﻿

Isibawo sesitifikhethi sokuthumela ngaphandle utjwala

Ihlathululo
Amagadango okufanele alandelwe
Imithetho esetjenziswako
Amazinga wokusebenza nesikhathi
Iindleko
Amaforomo azaliswako
Imininingwana yokuthintana

Ihlathululo

Abangahle babe ngabathumela ngaphandle kufanele bavakatjhele iwebhsayithi ethi: www.dawineonline.co.za, lapho bazakufumana ihlelo elisekelwe ku-inthanethi lekambiso yoke yokuthumela ngaphandle. Abathumela ngaphandle kufanele bazitlolise ngaphambi kokusebenzisa ihlelo leli.

Phezulu

Amagadango okufanele alandelwe

Ukuzitlolisa njengothumela ngaphandle thumelela i-imeyili u-rhonelb@nda.agric.za Yena uzaku-imeyilela loke ilwazi umuntu othumela ngaphandle alitlhogako ukuzitlolisa.
Uzakunikelwa igama lokungena  nephaswed ukusebenzisa ihlelo.
Yenza zoke iimbawo ku-inthanethi.
Letha isibawo esihlukeneko komunye umkhiqizo ohluka kweminye imikhiqizo yotjwala ngomthwalo, isibumbeko, ukulebula namkha inomboro yesibalo.
Umthwalo wotjwala kufanele uhlukaniswe nobunye utjwala. Isampula ubuncani bakhona amalitha ama-2,25  kufanele athathwe emthwalweni bona ayokuhlolwa. Amasampula kufanele afike ema-ofisini wemiKhiqizo yoTjwala kungakadluli u-16:00 ngeLesibili bona ayokunambithwa ngeLesine begodu ingasi ngemva kwaka-16:00 ngeLesine bona ayokunambithwa ngeLesibili olandelako.
Yazisa iPhiko lokuHlolwa kweKhwalithi  lomNyango wezokuLima enomborweni ethi 021 809 1704 ngaphambi kokulayitjha umthwalo.
Lokha nawulayitjha isimumathi esikhulu, isampula yokuqinisekisa  yesinye nesinye isimumathi kufanele ikhutjhwe. Nayikuthi akunamhloli endaweni ngesikhathi sokulayitjha, wena, njengomthumela ngaphandle, uzakukhupha bewulethe amasampula wokuqinisekisa ePhikweni lemiKhiqizo yoTjwala e-Stellenbosch.
Veza ukulayitjha ephikweni kungakapheli ama-awara ama-48.

Phezulu

Imithetho esetjenziswako



Liquor Products Act, 1989  

Phezulu

Amazinga wokusebenza nesikhathi

Njengabasebenzisi abavunyelweko, abathumela ngaphandle namkha abajameli babo abafana nabasebenzeli abathutha ipahla ngobunengi, bangazigadangisela iintifikhethi zokuthumela ngaphandle ukusuka kuwebhsayithi namkha bazilande ePhikweni lemiKhiqizo yoTjwala e-Stellenbosch.
I-VI1 neentifikhethi zokucozulula zisagadangiswa liPhiko lemiKhiqizo yoTjwala.

Phezulu

Iindleko

Isitifikhethi sokuthumela ngaphandle namasampula: R58 kanye ne-R4,50 nge-hl
Isibawo sezokuphatha: R27 kanye ne-R4,50 nge-hl
Ukuvuselelwa kwesikhathi sokulibalela: R115 kanye nemali yokucozulula
Ukubekela ngeqadi: R37
I-VI 1 nezinye iintifikhethi zokucozulula: R27
Ukuhlolwa kwemithwalo ethunyelwa ngaphandle ngemva kwesikhathi sokusebenza: R520 i-awara ngalinye namkha isiquntu salo.

Phezulu

Amaforomo azaliswako

Yenza isibawu ku-inthanethi.

Phezulu

Imininingwana yokuthintana


