
Ukutjhada ngaphasi komthetho wesintu
Ihlathululo
Amagadango okufanele alandelwe
Imithetho esetjenziswako
Amazinga wokusebenza nesikhathi
Iindleko
Amaforomo azaliswako
Imininingwana yokuthintana

Ihlathululo

UmThetho wemiTjhado yesiNtu waba mthetho ngomhlaka 15 Novemba 2000. Nayikuthi bewungaphasi komtjhado wanjesi osebenzako ngaphasi komthetho wesintu ngaphambi kwelanga leli, umtjhado wakho uyavunywa ngaphasi kwalomthetho omutjha. Lokha umyeni sele anokosikazi odlula munye, yoke imitjhado iyavunywa ngaphasi kwalomthetho omutjha. LomThetho godu uvuma imitjhado yesintu eyenziwe ngaphambi kwalelilanga begodu ubeka imithetho abantu abatjhada ngaphasi komthetho wesintu okufanele bayilandele khona imitjhado yabo izakuvunywa.

Umtjhado wesintu uyavunywa nayikuthi abantu abatjhada ngaphasi komthetho wesintu bakhambisene neemfuno ezilandelako:

Bobabili abathinteka emtjhadweni kufanele babe neminyaka engaphezulu kweli-18.
Bobabili abathintekako kufanele bavume ukutjhada ngaphasi komthetho wesintu.
Umtjhado kufanele kukhulunyiswane ngawo, uthatjelwe bewenziwe ngokuya komthetho wesintu.
Amalobolo awasi yinto etlhogekako ekusebenzeni komtjhado wesintu.

Tjheja bona imitjhado le ihlala ivunywa ngaphasi komthetho wesintu.

Ngifanele kutlolisa umtjhado wami nini?

Nayikuthi wawutjhade ngaphasi komthetho wesintu ngaphambi komhlaka 15 Novemba 2000, umtjhado wakho kufanele utloliswe nomNyango weeNdaba zeKhaya. Nayikuthi wawutjhade ngemva kokuphasiswa komthetho, kufanele utlolise umtjhado wakho kungakapheli iinyanga ezintathu ngemva komtjhado.

ImiTjhado yesiNtu nokutjhada ngokuHlanganyela iPahla

Yoke imitjhado yesintu eyenziwa ngemva kokuthoma ukusebenza komThetho iba ngeyokuhlanganyela ipahla. Lokhu kutjho bona umyeni nokosikazi banesabelo esilinganako epahleni, imali begodu lokhu kutjho bona babelana ngazo zoke iinkolodo. Nayikuthi abathintekako bangathanda bona umtjhado wabo ube ngewokungahlanganyeli ipahla kuzakufanela bona benze isivumelwano sangaphambi komtjhado mayelana nokwabiwa kwepahla . Nabafuna ukusitjhugulula ngemva kobana sele batjhadile kuzakufanela bona benze isibawo eKhotho ePhakamileko.

Ngaphasi komThetho wemiTjhado yesiNtu ukosikazi unelungelo nobujamo obulingana nebakababa ukuqunta bona kwenzekani epahleni. Ukosikazi othethwe isintu unekghono lokwenza iimvumelwano ngaphandle kwerhelebho lakababa.

Kwenzekani nayikuthi umyeni wami ufuna ukutjhada omunye ukosikazi?

Umyeni kufanele enze isivumelwano esitloliweko/ikontraga ezakubeka bona ngikuphi okufanele kwenzeke epahleni begodu umyeni uzakwenza isibawo ekhotho sokuvunywa kwesivumelwano esitloliweko. Ikhotho kufanele iqinisekise bona yoke ipahla yabo boke abokosikazi iyavikelwa.

Kwenzekani nayikuthi sifuna ukwenza umtjhado ongafuni isonto ngemva komtjhado wesintu?

Nayikuthi umyeni wakho akanabanye abokosikazi, ungatjhada ngaphasi komthetho womtjhado ongafuni isonto kanye nomthetho wesintu. Kodwana, akunamunye phakathi kwenu ozakukghona ukwenza imitjhado yesintu nomunye umuntu ngesikhathi nitjhade ngaphasi komthetho womtjhado ongafuni isonto.

Phezulu

Amagadango okufanele alandelwe

Wena namkha umyenakho angazitlolisa e-ofisini eliseduze lomNyango weeNdaba zeKhaya. Kuyeleliswa bona bobabili abathintekako baye bobabili ukutlolisa umtjhado wabo khona bazakurhabisa ukutloliswa. Kodwana, nayikuthi omunye othethene naye uyabhala, ungatlolisa ngokwakho bewulethe ubufakazi obufaneleko.
Letha incwadi kamazisi  begodu zalisa iForomo A: Application for registration/enquiry into existence of customary marriage  elifuna bona ubeke ilwazi elialndelako:

iinomboro zabomazisi , amagama namalanga wamabeletho womyeni nokosikazi
igama lababelethi bomyeini nokosikazi kanye negama lomrholi wendabuko
imininingwana yesivumelwano samalobolo/magadi, kanye
nabantu ababofakazi emtjhadweni 
incwadi ebuya emrholini wendabuko namkha isifungo.



Iforomo kufanele liqinisekiswe belitlikitlwe phambi:


kwesiphathiswa sokutlolisa, namkha
umuntu okhonjiweko, okhonjwe ngokunjalo Mnqophisi-Mazombe ukwenza imisebenzi ngokuya kwemithetjhwana.



Isibawo kufanele senziwe esiphathisweni sokutlolisa namkha umuntu okhonjiweko okufanele akunikele irasidi lokuvuma ukufumana isibawo eForomini B: Acknowledgement of receipt of application for registration of customary marriage 
Isiphathiswa sokutlolisa namkha umuntu okhonjiweko uzakudlulisela phambili isibawo e-ofisini eliseduze lesifunda namkha lesiyingi lomNyango bona sifakwe erejisteni yokutloliswa kwesitjhaba.
Uzakunikelwa isitifikhethi sokutloliswa namkha iForomo C: Customary marriage certificate .
Gcina isitifikhethi endaweni ephephileko ngombana siqakathekile.

Phezulu

Imithetho esetjenziswako



The Recognition of Customary Marriages Act, 1998   nemithetjhwana ekhambelanako.
Amended by the Judicial Matters Second Amendment Act, 2001  


Phezulu

Amazinga wokusebenza nesikhathi

Isitifikhethi esirhunyeziweko sikhutjhwa khonokho.
Isitifikhethi esingakarhunyezwa sithatha iimveke ezisithandathu ukufika kwezibunane.
Isiphathiswa sokutlolisa sizakwazisa nayikuthi sala ukutlolisa umtjhado wesintu njengombana kutjhiwo, sibeke amabanga wokwala.

Phezulu

Iindleko

Iimali ezilandelako zibhadelwa emNyangweni weeNdaba zeKhaya:


iduplikheyithi yesitifikhethi somtjhado wesintu: R11
ukuzuma nokwenziwa butjha kwesitifikhethi somtjhado namkha eminye imitlolo esekelako mayelana nokutloliswa (Kuye ngokuthi nayifuneka ukufeza iminqopho yangokomthetho sikhungo somBuso inikelwa simahla: R53
ukunikela ngesidzubhulo esibuya erejisteni yesitifikhethi somtjhado wesintu: R53
imali ebhadelwako eyi-R11 ibhadelwa ngabathetheneko emuntwini okhonjiweko mayelana nesibawo sokutloliswa komtjhado wesintu esenziwe emuntwini okhonjiweko.


Nawunemibuzo ngeendleko ezithintekako, sibawa uthintane nama-ofisi weeNdaba zeKhaya .

Phezulu

Amaforomo azaliswako

Application for registration/enquiry into existence of customary marriage 
Acknowledgement of receipt of application for registration of customary marriage 
Customary marriage certificate 
Application for the consent of a commissioner of child welfare 

Tjheja: Amaforomo awatholakali ku-inthanethi. Sibawa uthintane ne-ofisi lomnyango eliseduze nawe.

Phezulu

Imininingwana yokuthintana


