya komThetho wokuLawulwa kweenHlahla neziNto eziKhambelanako ka-1965 njengombana utjhugululwe mThetho 90 ka-1997 .

Godu utlhoga imvumo yokuletha ngenarheni ebuya ebuNqophisini bokuPhila kuHle kweenLwana bona ihlabelo lingene ngenarheni. Banikela lemvumo yokuletha ngenarheni nasele ufumene ukuvunyelwa okubuya emKhandlwini wokuLawulwa kweenHlahla nobufakazi obulethwe kibo. Ebujameni lobu, ihlabelo elingakatloliswa lingathengiswa isikhathi esithileko bekufike lapho ukutloliswa kuvunywa khona.

Phezulu

Amagadango okufanele alandelwe

Nayikuthi ihlabelo alikatloliswa begodu lizokusetjenziswa ekulingeni, thumela incwadi ephekelelako etlikitliweko esetshwayweni langokomthetho lekampani kumTlolisi ubawe imvumo yokuletha ngenarheni. Incwadi yakho kufanele ibe nemininingwana elandelako:

ubunengi
igama lomkhiqizo
iinongo ezisebenzako, kufaka amandla wazo
inarha elibuya kiyo
umenzi
inomboro yesiqubuthu esizakulethwa ngenarheni
ikhasi ledatha yesitheniki namkha ilebula  elinenomboro yokutloliswa yephiko elilawulako lenarha lapho umkhiqizo utloliswe khona.
indawo yokungenela ngenarheni
umkhiqizo ufuneka nini
into yokobana ufunelwa iminqopho yokulinga ekutlolisweni kweenhlahla zefuyo
ubujamo bokutloliswa komkhiqizo lapha khunye .



IKambiso ezeleko yokuLinga , kufaka amalanga wokuthoma alindelweko, itjhejo elikhethekileko mayelana nalapho kuphelela ukudla okubuya eenlwaneni ezikhiqiza ukudla  kanye nokuziphendulela ngeendaki.

Phezulu

Imithetho esetjenziswako



Animal Diseases Act, 1984  with amendments  with amendments

Medicines and Related Substances Control Act  

Fertilizers, Farm Feeds, Agricultural Remedies and Stock Remedies Act, 1947  


Phezulu

Amazinga wokusebenza nesikhathi

Sibawa wenze isibawo semvumo yokuletha ngenarheni yokwelatjhwa kweenlwana ubuncani bakhona iimveke ezisithandathu ngaphambi kwelanga lokuletha ngenarheni. Nasele udorhodera weenlwana karhulumende avume isibawo, kulithatha amalanga wokusebenza ama-2 ukuya kwama-3 i-ofisi leemvumo ukusebenzana nesibawo belikhuphe imvumo.

Phezulu

Iindleko

R110

Phezulu

Amaforomo azaliswako



Application for a permit to import vaccines into the Republic of South Africa IMP.VAC00 
Application for a veterinary import permit 


Phezulu

Imininingwana yokuthintana


