﻿

Isibawo sokuletha iinlwana nemikhiqizo yeenlwana eSewula Afrika

Ihlathululo
Amagadango okufanele alandelwe
Imithetho esetjenziswako
Amazinga wokusebenza nesikhathi
Iindleko
Amaforomo azaliswako
Imininingwana yokuthintana

Ihlathululo

Imvumo yokuletha ngenarheni yokwelatjhwa kweenlwana ifuneka ukuletha iinlwana namkha imikhiqizo yeenlwana eRiphabhligi yeSewula Afrika.

Akunankambiso zokuletha ngenarheni nasiya eenlwaneni nemikhiqizweni yeenlwana. Njengombana iimfuno zamaphilo zitjhuguluka ngamalanga, sibawa uthintane nobuNqophisi bokuPhila kuHle kweenLwana  ukufumana iimfuno zanjesi.

Phezulu

Amagadango okufanele alandelwe

Zalisa iforomo lesibawo. Thintana nobuNqophisi bokuPhila kuHle kweenLwana  nawunganasiqiniseko sokobana kufanele uzalise liphi iforomo.
Dibhozida imali yemvumo e-akhawuntini yebhanka yomNyango:
Igama lebhanka: Standard Bank of South Africa
Igama lomnikazi we-akhawunti: Department of Agriculture
Inomboro ye-akhawunti: 011219556 International Band
Igatja: 010845
IB Brand 0001982 Centre Code
Swift Code SBZA-ZAJJ
Igama legatja: Arcadia
Isaziso esiqakathekileko: Ireferensi kufanele ibe ligama nesibongo somuntu oletha ngenarheni.
Sibawa utjheje:Oletha ngenarheni uzakubhadela iimali zebhanka kanye nezeBhanka yangaPhandle umNyango angeze wakhupha imvumo nayikuthi imali ezeleko eyi-R110 ayikafunyanwa.
Itjhege eyenziwe yabhadela u-Director-General: Agriculture, ingananyathiselwa eforomini lesibawo beyiposelwe e-adresini enikelwa muva.
Ukubhadela godu kungenziwa ema-ofisini womNyango wezokuLima arhenyiswe emininingwaneni yokuthintana neendawo.
Ebujameni lapho ubhadelela omunye umuntu namkha ikampani yenza isiqiniseko sokobana ubhadela ngegama lakhe namkha lekampani.
Akunasibawo esizakusetjenzwa ngaphandle kobufakazi bokubhadela. Ubufakazi bokudibhozida kufanele bufekselwe ku: 012 329 8292, buqaliswe ku : Ina Labuschagne
Thumela amaforomo ku:

The Director: Animal Health
Import Export Policy Unit
Private Bag X138
Pretoria
0001
namkha feksela ku-012 329 8292

Sibawa utjho eforomini lesibawo nayikuthi imvumo uzakuza uzoyithatha ngokwakho namkha kufanele uposelwe yona.
Ebujameni lapho iinlwana kufanele zifakwe ekwarantinini, oletha ngenarheni kufanele athintane nesiPhathiswa seKwarantini endaweni yokungenela:
Johannesburg umtato: 011 973 2827 namkha efeksini: 011 973 2828
Cape Town umtato: 021 551 2050 namkha efeksini: 021 551 1378
Istetjhi sekwarantini e-Durban kwanjesi asisebenzi, kodwana ilwazi lingafunyanwa e-ofisini enomborweni yomtato 031 368 6011 namkha efeksini: 031 337 7469
IsiPhathiswa seKwarantini sizakuhlela ukubekelwa ngeqadi kwendawo yokuhlala eStetjhini seKwarantini begodu kufanele sizalise ihlangothi elifaneleko eforomini lesibawo. Lokhu kuzakufekselwa i-ofisi lemvumo begodu imvumo yokuletha ngenarheni efaneleko izakukhutjhwa.
IsiFungo sokuziVikela   kufanele sizaliswe besinanyanthiselwe eforomini lesibawo. Iforomo lesiFungo sokuziVikela lingafunyanwa e-Ofisini lemVumo.
Ukulandela ukufunyanwa kweforomo elizalisiweko, imVumo yokuLetha ngeNarheni yokweLatjhwa kweenLwana izakukhutjhwa beyithunyelelwe wena.
Lokhu kufanele kuzaliswe ngesiNgisi ngudorhodera weenlwana ogunyazwe buPhathi bokweLatjhwa kweenLwana benarha ethumela ngaphandle, kungakapheli amalanga alitjhumi wokukhamba.
Nayikuthi ilwazi liyafuneka ngeemfuno zamambala esilwaneni esithileko namkha emkhiqizweni othileko, amakhophi womhlobo wemVumo yokuLetha ngeNarheni yokweLatjhwa kweenLwana kanye neSitifikhethi sezamaPhilo sokweLatjhwa kweenLwana zingafunyanwa e-Ofisini lemVumo.
Okulandelako kufanele kulethwe esiPhathisweni esiLawula ukuLethwa ngeNarheni sokweLatjhwa kweenLwana seSewula Afrika eNdaweni yokuNgenela:

iSitifikhethi sezamaPhilo samaMbala
iSitifikhethi sezamaPhilo samaMbala esibuya kuDorhodera weenLwana
eminye imitlolo etjhiwoko, isibonelo, isiFungo sokuziVikela, iSitifikhethi sokuHlatjelwa amaRabi, njalonjalo.



Lokha nawuletha ngenarheni iinkhumba ezimanzi nezomileko kanye neembegere, iforomo lesibawo kufanele liqinisekiswe ngudorhodera karhulumende weenlwana endaweni isikghonakalisi esitholakala kiyo. Iforomo lesibawo kufanele litlikitlwe belistentjwe ngudorhodera weenlwana karhulumende ofaneleko, ozalifeksela e-ofisini lemvumo. Nasele lokhu kufunyenwe, imvumo yokuletha ngenarheni izakunikelwa.
Lokha nawuletha ngenarheni iinlwana zemaplasini eziphilako ezifana neenkomo, izimvu, iimbuzi, iimpere  kufanele ufumane imvumo yokwenziwa ngcono kweenlwana ngaphambi kobana imvumo inikelwe.
Zombili iimvumo lezi kufanele zinikelwe isiPhathiswa sokweLatjhwa kweenLwana  eNdaweni yokuNgenela kanye neSitifikhethi sezamaPhilo sokweLatjhwa kweenLwana esikhutjhwe yinarha ethumela ngaphandle.

Phezulu

Imithetho esetjenziswako



Animal Diseases Act, 1984  with amendments 
Animal Health Act, 2002 

Phezulu

Amazinga wokusebenza nesikhathi

Kuthatha amalanga wokusebenza amathathu ukufika kwamane ukusebenza imvumo nasele udorhodera weenlwana ayivumile.

Phezulu

Iindleko

Yi-R110 emvumeni ejayelekileko yokuletha ngenarheni namkha yi-R900 emvumeni yokuletha ngenarheni yemasta.

Phezulu

Amaforomo azaliswako



Application to import animals or animal products into the RSA  . Iforomeli lisebenza emihlobeni yeenlwana eziphilako)
Application to import animals or animal products into the RSA  . Iforomeli lisebenza ezintweni ezifana namahlangothi athileko weenkhumba okufanele zitjhugululelwe esikhumbeni, iimbegere zokuzuma okufanele ziye lapho zizakwenziwa ngathi zisithombe sento ephilako kanye nenye ifuyo ebuya eenarheni ezibomakhelwana ngeminqopho ethileko, efana nokuhlaba bunqopha)
Application to import animals or animal products into the RSA  . Iforomeli lisebenza kwenye nenye ipahla engakaqalelelwa ngelinye iforomo namkha eenlwaneni eziphilako ezibekelwe ngeqadi ekwarantini yangemva kokulethwa ngenarheni. Lokhu kuyame ebujameni bokuphila kuhle kwesilwana eenarheni ezithileko)

Phezulu

Imininingwana yokuthintana


