
Isibawo sesitifikhethi somtjhado 
Ihlathululo
Amagadango okufanele alandelwe
Imithetho esetjenziswako
Amazinga wokusebenza nesikhathi
Iindleko
Amaforomo azaliswako
Imininingwana yokuthintana

Ihlathululo

Isitifikhethi somtjhado sisebenza njengobufakazi bokobana utjhadile. Umtjhado kufanele wenziwe phambi kwabantu abatjhadako, abofakazi ababili abaphethe iincwadi zabo zokuzazisa nesiphathiswa semitjhado.

Qinisekisa ubujamo bakho bomtjhado ku-inthanethi.

Phezulu

Amagadango okufanele alandelwe

Abantu abatjhadako kufanele babe neencwadi zokuzazisa begodu bazalise iforomo BI-31.
Zalisa iforomo lesibawo BI-130 kwelinye nelinye i-ofisi leeNdaba zeKhaya. Yenza isibawo ebuzendeni namkha emitjhini yeSewula Afrika nayikuthi ungaphetjheya.
Umtjhado unganikelwa ubujamo bomthetho siphathiswa semitjhado esibuya esiqhemeni sekolo esithileko namkha ehlanganweni namkha mjameli womNyango weeNdaba zeKhaya.
Umtjhado kufanele wenziwe esondweni, emakhiweni osetjenziselwa iminqopho yesondo kuphela, e-ofisini lomphakathi namkha endlini yangeqadi. Nayikuthi umuntu okufanele atjhade ulimala namkha ugula khulu, umtjhado ungabanjelwa esibhedlela.
Izakhamuzi zangaphandle ezitjhadela eSewula Afrika kufanele zibe nephaspoti esebenzako begodu zizalise iforomo lesibawo BI-31.
Abantu ababili abatjhadako, abofakazi ababili nesiphathiswa semitjhado kufanele batlikitle iRejista yemiTjhado msinyana ngemva kobana umtjhado unikelwe ubujamo bangokomthetho.

Imitjhado yabantu abasesebancani:

Abantu abasesebancani ngilabo abangaphasi kwemiyaka ema-21 ubudala nabangakhenge batjhade ngaphambilini. Ngokuya komthetho, labo abakhe batjhada ngaphambilini okwathi muva umtjhado wabo wapheliswa ngebanga lokuhlongakala namkha lesahlukaniso, abasathathwa njengabantu abancani.

Abantu abasesebancani:

Letha imvumo yabo bobabili ababelethi kanye namkha neyomondli wangokomthetho neforomo lesibawo elizalisiweko BI-32. Abantu abasesebancani bangabawa imvumo yakaKomitjhinara wezeHlalakuhle nayikuthi ababelethi/umbelethi abatholakali namkha abazi bona bangawuvumela njani umtjhado.
Umuntu osesemncani angenza isibawo semvumo eJajini leKhotho ePhakamileko endaweni ahlala kiyo nayikuthi ababelethi kanye namkha uKomitjhinara bayala ukuvumela umtjhado.

Abantu abahlukanisileko abafuna ukutjhada godu kufanele baveze umlayo wesahlukaniso. Letha incwadi yesifungo nayikuthi kunebanga elizwakalako lokobana kungani ungeze ukghone ukukhupha umlayo wesahlukaniso namkha isahlukaniso senzelwa enarheni yangaphandle begodu angeze ukghone ukusifumana. Incwadi yesifungo kufanele ibeke bona umbawi uhlukanise ngokomthetho, igama lekhotho nelanga lesahlukaniso.

Abantu abafelwako/abahlolokazi abafuna ukutjhada kufanele baveze isitifikhethi sokuhlongakala saloyo agade athethene naye. Letha incwadi yesifungo nayikuthi isitifikhethi sokuhlongakala asitholakali. Incwadi yesifungo kufanele iqinisekise igama lohlongakeleko kanye nelanga lokuhlongakala.

Phezulu

Imithetho esetjenziswako



Marriage Act, 1961  
Marriage Extension Act, 1997  

Phezulu

Amazinga wokusebenza nesikhathi

Isitifikhethi somtjhado esirhunyeziweko: Esikhutjhwa khonokho.
Isitifikhethi somtjhado esingakarhunyezwa: Iimbawo zingathatha iimveke ezisithandathu ukuya kwezibunane.

Phezulu

Iindleko

Isitifikhethi somtjhado esirhunyeziweko: R11
Isitifikhethi somtjhado esingakarhunyezwa: R53

Phezulu

Amaforomo azaliswako



BI-130 
, BI-31 
, BI-32 

Phezulu

Imininingwana yokuthintana


