

Isibawo sesitifikhethi samapholisa sokuvunyelwa kwegadangiso lemino

Ihlathululo
Amagadango okufanele alandelwe
Imithetho esetjenziswako
Amazinga wokusebenza nesikhathi
Iindleko
Amaforomo azaliswako
Imininingwana yokuthintana

Ihlathululo

Lomsebenzi wenzelwa abantu abafuna isiqinisekiso sobujamo babo kwezobulelesi ngeminqopho yokuphuma enarheni namkha ukuyokusebenza ngaphetjheya isikhathi eside.

Isitifikhethi sizakukhutjhwa sibeke ubujamo bokobana ingabe kunemilandu yobulelesi etheswe umbawi na.

Nanyana ukuthatha igadangiso lemino kuzakwenziwa esitetjhini sendawo samapholisa, sizakucozululwa bekukhutjhwe isitifikhethi eSentha yamaRekhodi wobuLelesi ye-SAPS ePitori  Criminal Record Centre) kuphela. Nanyana isibopho segadangiso lemino sizakwenziwa esitetjhini esiseduze samapholisa.

Phezulu

Amagadango okufanele alandelwe

Nikela ngesethi ezeleko yegadangiso lemino yakho, ethethwe estetjhini samapholisa esiseduze, eSentha yamaRekhodi wobuLelesi ye-SAPS ePitori  Criminal Record Centre). Qinisekisa bona igama elizeleko, isibongo, ilanga lamabeletho, indawo yamabeletho nenomboro kamazisi  ziyarekhodwa eforomini legadangiso lemino.

Sibawa utjheje bona ezinye iintetjhi zamapholisa zizakwamukela iimbawo lezi ngesikhathi sokusebenza kuphela .

Yisa incwadi yakho kamazisi estetjhini samapholisa esiseduze njengombana ubufakazi bokuzazisa buzakufuneka.
Izakhamuzi zeSewula Afrika ezihlala ngaphandle kwenarha zingenza iimbawo kwesinye nesinye istetjhi samapholisa kileyo narha namkha eBuzendeni beSewula Afrika. Igadangiso lemino lingathathwa emaforomini wangokomthetho wegadangiso lemino wenarha ethileko. Iforomo legadangiso lemino kufanele litlikitlwe mumuntu othatha igadangiso lemino. Isethi yegadangiso lemino elizeleko kanye nekhophi yencwadi kamazisi yombawi namkha iphaspoti kufanele iphekelele isibawo.
Istetjhi samapholisa sizakudlulisela isibawo yiSentha yamaRekhodi wobuLelesi ye-SAPS. Ebujameni oburhabako, umbawi angaposela isibawo ku:
The Head of the South African Criminal Record Centre

Private Bag X308
Pretoria
Gauteng
South Africa
0001
Isibawo godu singalethwa ngesandla ku:
The Head of the South African Criminal Record Centre

Sanlam Plaza West
CRC Client Service Centre
1st Floor
271 Schoeman Street
Pretoria
Ukubhadela kungenziwa ngetjhege eqinisekiswe ebhanka namkha nge-oda yemali kuqaliswe ku-National Commissioner we-South African Police Service.
Isitifikhethi sokuvunyelwa samapholisa sizakukhutjhwa butjha simahla kungakapheli iinyanga ezisithandathu zesibawo sokuthoma. Njengombana iintifikhethi zigcinwa emarekhodini iinyanga ezisthandathu kuphela, isibawo esitjha kufanele silethwe ngemva kokuphela kweenyanga ezilithoba zokuphela.

Phezulu

Imithetho esetjenziswako



South African Police Service Act, 1995  

Phezulu

Amazinga wokusebenza nesikhathi

Malanga ama-28 wokusebenza. Iintifikhethi ezifunekako zizakuposelwa umbawi ngeposo ejayelekileko, ngaphandle kwalokha kungahlelwa bona imitlolo izokuthathwa ngenyama namkha ngokusebenzisa umsebenzi wokuthutha  ukusuka eSentha yamaRekhodi wobuLelesi.

Phezulu

Iindleko

R59

Ukukhutjhwa butjha kungakapheli iinyanga ezisithandathu kusimahla.

Phezulu

Amaforomo azaliswako

Amaforomo afaneleko wegadangiso lemino azaliswa lipholisa.

Phezulu

Imininingwana yokuthintana


