
Isibawo sokuhloma i-learnership nawumqatjhi

Ihlathululo
Amagadango okufanele alandelwe
Imithetho esetjenziswako
Amazinga wokusebenza nesikhathi
Iindleko
Amaforomo azaliswako
Imininingwana yokuthintana

Ihlathululo

I-learnership mhlobo ohlukileko webandulo owenzeka ngokugandelela khulu ilemuko lokwenza.

Ama-learnership afaka ifundo yangeklasini esentha yebandulo namkha ekholiji kanye nebandulo lemsebenzini endaweni yokusebenzela.

Nawufuna ilwazi elinabileko, yiya ku-website yomNyango wezabaSebenzi.

Top

Amagadango okufanele alandelwe

Abaqatjhi kufanele baqunte bona ngimaphi amakghono abawafunako begodu bangakhetha enye nenye i-learnership enikelwa siKhungo sekuLawula iFundo neBandulo ).
Abaqatjhi bangenza isibawo sesabelo ku-SETA yabo nasele batlikitle isivumelwano se-learnership. Kodwana kuqakathekile bona abaqatjhi bathintane ne-SETA yabo ngaphambi kwalokhu ukuqinisekisa bona i-SETA inemali eyaneleko. Thintana ne-SETA ukufumana bona usenza njani isibawo.
Thola umuntu ehlanganweni yakho ozakuhlahla abafundi abe abarhelebhe ngemiraro abangaqalana nayo ehlanganweni yakho.
Thola umuntu ozakurhelebha abafundi ngehlangothi leemfundo le-learnership ngokukhetha umnikeli-bandulo. Umnikeli-bandulo kufanele avunyelwe yi-SETA.
Abaqatjhi bangakhetha abafundi hlangana nabasebenzi babo namkha bangakhetha abantu abangasebenziko abazakungena ku-learnership. Nayikuthi bafuna abantu abangasebenziko kuma-learnership, bangathintana nesentha yezabasebenzi eseduze ukufumana abafundi. Abaqatjhi abakakateleleki ukunikela abafundi umsebenzi ngemva kwe-learnership.
Abaqatjhi, abanikeli-bandulo nabafundi kufanele batlikitle isivumelwano se-learnership.
Abaqatjhi kufanele batlikitle isivumelwano nabafundi abangasebenziko esikhambisana nobuJamo beKoro yama-Learnerships. Akutlhogeki ukutlikitla iimvumelwano ezitja nabasebenzi asele basebenzela umqatjhi.
Kuqakathekile bona abatjhi batlolise isivumelwano sabo se-learnership ne-SETA. Nayikuthi abenzi njalo, angeze bakghona ukubawa ukulitjalelwa emthelweni kwa-South African Revenue Service . Thintana ne-SARS nawufuna ilwazi elinabileko mayelana nokubawa ukulitjalelwa emthelweni.
Nasele amagadango angehla aqediwe, abaqatjhi bangafezakalisa i-learnership.

Top

Imithetho esetjenziswako

Skill Development Act, 1998  
Basic Conditions of Employment Act, 1997 , Sectoral Determination No 5 

Top

Amazinga wokusebenza nesikhathi

Kungathatha amalanga afika kwama-30 ukuhloma i-learnership.

Top

Iindleko

Awubhadeli litho ngalomsebenzi.

Top

Amaforomo azaliswako

Yenza isibawo emNyangweni wezabaSebenzi.

Top

Imininingwana yokuthintana


