﻿

Isibawo sokunikela ngesaziso sokuhlongakala

Ihlathululo
Amagadango okufanele alandelwe
Imithetho esetjenziswako
Amazinga wokusebenza nesikhathi
Iindleko
Amaforomo azaliswako
Imininingwana yokuthintana

Ihlathululo

Ukuhlongakala kufanele kubikwe komunye wabantu abalandelako:

amalunga athileko womNyango weeNdaba zeKhaya
amalunga we-SAPS, khulu khulu eendaweni lapho iiNdaba zeKhaya zinganama-ofisi khona
abangcwabi abakhonjwe nabaziwako ngokuya komthetho.

Phezulu

Amagadango okufanele alandelwe

Udorhodera ohlole umzimba wohlongakeleko kufanele:

azalise isitifikhethi sebanga lokuhlongakala BI-1663
asinikele isihlobo sohlongakeleko namkha umngcwabi ozakuhlela umngcwabo
avale ikhasi 2 leforomo lesibawo BI-1663.


Nayikuthi akunadorhodera, isibonelo, eendaweni ezikude zemakhaya, umrholi wendabuko uzakuzalisa umBiko wokuHlongakala .

Isihlobo kufanele sithathe umtlolo siwuse kungcwabi ozakwenza amalungiselelo womngcwabo.

Nayikuthi umngcwabi ugunyaziwe ukufumana izaziso zokuhlongakala, ukuzalisa amarejista wokuhlongakala nokukhupha imilayo yokungcwaba, umngcwabi:


uzakuzalisa iingaba ezifaneleko ze-BI-1663

uzakukhupha umlayo wokungcwaba

uzakuthatha iforomo elizalisiweko alise e-ofisini leeNdaba zeKhaya lapho kuzakutloliswa khona ukuhlongakala bekukhutjhwe isitifikhethi sokuhlongakala

uzadlulisela isitifikhethi sokuhlongakala esihlobeni.


Nayikuthi umngcwabi akakagunyazwa ukufumana izaziso zokuhlongakala, angazalisa kuphela ihlangothi C leforomo BI-1663.

Isihlobo namkha umngcwabi ogunyaziweko kufanele manje alethe imitlolo kwelinye nelinye i-ofisi leeNdaba zeKhaya  khona kuzakukhutjhwa umlayo wokungcwaba begodu kuragelwe phambili nokusetjenzwa kokutloliswa kwemitlolo.

Nayikuthi isakhamuzi seSewula Afrika namkha umnikazi wemvumo yokuhlala yakanomphela uhlongakalela ngaphandle kweSewula Afrika, ukuhlongakala komuntu lowo kufanele kubikwe ebuzendeni namkha emtjihini yeSewula Afrika. Ikhophi eqinisekisiweko yesitifikhethi sokuhlongakala esikhutjhwe yinarha etjhili ethintekako naso kufanele silethwe.


Phezulu

Imithetho esetjenziswako

Births and Death Registration Act, 1992  

Phezulu

Amazinga wokusebenza nesikhathi

Isitifikhethi esirhunyeziweko sokuhlongakala sikhutjhwa mhlana kufunyanwa isibawo.

Phezulu

Iindleko

Isitifikhethi esirhunyeziweko sokuhlongakala: R11
Isitifikhethi esingakarhunyezwa sokuhlongakala: R50

Phezulu

Amaforomo azaliswako

Certificate of cause of death, BI-1663 
Death report, BI-1680 
Burial order, BI-14 

Tjheja: Amaforomo awatholakali ku-inthanethi. Sibawa uthintane ne-ofisi lomnyango eliseduze nawe.

Phezulu

Imininingwana yokuthintana


