﻿

Isibawo sokubekelwa ngeqadi ekubhadeleni umthelo wengeniso

Ihlathululo
Amagadango okufanele alandelwe
Imithetho esetjenziswako
Amazinga wokusebenza nesikhathi
Iindleko
Amaforomo azaliswako
Imininingwana yokuthintana

Ihlathululo

Ukuphathwa ngokuhlukileko ngakwezomthelo kunikelwa iinhlangano ezingenzi inzuzo ezihlonyelwe bona kuzuze umphakathi. Kodwana lokhu kuphathwa ngokuhlukileko ngakwezomthelo kunikelwa kuphela iinhlangano ezikhambisana neenjamiso zomThetho weenHlangano eziNgenzi iNzuzo ka-1997 nemithetho ekhambelanako.

Iinhlangano ezifisa ukwenza isibawo sokubekelwa ngeqadi ekubhadeleni umthelo kufanele ziwele ngakwelinye lamahlangothi alandelako:

Ikampani ewela ngaphasi kwesiGaba 21 somThetho wamaKampani ka-1973. Ikampani yesiGaba 21 enememorandamu nama-articles of association kanye nestatimende sokusungula begodu netloliswe noMtlolisi wamaKampani.
I-trust enomtlolo wokusungula kanye ne-trust deed, etloliswe no-Master of the High Court.
Ihlanganisela yabantu. Ihlangano yokuzithandela yabantu iphethwe mthethosisekelo.

Lapho istatimende sokusungula nasingakhambisaniko neenjamiso zesiGaba 30 somThetho weenHlangano eziNgenzi iNzuzo ka-1997 isibawo kufanele siphekelelwe sibopho esitloliweko esitlikitlwe mbawi. Ukubekelwa ngaphandle okudlulileko kuzakuragela phambili nokusebenza bekube sikhathi lapho umbawi aziswe yi-South African Revenue Service  ngokuthathwa kwesiqunto ngokuya komthetho omutjha.

Phezulu

Amagadango okufanele alandelwe

Iinhlangano kwanjesi ezingabekelwa ngeqadi ngokuya komthetho ekubhadeleni umthelo wengeniso zingaletha iforomo elizalisiweko lesibawo nemitlolo esekelako kanye nesibopho esitlikitliweko lapho abantu abasebenzisa isikhundla se-fiduciary bathembisa ukukhambisana neenjamiso zesiGaba 30 somThetho weenHlangano eziNgenzi iNzuzo ka-1997.
Imitlolo yokusekela elandelako kufanele iphekelele isibawo:

ikampani: Namathisela ikhophi yeMemorandamu nama-Articles of Association 
i-Trust: Namathisela ikhophi ye-trust deed kanye netjhuguluko elilandelako lama-deeds of amendment
ihlanganisela yabantu: Namathisela ikhophi yomthethosisekelo wamuva nje.

Iinhlangano ezihlonywe ngomnqopho wokunikela ngama-scholarships, imifundalize nabonongorwana bezefundo, irhubhululo kanye nokufundisa, ukungezelela imitlolo yokusekela engehla, kufanele godu zizalise iNcwadi yesiBopho esiTloliweko EI 3.
Iinkolo zombuso nezizijameleko , iinkhungo zefundo ephakamileko, iinkhungo zefundo nebandulo labadala , kanye neenkhungo zefundo nebandulo eliragela phambili kufanele zinamathisele ikhophi yesitifikhethi sokuzitlolisa esikhutjhwe ngabasemaGunyeni bezeFundo abafaneleko
Iforomo elizalisiweko kanye nemitlolo efaneleko kufanele ibuyiselwe ku:
The Commissioner: SARS
Tax Exemption Unit
P.O. Box 11955
Hatfield
0028

Phezulu

Imithetho esetjenziswako



Taxation Laws Amendment Act, 2000  as amended by Section 78 of Act 19 of 2001; and Section 63 of Act 30 of 2002 and Section 198 of Act 45 of 2003 
Nonprofit Organisations Act, 1997  
Companies Act, 1973  
Income Tax Act, 1962  

Phezulu

Amazinga wokusebenza nesikhathi

Zoke iimbawo ezifunyanwa liPhiko lokuBekelwa Ngaphandle kokuTheliswa ezinelwazi elifaneleko kanye nemitlolo efunekako yokusekela zizakunikelwa irasidi ekhutjhwe yikhompyutha yokuvuma bona isibawo sifunyenwe kungakapheli iimveke ezine zokufunyanwa kwesibawo.

Phezulu

Iindleko

Awubhadeli litho ngalomsebenzi.

Phezulu

Amaforomo azaliswako



Application for exemption from income tax, EI1 

Isibopho esitloliweko

Isibopho esitloliweko – ama-scholarship nemifundalize


Phezulu

Imininingwana yokuthintana


