

Isibawo semali yesondlo

Ihlathululo
Amagadango okufanele alandelwe
Imithetho esetjenziswako
Amazinga wokusebenza nesikhathi
Iindleko
Amaforomo azaliswako
Imininingwana yokuthintana

Ihlathululo

Isondlo sibopho sokubonelela omunye umuntu, isibonelo, umntwana, ngendlu, ukudla, izembatho, ifundo netlhogomelo lezokwelatjhwa, namkha ngokhunye okungatlhogeka ukunikela ngalezi zinto eziqakathekileko. Lesi sibopho somthetho sokondla sibizwa 'ngesibopho sesondlo' namkha 'ngesibopho sokusekela'.

Ngubani okufanele anikele ngesondlo?

Isibopho sokondla sisekelwe etjhebiswaneni leengazi, loku-adoptha namkha eqinisweni lokobana abantu laba batjhadile.

Umntwana kufanele asekelwe namkha ondliwe:

babelethi bakhe, nanyana batjhadile, bahlala bobabili, bahlala ngokuhlukana namkha bahlukanisile, kufaka ababelethi aba-adopthe umntwana; kanye/namkha
ugogo nobamkhulu bakhe, nanyana ababelethi bomntwana bebatjhadile. Kodwana lokhu kuhluka ubujamo nobujamo.

Isibopho sokusekela ilunga lomndeni asipheleli ekusekeleni umntwana. Elinye nelinye ilunga lomndeni, kungaqalwa ubudala, lingabawa elinye ilunga ukubasekela namkha ukubondla, kuye ngokuthi ubujamo obulandelako kuhlangabezwana nabo:

Ilunga lomndeni elifuna ukusekelwa alikghoni ukuzisekela.
Ilunga lomndeni okufunwa kilo imali yesondlo alikghoni ukubhadela imali yesondlo efunekako.

Ngiziphi iindleko ezingafunwa?

Ungafuna isekelo elizwakalako elitlhogekako ukuqalelela umntwana namkha umuntu onelungelo lesondlo ngezinga lokuphila elifaneleko kanye nokukhulisa. Lokhu kufaka ukunikela ngezinto eziqakathekileko ezifana nokudla, izembatho nendlu, kanye nokubhadela ifundo elungileko. Ikhotho godu ingalaya uyise womntwana ukufaka isandla ekubhadelweni kweendleko zokuphila ukuthoma ngelanga umntwana abelethwa ngalo ukufika ngelanga okukhutjhwa ngalo umlayo wesondlo. Ikhotho godu inganikela ngomlayo wokubhadelwa kweendleko zokwelapha namkha ilaye bona umntwana atloliswe ehlelweni lezokwelapha lomunye wabathintekako njengomthembele kibo. Ukukghonakalisa ikhotho ukunikela ngomlayo wesondlo olungileko, bobabili abathintekako kufanele banikele ikhotho ubufakazi beendleko.

Umbono wakho ngokuziphatha komunye umbelethi awunamphumela elungelweni lomntwanakho lokobana ondliwe. Usezakubhadela isondlo nanyana omunye umbelethi

atjhada butjha
azibandakanya kwelinye itjhebiswano
angakuvumeli ukubona abantwana
aba nabanye abantwana ngokukhamba kwesikhathi.

Isibopho sakho sokubhadela imali yesondlo kanye nelungelo lakho lokufikelela abantwana ziindaba ezihlukeneko begodu azikhambelani. Ukudlula lapho, abantwana bomunye nomunye othintekako abanamthelela esibopheni sokusekela. Kodwana inani lesondlo elizakubhadelwa lingatjhugululwa yikhotho nayikuthi omunye wabathintekako angaletha isibawo.

Nawufuna ilwazi elinabileko, yiya ku-website yomNyango wezoBulungiswa nokuThuthukiswa komThethosisekelo.

Top

Amagadango okufanele alandelwe

Yenza isibawo sesondlo ekhotho kamarhastrada esiyingini lapho uhlala khona.
Nayikuthi uyasola, ikhotho yendawo izakutjela bona usenze kuyiphi ikhotho isibawo.
Tjhinga ekhotho efaneleko bewuzalise iForomo A: Application for a maintenance order .
Ukungezelela eforomini elizalisiweko, letha ubufakazi bengeniso yakho yenyanga kanye neendleko, obufana namarasidi wokuthenga ukudla, igezi kanye/namkha ukubhadelwa kwesikolodo serente.
Ikhotho izakubeka ilanga wena noziphendulelako  enizakuya ngalo ekhotho.
Isiphathiswa sezondlo kanye nomphenyi bazakuphenya isibawo sakho sokufuna isondlo begodu bazakutjheja ubujamo bakho.
Ikhotho izakunikela amasamoni  umuntu oziphendulelako ukuvela ekhotho ngelanga elithileko ukukhulumisana ngendaba.
Umuntu oziphendulelako angavuma ukubhadela imali efunwako namkha ayiphikise ekhotho.
Nayikuthi umuntu oziphendulelako uyavuma ukubhadela isondlo, umarhastrada uzakubuyekeza imitlolo leyo. Uzakwenza umlayo begodu uzakuqunta ukwenza njalo ngaphandle kokubawa abathintekako ukuvela ekhotho.
Nayikuthi umuntu okuthiwa kufanele abhadele isondlo akavumelani nokukhutjhwa komlayo, kufanele avele ekhotho, lapho ubufakazi, abathintekako kanye nabofakazi babo bazakulalelwa khona.
Nayikuthi ikhotho ifumana bona umuntu kufanele abhadele imali yesondlo, izakwenza umlayo wenani okufanele libhadelwe. Ikhotho nayo izakuqunta bona ukubhadelwa kuzakwenziwa nini begodu njani.

Indlela yokubhadela

Ikhotho ingalaya bona imali yesondlo ibhadelwe ngenye yeendlela ezilandelako:

E-ofisini lakamarhastrada wendawo namkha e-ofisini elinye lombuso elenzelwe lomnqopho.
E-akhawuntini yebhanka namkha ye-building society ekhonjwe mumuntu othintekako.
Bunqopha emuntwini okufanele afumane imali.
Ngokusebenzisa umlayo obeka bona umqatjhi nguye okufanele abhadele isondlo ngokudoswa kwemali bunqopha emrholweni womsebenzi, ngokukhambisana nomThetho weSondlo ka-1998 omutjha.



Top

Imithetho esetjenziswako

Maintenance Act, 1998   nemiThetjhwana ekhambelanako



Top

Amazinga wokusebenza nesikhathi

Uzakuphathwa ngokulingana nabanye, ngobuntu nangesithunzi.
Iinghonghoyilo zizakuphathwa ngokurhaba okukghonekako begodu nangeendleko eziphasi.
Akunasikhathi esibekiweko salomsebenzi. Yoke ikambiso, ukuthoma ekulethweni kwesibawo sokufumana ukubhadelwa kokuthoma kwesondlo, ingathatha iimveke ezimbalwa, kuye ngokubambisana phakathi kwabathintekako.
Abofakazi abakhambela ukulalelwa, kufaka abantu abafuna isondlo, bafanele kufumana iimali ezibekiweko zokusekela nokukhamba. Kodwana, ikhotho izakuqunta ngokuthanda kwayo ukobana iimali ezinjalo zibhadelwe umuntu ongakhutjhelwa umlayo wesondlo na.
Umuntu ofuna isondlo kufanele enze isibawo sokubhadelwa kweemali zabofakazi esiphathisweni sezondlo.



Top

Iindleko

Awubhadeli litho ngalomsebenzi.



Top

Amaforomo azaliswako

Form A: Application for Maintenance Order 
Form B: Substitution or Discharge of existing Maintenance Order 
Form C1: Subpoena in terms of Section  of the Maintenance Act, 1998   somThetho weSondlo)
Form D: Notification to admit Statements by Witnesses 
Form E: Maintenance Order in terms of section 16 of the Maintenance Act, 1998 
Form F: Notice to make Maintenance Payments on behalf of person against whom Maintenance Order was made 
Form G: Consent and Maintenance Order in terms of section 17 read with Section 16 of the Maintenance Act, 1998 
Form H: Order by Default and Notice in terms of Section 18 read with Section 16 of the Maintenance Act, 1998 
Form I: Application for Variation/Setting Aside of an Order by Default in terms of Section 19  of the Maintenance Act, 1998  somThetho weSondlo)
Form J: Notice in terms of Section 19 of the Maintenance Act, 1998 
Form J: Application for Enforcement of Maintenance or other Order in terms of Section 26 of the Maintenance Act, 1998 
Form L: Warrant of execution against Property in terms of Section 27 of the Maintenance Act 
Form M: Application for Setting Aside of a warrant of Execution in terms of section 27 of the Maintenance Act, 1998  somThetho weSondlo)
Form N: Application for Suspension, Amendment or Rescission of an Order for the attachment of Emoluments in terms of Section 28 of the Maintenance Act, 1998  somThetho weSondlo)
Form O: Notices to and by Employer in terms of Section 29 of the Maintenance Act, 1998 
Form P: Application for Suspension, Amendment or Rescission of an Order for the attachment of Debts in terms of Section 30 of the Maintenance Act, 1998  somThetho weSondlo)
Form Q: Complaint of Failure to Comply with a Maintenance Order for purposes of Section 31 of the Maintenance Act, 1998  somThetho weSondlo)

Thintana ne-Ofisi lakaMarhastrada eliseduze, iKhotho yeSondlo, iKhotho yemiNdeni namkha umTjhutjhisi weZondlo namkha isiPhathiswa esiPhenya iZondlo



Top

Imininingwana yokuthintana


