﻿

Isibawo Selayisense Yokuthiya Yesikebhe Sangaphandle

Ihlathululo
Amagadango okufanele alandelwe
Imithetho esetjenziswako
Amazinga wokusebenza nesikhathi
Iindleko
Amaforomo azaliswako
Imininingwana yokuthintana

Ihlathululo

Isikebhe sangaphandle sokuthiya sikebhe umnikazi waso ongasi sisakhamuzi seSewula Afrika, isibonelo, iphandle begodu nesitloliswe ngaphasi kweNarha eNye ngaphandle kweRiphabhligi yeSewula Afrika. Kungakaphasi kobujamo obungakajayeleki lapho isikebhe singaqatjhiswa namkha sikontragiswe mNikazi weLungelo weSewula Afrika ukwenza imisebenzi yokuthiya ngaphakathi kwe-Exclusive Economic Zone  namkha emanzini weentjhabatjhaba awela ngaphasi kwelawulo leSewula Afrika.

Akunasikebhe sangaphandle esizakunikelwa ilayisense yokuthiya yeSewula Afrika ngaphandle kwalokha nasithiya ngokuhlanganyela nomNikazi weLungelo weSewula Afrika. Ngaphambi kokwenza imisebenzi yokuthiya, umNyango weeNdaba zeBhoduluko nezokuVakatjha kufuze uthintwe ukuqunta ukobana ukuqatjhwa kwesikebhe sangaphandle kuzakuvunyelwa na ekorweni yokuthiya ethileko begodu nokuthi ngimiphi imitlolo efuneka ekuvunyweni kwesibawo esinjalo.

Phezulu

Amagadango okufanele alandelwe

Nayikuthi isekelo langokomthetho linikelwa ukusetjenziswa kwesikebhe sangaphandle umbawi kufuneka afumane iforomo lelayisense yesikebhe sangaphandle e-ofisini eliseduze lomNyango weeNdaba zeBhoduluko nezokuVakatjha.
Zalisa iforomo lesibawo begodu ulilethe e-ofisini eliseduze le-Department of Environmental Affairs and Tourism  nelwazi elilandelako:

igama lesikebhe sokuthiya
igama nemininingwana yomnikazi wesikebhe 
amandla wenjini yesikebhe
ubude nobukhulu besikebhe
inomboro yokutloliswa yesikebhe
inarha ngaphasi kwayo isikebhe esitloliswe kiyo (nayikuthi siqatjhisiwe namkha ngokuhlanganyela ngesezakhamizi zeSewula Afrika
isitifikethi sezokuphepha esisebenzako esibuya enarheni esitloliswe kiyo isikebhe.

Isikebhe sokuthiya sizakuhlolelwa ukufaneleka kukuba selwandle yi-South African Maritime Safety Authority iindleko zakho ezizakubhadelwa mnikazi.
Zoke iinkebhe zangaphandle kufuneka bona zibe ne-INMARSAT C VMS esebenzako ebikela i-Maritime and Coastal Management. Lokhu kufuze kuqinisekiswe liPhiko lokuSebenza le-VMS le-Maritime and Coastal Management.
Esibaweni sakho, veza ikoro yokuthiya isikebhe esizakufakwa kiyo kanye nesikhathi esizasiqeda lapho.
Incwadi yangokomthetho ebuya kubaPhathi bezokuThiya beNarha isiKebhe esiTlolise ngaPhasi Kwayo  izakufuneka, evuma bonyana:

isikebhe sivunyelwe ukuthiya emanzini weSewula Afrika
isikebhe asikafunyanwa senza imisebenzi yokutihya eNgakavuneylwa, eNgalawulwako neNgakabikwa
i-Flag State's Fisheries Authority izakuthatha isibopho sokuphatha isikebhe
i-Flag State's Fisheries Authority izakuthatha isibopho sokubika ngokubamba eenHlanganweni zesiFunda eziQalene nokuPhathwa kokuBanjwa kweemFesi  nayikuthi kuyafuneka
Ngokuya kwe-RMFO zoke iimbalo zokubanjwa kweemfesi, kungaqalwa bona zibanjwe e-EZZ yeSewula Afrika namkha emaLwandle aPhakamileko, kuzakuba ngekweSewula Afrika bekuphele isivumelwano sokuqatjhisa
isikebhe sangaphandle sizakuthiya ngaphasi kwemithetjhwana yeSewula Afrika nobujamo bemvumo.

Nayikuthi isikebhe akusi ngesikhethiweko ngokuya kwekambiso yokwabiwa kwamalungelo, umbawi kufuneka azalise iforomo lokudluliswa kwesikebhe.Nakuzakugunyazwa isikebhe bona sithiye umbawi kufuze azalise iforomo lesibawo khona azakufumana imvumo yokuthiya ngokuya kwekoro isikebhe esithiya kiyo.
Kokugcina, nayikuthi umbawi ubona ungathi isikebhe naso sizakuthiya emaLwandle aPhakamileko ngesikhathi sokuqatjhiswa, iforomo lesibawo samaLwandle aPhakamileko nalo kufuneka lizaliswe.

Phezulu

Imithetho esetjenziswako



The Marine Living Resources Act, 1998  

The National Environmental Management Act, 1998  

The National Biodiversity Act, 2004  

The National Marine Protected Areas Act, 2003  
The Sea Birds and Seals Protection Act, 1973  
The Sea Fishery Act, 1988  
The Sea-shore Act, 1935  
The International Convention for the Prevention of Pollution from Ships Act, 1986  

Phezulu

Amazinga wokusebenza nesikhathi

Isibawo sokusebenzisa isikebhe sangaphandle  singathatha amalanga wokusebenza ali-14 namkha ukudlula lapho kuye ngokwenziwa kuhle kwesibawo.

Phezulu

Iindleko

R 21 200 – mayelana nelayisense yesikebhe sangaphandle
R1 695 – mayelana nelayisense yemalwandle aphakamileko
R790 – mayelana nemvumo yokubamba
Iimbawo zokudliswa kweenkebhe azibhadelwa

Phezulu

Amaforomo azaliswako

The application to use a foreign owned vessel  Amaforomo awatholakali ku-inthanethi. Sibawa uthintane ne-ofisi lomnyango eliseduze nawe.

Phezulu

Imininingwana yokuthintana


