﻿

Isibawo sesitifikhethi sokulethwa ngenarheni kotjwala

Ihlathululo
Amagadango okufanele alandelwe
Imithetho esetjenziswako
Amazinga wokusebenza nesikhathi
Iindleko
Amaforomo azaliswako
Imininingwana yokuthintana

Ihlathululo

Isitifikhethi sokuletha ngenarheni sifuneka nawuzakuletha eSewula Afrika umkhiqizo wotjwala . Isitifikhethi sokuletha ngenarheni namkha ikhophi izakufuneka ngaphambi kobana umthwalo ukhutjhwe endaweni yokungena kwepahla.

Oletha ngenarheni wenza isibawo sesitifikhethi kanye nasele ngesikhathi somkhiqizo. Ngemva kwalokho inomboro efanako yesitifikhethi sokuletha ngenarheni ingasetjenziswa kuye ngokuthi isibumbeko, okungaphakathi, ubukhulu bebhodlelo nelebula yomkhiqizo ayitjhuguluki.

Isitifikhethi sokuletha ngenarheni asizukufuneka emikhiqizweni elethwa ngenarheni bona izokuselwa begodu nebumba ihlangothi lomthwalo womuntu ofika eSewula Afrika, kuye ngokuthi imikhiqizo enjalo:


nayipheleleko ayidluli amalithaa ali-12 ngobukhulu begodu

ngayo akukahloswa kuphela ukusela mumuntu lowo, likhaya lakhe namkha iimvakajthi zakhe ezingabhadeliko.



Phezulu

Amagadango okufanele alandelwe

Zalisa iforomo lesibawo.

Esinye nesinye isibawo kufanele siphekelelwe yismpula ubuncani bakhona enamamilimitha ali-750 ml womkhiqizo okukhulunywa ngawo:


ebujameni bomkhiqizo ongebhodlelweni, letha isampula ngebhodlelo elinelebula ozakuthengiswa ngalo

letha isampula ebuya etjwaleni obulethwe ngobunengi ngebhodlelo elijayelekileko le-750 ml

letha isampula e-ofisini lePhiko lemiKhiqizo yoTjwala e-Stellenbosch.



Letha isitifikhethi sokucozulyla esamukelekako esikhutjhwe yilabhorathri yangokomthetho enarheno okubuya umkhiqizo. Nayikuthi asitholakali, iPhiko lemiKhiqizo yoTjwala lizakwenza ukucozululwa kwamakhemikhali esampuleni.

Ebujameni bomkhiqizo olethwa ngebhodlelo, ilebula lebhodlelo uzakulinganiswa ukuqinisekisa bona likhambisana neemfuno zomThetho wemiKhiqizo yoTjwala .

Ngobunengi okumumethweko okulethwa ngenarheni kuzakulinganiswa. Ilebula ilinganiswa lokha nawenza isibawo semvumo yesitifikhethi sokuthengisa.

Iphiko kufanele lifumane imali yokubhadela  ngaphambi kobana kukhutjhwe isitifikhethi.

Isitifikhethi sokuletha ngenarheni sizakukhutjhwa nayikuthi okumumethweko nelebula, ebujameni bokulethwa komkhiqizo ngobunengi, yomkhiqizo ikhambisana neemfuno zomThetho wemiKhiqizo yoTjwala ka-1989. umthwalo womkhiqizo ungathunyelwa ngaphandle.
Nikela ngesaziso sama-awara ama-48 ePhikweni lokuHlolwa kweKhwalithi  ngaso soke isikhathi lokha umthwalo wotjwala ofunelwa isitifikhethi sokuletha ngenarheni nasikhutjhiweko, uzakungena eSewula Afrika.

Lokha imikhiqizo yotjwala ifika eSewula Afrika, oletha ngenarheni kufanele afumane incwadi yokudlulisa ebuya ePhikweni lokuHlolwa kweKhwalithi ukususa utjwala endaweni yokungena kwepahla namkha edebha yesimumathi ukuya endaweni ayikhethako.

Phezulu

Imithetho esetjenziswako

Liquor Products Act, 1989  

Phezulu

Amazinga wokusebenza nesikhathi

Akunasikhathi esibekelwe lomsebenzi.

Phezulu

Iindleko

Isitifikhethi sokuletha ngenarheni  : R125
Isitifikhethi sokuletha ngenarheni  : R220
Ukucozululwa kwesampula elethwa ngenarheni : R310
Imali yokucozulula ngokuya kweemali zokucozululwa kotjwala ezijayelekileko 
Nayikuthi oletha ngenarheni unikela iPhiko lemiKhiqizo yoTjwala ngesitifikhethi sokucozulula esamukelekako esikhutjhwe siphathiswa enarheno okubuya umkhiqizo, angeze abhadeliswa i-R290.

Phezulu

Amaforomo azaliswako



Application for an import certificate 

Phezulu

Imininingwana yokuthintana


