﻿

Isibawo sokutloliswa kokubuyiselwa imali yomthelo

Ihlathululo
Amagadango okufanele alandelwe
Imithetho esetjenziswako
Amazinga wokusebenza nesikhathi
Iindleko
Amaforomo azaliswako
Imininingwana yokuthintana

Ihlathululo

Lomsebenzi unikela ngelwazi lokobana uzitlolisela njani ukubuyiselwa imali yomthelo ne-South African Revenue Service. Lokhu kubuyiselwa imali yomthelo siphungulelo emthelweni obhadelwa nawuletha ipahla ngenarheni lokha nawuletha ipahla ngenarheni.

Phezulu

Amagadango okufanele alandelwe

Umbawi, ingasi omunye wesithathu kufanele azalise iforomo lesibawo , nakungasinjalo isibawo asizukutjhejwa.
Esigabeni somHlobo weKlayenti  qalisisa ibhokisana lokuBuyiselwa umthelo, esigabeni sokuzitlolisa.
Esigabeni semininingwana yezokuRhwebelana , kufanele uveze:

igama lokwenza ibhizinisi lebhizinisi lakho
igama lestrada nenomboro yesitolo esifuna ukubuyiselwa imali yomthelo
igama nenomboro yefluru yomakho okwenziwa kiwo ibhizinisi
isabhabhu lapho ibhizinisi itholakala khona
idorobha elikhulu namkha idorobha lapho ibhizinisi itholakala khona
ikhodi yestrada yesabhabhu lapho ibhizinisi itholakala khona.

Isigaba seGunya lokwenza isiBawo, kufanele sizaliswe mbawi  nakenza isibawo sokutloliswa njengomsebenzisi wokubuyiselwa imali yomthelo.
Igama lombawi namkha igama lokutloliswa lehlangano ingasi igama lokwenza ibhizinisi, kufanele livezwe kileli ziko.
nakuvela i-asterisk (), sula lokho okufaneleko.
Esigabeni semininingwana yeSitolo esiBuyiselwa iMali yomthelo, kufanele uveze:

ihlathululo yepahla ezakubekwa esitolo esibuyiselwa imali yomthelo
iinhloko zemali ebhadelwako/ama-ayithemu wepahla elethwa ngenarheni esitlolo esibuyiselwa umthelo
ama-ayithemu aBuyiswako ngaphasi kwetjhejuli yenomboro 3, 4, 5 no 6
ihlathululo yemikhiqizo elethwa ngenarheni namkha izinto.

Esigabeni sesiFungo, veza okulandelako:

ama-initjhiyali nesibongo somuntu owenza isibawo selayisense
ubujamo bomuntu owenza isibawo, isibonelo, uMnqophisi, uMphathi, uMnikazi
umuntu owenza isibawo kufanele atlikitle iforomo lesibawo
ilanga okutlikitlwe ngalo isibawo
indawo lapho isibawo satlikitlelwa khona.

Umbawi kufanele alethe iforomo elizalisiweko e-ofisini eliseduze lomThelo wePahla le-South African Revenue Services.
Sibawa unamathisele amakhophi aqinisekisiweko namkha wamambala wokulandelako:

isitifikhethi sokutloliswa kwebhizinisi esikhutjhwe mTlolisi wamaKampani namkha ngu-Master of the Supreme Court ebujameni be-Trust.
isiqunto/imvumo namkha elinye igunya kuye ngokufuneka.
imvumo yomNyango wezokuRhwebelana namaBubulo nayifunekako.
iindlela nayikuthi wenza isibawo ngaphasi kwe-ayithemu 607.04.10, 607.04.10, 607.04.10 no 607.04.10.
iincwadi zokuzazisa ebujameni besakhamuzi seSewula Afrika namkha iphaspoti ebujameni bomuntu ongasimhlali weSewula Afrika:

emuntwini
ama-Partners, i-Close Corporation ne-Trust – Woke amaLunga/ ama-Partners/nama-Trustee
ikampani – Boke abanqophisi, kufaka umNqophisi oPhetheko kanye nomNqophisi weeMali.



Phezulu

Imithetho esetjenziswako

Customs and Excise Act, 1964  

Phezulu

Amazinga wokusebenza nesikhathi

Itjhata yemiSebenzi ye-SARS Service Charter inikela ngamazinga womsebenzi azakufezakaliswa ngokuzeleko ngo-2007.

Phezulu

Iindleko

Awubhadeli litho ngalomsebenzi.

Phezulu

Amaforomo azaliswako



Security particulars, DA 185C 

Licensing/Registration of custom and excise clients, DA185 

Registration client type - Rebate User, DA185.4A3


Phezulu

Imininingwana yokuthintana


