﻿

Isibawo sokutlolisa amabeletho

Ihlathululo
Amagadango okufanele alandelwe
Imithetho esetjenziswako
Amazinga wokusebenza nesikhathi
Iindleko
Amaforomo azaliswako
Imininingwana yokuthintana

Ihlathululo

UmThetho wamaTjhuguluko wokuTloliswa kwamaBeletho nokuHlongakala ka-1997 ubeka bona ukubelethwa komntwana obelethwe aphila kufanele kubikwe kungakapheli amalanga amatjhumi amathathu ngemva kokubelethwa.

Isaziso samabeletho kufanele senziwe ngomunye wababelethi namkha umondli wangokomthetho begodu nayikuthi akunambelethi namkha umondli okghona ukukwenza lokho, umuntu obawiwe ngomunye wababelethi namkha umondli wangokomthetho angenza isaziso. Lomuntu kufanele abe nemvumo yabo etloliweko. Nayikuthi ababelethi batjhadile, ukubelethwa komntwana kuzakutloliswa ngesibongo sakayise.

Phezulu

Amagadango okufanele alandelwe

Zalisa iforomo lesibawo BI-24  kwelinye nelinye i-ofisi leeNdaba zeKhaya.
Umuntu obawiwe ukunikela isaziso kufanele abe negunya elitloliweko lokwenza njalo okufanele lifake amabanga wokobana kungani ababelethi bangakghoni ukwenza isaziso ngokwabo.
Nayikuthi umntwana ubelethelwe ngaphandle kweSewula Afrika begodu munye wababelethi mSewula Afrika ngesikhathi abelethwa, ukubelethwa kungaziswa ebuzendeni, imitjhini yeSewula Afrika namkha kwelinye nelinye i-ofisi leeNdaba zeKhaya eSewula Afrika.
Nakwenziwa isaziso samabeletho ngemva kwamalanga amatjhumi amathathu wokubelethwa kodwana ngaphambi kokuphela konyaka ngemva kokubelethwa, ababelethi namkha umondli wangokomthetho kufanele banikele ngamabanga wokobana kungani ukubelethwa kungakatloliswa kungakapheli amalanga amatjhumi amathathu njengokufuna komthetho.
Nayikuthi ababelethi abakatjhadi begodu bafisa ukutlolisa umntwana ngaphasi kwesibongo sakayise, uyise kufanele avume bona umntwana ngewakhe esikhaleni esibekwe eforomini lesibawo BI-24. Uyise kufanele abe khona lokha nakutloliswa amabeletho.

Phezulu

Imithetho esetjenziswako



Births and Deaths Registration Amendment Act, 1997  

Phezulu

Amazinga wokusebenza nesikhathi

Iimbawo zingathatha iimveke zibunane ukuya kwezilitjhumi nambili.

Phezulu

Iindleko

Awubhadeli litho ngalomsebenzi.

Phezulu

Amaforomo azaliswako



Application for a birth certificate, BI -154 
Notice of birth BI-24 


Tjheja: Amaforomo awatholakali ku-inthanethi. Sibawa uthintane ne-ofisi lomnyango eliseduze nawe.

Phezulu

Imininingwana yokuthintana


