﻿

Ihlelo lokuKhandelwa kobuLelesi 

Ihlathululo
Amagadango okufanele alandelwe
Imithetho esetjenziswako
Amazinga wokusebenza nesikhathi
Iindleko
Amaforomo azaliswako
Imininingwana yokuthintana

Ihlathululo

I-Crime Stop mihlobo eminengana yamasentha wokufuna irhelebho ngokudosa umtato asebenza ukubuthelela ilwazi elibuya emphakathini ngezelelesi kanye nemisebenzi yazo. Amalunga womphakathi arhelejwa basebenzi besentha ababandulwe kuhle ekuphenyeni ngokukhulumisana. Lokhu kukuvumela bona wazise imiSebenzi yesiPholisa seSewula Afrika  ngemisebenzi yezelelesi ebhodulukweni eliphephileko nelingabeki amaphilo engozini. Awuzivezi nawungafuniko. Abasebenzeli bezokulandelela nokufaniswa kwabadosa imitato abakavunyelwa ukuza kwa-Crime Stop khona kuzakuqinisekiswa ukungazivezi kweempimpi. Ilwazi elinikelweko lithunyelwa kubaphenyi.

AmaSentha weRhelebho lomTato aThileko we-Crime Stop godu athintanisa iimpimpi bunqopha ngokudosa umtato ngendlela yekhonferensi. Lokhu kukghonakalisa isiphathiswa esiphenyako ukukhulumisana bunqopha nempimpi.

Tjheja: Lokhu kwenziwa kuphela ngemvumo yakho.

Godu ungabika izenzo zobulelesi ngokwe-elektroniki kuwebhsayithi yemiSebenzi yesiPholisa seSewula Afrika  neqinisekisa ukungazivezi kwakho ngaphandle kwalokha ufuna njalo.

Phezulu

Amagadango okufanele alandelwe

Dosela umtato inomboro ye-Crime Stop ethi-08600 10 111.
Umsebenzeli wesentha yerhelebho lomtato uzakuhlahla ngemibuzo ethileko begodu nayikuthi ilwazi olinikeleko lingasetjenziswa, uzakunikela inomboro yekhodi ehlukileko.
Nayikuthi ilwazi alikabi ukuba lirhelebho umsebenzeli uzakuyelelisa ukobana ungalifumana bunjani ilwazi elinabileko.
Ilwazi elingasetjenziswa lithintaniswa nekhodi onikelwe yona.
Uzakubawiwa bona udosele umtato i-Crime Stop enomborweni ethi-08600 10 111 esikhathini esibekiweko ukufunisisa bona ilwazi lakho libe nerhelebho na nokobana ingabe kghani ufanele kufumana umvuzo .
Ngomuso umsebenzeli uzakukhulumisana nawe kuphela ngomlandu nayikuthi inomboro yekhodi oyinikeleko ngelungileko begodu ukuzifanisa kwakho kukhambelana nehlathululo eserekhodini.
Umsebenzeli khonokho uzakuphelisa umtato nayikuthi uneqiniso lokobana akusuwe odose umtato ekuthomeni. Leli ligadango lezokuvikela begodu angeze kwakhulunyiswana ngalo.
Nayikuthi ubika ubulelesi ngokwe-elektroniki, zalisa iforomo lombiko obuyako elitholakala kuwebhsayithi ye-SAPS. Inomboro yereferensi izakuvezwa nasele uthumele iforomo.
I-Crime Stop izakudlulisela ilwazi eyunithini ephenyako efaneleko bona iphenye, ngesibawo sokobana ibuye ilethe umbiko wokuthoma kungakapheli ama-awara ama-24 kanye nomphumela wephenyo ngokurhaba okukghonekako.
Nayikuthi ufaneleka begodu ubawe umvuzo, isiphathiswa esiphenyako sizakuqunta ngomvuzo kanye nekambiso ezakusebenza ekukhutjhweni kwawo ngokuya kweLwazi lesiTjhaba .
Lokha umvuzo nasele ulungile, i-Crime Stop izakuthinta ukuhlela ukubhadelwa kwawo.

Phezulu

Imithetho esetjenziswako



South African Police Service Act, 1995  

Phezulu

Amazinga wokusebenza nesikhathi

Njengokufuna kwamazinga weentjhabatjhaba wokuKhandelwa kobuLelesi akunabasebenzeli bokufaniswa kweenomboro namkha bokulandelela abavunyelwe bona babe semakhiweni we-Crime Stop ngombana lokhu kungalimaza khulu itjhebiswano lokuthembana mayelana nokungazivezi eliphakathi kwe-SAPS neempimpi.
I-Crime Stop izakudlulisela ilwazi elinikelweko eyunithini ephenyako efaneleko bona ililandelele ngesibawo sokobana ilethe umbiko obuyako wokuthoma kungakapheli ama-awara ama-24 kanye nomphumela wephenyo ngokurhaba okukghonekako.
Nayikuthi ufaneleka begodu ubawe umvuzo, isiphathiswa esiphenyako sizakuqunta umvuzo begodu sizakusebenza ukukhutjhwa komvuzo ngokuya kwe-National Information 2/2001.
Lokha umvuzo nasele ulungile, i-Crime Stop ikuzakuthinta ukuhlela ukubhadelwa kwawo.

Phezulu

Iindleko

Ukudosa umtato emtatweni we-Telkom : I-Share-call 
Imitato eyenziwa ngomaliledinini : Umtato ubhadelwa ngeemali ezijayelekileko zokudosa ngomaliledinini

Phezulu

Amaforomo azaliswako

Angeze kutlhogeke bona uzalise iforomo ngombana ubulelesi bubikwa ngomtato. Kodwana, nayikuthi ubika ubulelesi ngokusebenzisa iwebhsayithi ye-SAPS zalisa iforomo le-elektroniki lombiko obuyako.

Phezulu

Imininingwana yokuthintana


