﻿
Isibawo soku-adoptha umntwana
Ihlathululo
Amagadango okufanele alandelwe
Imithetho esetjenziswako
Amazinga wokusebenza nesikhathi
Iindleko
Amaforomo azaliswako
Imininingwana yokuthintana

Ihlathululo

Uku-adoptha kutjho ukwamukela ukuba mumondli ngokomthetho, ngokuya kweenkambiso zomthetho, womntwana wabanye ababelethi beengazi.

Ngubani ongenza isibawo somlayo woku-adoptha?

Myeni nomkakhe ngokuhlanganyela
Mhlolokazi namkha umfelwa
Mumuntu ongakatjhadi namkha ohlukanisileko
Mumuntu otjhadileko athethene naye ombelethi womntwana
Ubaba wemvelo womntwana obelethelwe ngaphandle komtjhado

Umlayo woku-adoptha kufanele ukhutjhwe yikhotho yabantwana esiyingini lapho umntwana ahlala khona.

Ikhotho yabantwana ingakhupha kuphela umlayo ngemva kobana itjheje umbiko obekiweko obuya esisebenzini sezehlalakuhle.

Nawufuna ilwazi elinabileko, yiya ku-website yomNyango wezoBulungiswa nokuThuthukiswa komThethosisekelo

Top

Amagadango okufanele alandelwe

Yenza isibawo somlayo woku-adoptha ekhotho yabantwana etholakala esiyingini lapho umntwana okufanele a-adopthwe ahlala khona. Njengombana woke amakhotho kamarhastrada asebenza njengamakhotho wabantwana, ungenza isibawo kumabhalana wekhotho yabantwana.
Zalisa iForomo 11, Application for the adoption of a child  bewulilethe emrhelebhini wekhotho yabantwana.
Umrhelebhi wekhotho kufanele, nayikuthi akukenziwa, abawe isisebenzi sezehlalakuhle esivunyelweko ukuphenya isibawo.
Ekupheleni kwephenyo isisebenzi sezehlalakuhle sizakuletha umbiko ekhotho yabantwana lapho isibawo sizakwenziwa khona. Ngaphandle kwalokha nawufunwa yikhotho, umbiko akukafaneli wazise umntwana namkha lapho kuhlala khona ababelethi abafuna ukum-adoptha – namkha umntwana, nayikuthi sele ahlala nabo – ngaphandle kwemvumo yabo etloliweko yangaphambilini.
Nayikuthi ikhotho yabantwana iyaneliswa ngombiko kanye nelwazi loku-adoptha okuhlongozwako, ngesiqunto sayo, ingatjheja isibawo beyenze umlayo onikela ngoku-adoptha ngaphandle kokulalela omunye umuntu. Kodwana, ingenza njalo nayikuthi isibawo soku-adoptha asiphikiswa.
Nayikuthi isibawo asikaphethwa namkha angeze saphethwa, ilanga lokulalelwa kuhle kwesibawo yikhotho yabantwana lizakubekwa. Umabhalana wekhotho yabantwana uzakukhupha isaziso eForomini 1A, Notice to prospective adoptive parents , ukwazisa omunye nomunye umbelethi o-adopthako ngokulalelwa.
Um/ababelethi bemvelo bomntwana akukafaneli babekhona eenkambisweni zekhotho zokulalelwa koku-adothwa komntwana ngaphandle kwalokha ikhotho, ngokuqunta kwayo, ivumela ukubakhona kwabo namkha ibona bonyana ukubakhona kwabo kuzakuba sekarekweni ehle yeenrhuluphelo zomntwana.
Ikhotho ingabawa umbelethi, ababelethi namkha abondli bomntwana bona banikele ngemvumo etloliweko yoku-adoptha. Ingabawa okufunekako emntwaneni okufanele a-adopthwe nayikuthi uneminyaka eli-10 namkha engaphezulu kwayo begodu ikhotho iyaneliswa bona umntwana uzwisisa ubunjalo nokuqakatheka kwemvumo.
Nayikuthi, kwesinye nesinye isikhathi seenkambiso, ikhotho icabanga bona kunamabanga azwakalako wokubawa imvumo yombelethi wemvelo, ikhotho izakubawa umabhalana wekhotho yabantwana ukunikela isAziso namkha iForomo 22, Notice to parent to advance reasons in terms of regulation 21  ), ngombelethi othintekako. Isaziso lesi sizakubawa umbelethi ukuvela ekhotho yabantwana leyo nayikuthi ufuna ukunikela ngamabanga wokobana kungani imvumo yakhe kungaragelwa phambili ngaphandle kwayo.
Nayikuthi umbelethi akekho ekhotho yabantwana ngelanga elitjhiwoko begodu ikhotho iyaneliswa bona

isaziso esifaneleko sanikelwa umbelethi begodu akunabanga elizwakalako lokubhalelwa kombelethi kuvela, ikhotho msinyana ingalalela beyinikele isiqunto.
isaziso esifaneleko akhenge namkha akhenge kughonakale bona sinikelwe umbelethi ikhotho, ngesiqunto sayo, inganikela isaziso umbelethi godu isaziso nayikubona kufanele, namkha msinyana ibambe ukulalela beyinikele isiqunto.

Lokha ikhotho yabantwana nayitjheja uku-adoptha, ukulethwa nje kuphela kombiko otloliweko sisebenzi sezehlalakuhle esivunyelweko namkha ngomunye umuntu onegunya, bufakazi obaneleko ngokomthetho  bamaqiniso abekwe embikweni.
Omunye nomunye othintwa bunqopha namkha ingasi bunqopha angabwa ukuvezwa kwemininingwana yombiko. Lokhu kuzakwenziwa ekulalelweni okuhlelekileko.
Omunye othintekako uzakunikelwa ithuba lokuhlolisisa  umtloli wombiko ngenye nenye indaba esuka embikweni, aphikise esinye nesinye istatimende esivela kiwo.
Ukomitjhinara othintekako uzakuhlathululela ngokucacileko othintekako imiphumela yokubhalelwa kuphikisa iintatimende ezivela embikweni.
Ekulalelweni kwesibawo, umbawi nombelethi onikelwe isaziso banamalungelo namandla afanako njengomuntu othinteka embangweni ekhotho kamarhastrada mayelana nokuhloma ngemibuzo abofakazi, anikele ubufakazi abe akhulume nekhotho.
Lapho umlayo woku-adoptha umntwana ungakanikelwa, namkha lapho imvumo yoku-adoptha umntwana ibuyiselwe emva namkha ingakabi ukunikelwa, umbelethi womntwana namkha umondli angabawa ikhotho ukubuyisela umntwana emuntiwini onobunikazi bakhe. Isibawo lesi senziwa ngokusebenzisa isisebenzi sezehlalakuhle esivunyelweko namkha umuntu okhonjwe yikhotho yabantwana ngokusebenzisa iForomo 21C, Notice to prospective adoptive parent for release of child to custody of parent or guardian . Kodwana, lokhu kuzakwenziwa nayikuthi kusekarekweni ehle yomntwana.
Umlayo woku-adoptha uzakunikelwa eForomini 14


Top

Imithetho esetjenziswako

Child Care Act, 1983  
Natural Fathers of Children Born out of Wedlock Act, 1996  



Top

Amazinga wokusebenza nesikhathi

Isikhathi esibekelwe ukusetjenzwa kwesibawo siyame ekuraraneni kwesibawo.
Isaziso esiya embelethini womntwana okufanele a-adopthwe kufanele sinikele ngemininingwana eyaneleko namkha amabanga wemvumo yoku-adoptha umntwana. Isaziso sizakunikelwa ubuncani bakhona amalanga ama-21 ngaphambi kwelanga lokuvela ekhotho.
Nayikuthi umma womntwana wala nemvumo, isibawo ekhotho yabantwana sizakwenziwa kungakapheli amalanga ali-14.
Ubaba wemvelo womntwana obelethelwe ngaphandle komtjhado kufanele enze isibawo sokutjhugulula imininingwana emitlolweni yokutloliswa kwamabeletho womntwana kungakapheli amalanga alikhomba wokunikelwa komlayo.
Ngemva kokuletha isibawo sokutjhugululwa, ubaba wemvelo womntwana obelethelwe ngaphandle komtjhado kufanele azise umabhalana wekhotho yabantwana okwenziwa kiyo isibawo soku-adoptha. Kufanele enze lokho ngomtlolo, begodu abeke bona isibawo sokutjhugululwa senziwa nini begodu kuphi


Top

Iindleko

Awubhadeli litho ngalomsebenzi

Top

Amaforomo azaliswako

Form 1A: Notice to prospective adoptive parents
Form14 : Order of adoption
Form 21C: Notice to prospective adoptive parent for release of child to custody of parent or guardian(Isazizo sababelethi abangahle ba-adopthe ngokutjhatjhululwa komntwana etlhogomelweni lombelethi namkha umondli
Form 22: Notice to parent to advance reasons

Top

Imininingwana yokuthintana


