﻿

Isibawo soku-adoptha umntwana okhuliswako

Ihlathululo
Amagadango okufanele alandelwe
Imithetho esetjenziswako
Amazinga wokusebenza nesikhathi
Iindleko
Amaforomo azaliswako
Imininingwana yokuthintana

Ihlathululo

Uku-adoptha kutjho ukwamukela ukuba mumondli ngokomthetho womntwana wabanye ababelethi beengazi, ngokuya kweenkambsio zomthetho. Umntwana okhuliswako mntwana osuswe ebabelethini bakhe wabekwa ngokomthetho etlhogomelweni lababelethi bokukhulisa namkha ekhaya lokukhulisa.

Umntwana anga-adopthwa:

myeni nomma wakwakhe ngokubambisana;
mhlolokazi namkha mfelwa;
mumuntu ongakatjhadi namkha ohlukanisileko;
mumuntu otjhadileko athethene naye ambelethi womntwana; namkha
ubaba wemvelo womntwana obelethelwe ngaphandle komtjhado.

Umuntu namkha abantu abafaneleka ku-adoptha kufanele bahlangabezane neemfuno ezilandelako:

kufanele babe nekghono lokuphila elilingeneko lokusekela nokufundisa umntwana
kufanele babe "ngabaziphethe kuhle" begodu babe babantu abafanele nabalungele ukunikelwa isibopho sokukhulisa umntwana
ebujameni bomntwana wesakhamuzi seSewula Afrika, ababawi godu kufanele babe zizakhamuzi zeSewula Afrika begodu ngalokho bahlale eRiphabhligini.
Nayikuthi ababawi abasizizakhamuzi zeSewula Afrika, kufanele bafaneleke ukuba nobakhamuzi namkha kufanele kube sele benze iimbawo zobakhamuzi.

Lokho okubizwa ngoku-adopthela ngemsitheleni, lapho ababelethi bomntwana bangakavunyelwa ukwazi labo abangahle babe babelethi aba-adopthako, namkha lapho umntwana asiwa khona ngemva koku-adopthwa, kulawula mthetjhwana wesigaba 18 begodu kungenzeka kuphela nayikuthi ikhotho yabantwana iyaneliswa bona lokhu kuzakuba sekarekweni ehle yomntwana.

Abantwana godu babekwa ngaphasi kwetlhogomelo lokukhulisa, ekhaya labantwana, esikolweni sebubulo namkha endaweni yokuphepha nguMarhastrada wekhotho yabantwana, nayikuthi bathethwe maKhotho wabaNtwana njengabantwana abafuna itlhogomelo nokuvikelwa. Kodwana umntwana namkha abantwana bangabuyiselwa ngaphasi kwetlhogomelo lombelethi, umnikeli wetlhogomelo namkha umondli lapho bazakuluswa sisebenzi sezehlalakuhle. Ebujameni lobu, umNyango wezokuThuthukiswa kwezeHlalakuhle ubhadela ababelethi abamkhulisako isabelo setlhogomelo lokukhulisa.

Uku-adoptha okuhlongozwako kufanele kuqalelele iinkareko ezihle begodu kube sebujameni obuhle bomntwana.

Nawufuna ilwazi elinabileko, yiya ku-website yomNyango wezoBulungiswa nokuThuthukiswa komThethosisekelo.

Top

Amagadango okufanele alandelwe

Yenza isibawo soku-adoptha kumabhalana wekhotho yabantwana esiyingini lapho uhlala khona.
Zalisa Form 11: Application for the adoption of a child  mayelana nomunye nomunye umntwana ofuna ukum-adoptha.
Letha iforomo kanye:

Nekhophi eqinisekisiweko yencwadi kamazisi yomunye nomunye umbawi kanye nesitifikhethi samambala samabeletho namkha iincwadi zokuzazisa zomunye nomunye umntwana ofuna ukum-adoptha.
Istatimende esitloliweko sombelethi okhulisako womntwana eforomini Form 12b: Adoption of foster child: statement by foster parent  esibeka bona ufisa uku-adoptha umntwana.
Lapho kufaneleko, imvumo etloliweko yombelethi eforomini Form 12: Consent by parent or guardian to tie adoption of a child , kanye neyomntwana eforomini Form 13: Consent by child to adoption 

Imvumo yoku-adoptha kufanele itholakale:

Kibo bobabili ababelethi bomntwana obelethelwe emtjhadweni
Kumma womntwana obelethelwe ngaphandle komtjhado
Emntwaneni ngokwakhe okufanele avumele uku-adopthwa lapho aneminyaka eli-10 ubudala begodu ikhotho yaneliswa bona umntwana uzwisisa ubunjalo nokuqakatheka koku-adopthwa okunjalo.
Umbelethi okhulisako lapho umntwana asetlhogomelweni lokukhulisa begodu umbelethi okhulisako enze isibawo soku-adoptha. Imvumo yombelethi o-adopthako ayitlhogeki nayikuthi uyabhala namkha ubhalelwa kutjengisa ngomtlolo, bonyana unikela imvumo kungakapheli inyanga yokubawiwa bona enze njalo mrhelebhi wekhotho yabantwana.


Akunamvumo efunekako ebujameni obulandelako:

ebujameni lapho ababelethi bomntwana bahlongakeleko begodu kungakakhonjwa umondli womntwana; namkha
komunye nomunye umbelethi-

ngebanga lokugula ngokwegqondo akakghoni ukunikela imvumo;
olahle umntwana begodu nokungaziwako bona ukuphi; namkha
obethe namkha waphatha kumbi umntwana namkha wavumela bona abethwe namkha aphathwe kumbi; namkha
obange namkha olethe ukuvuswa kwemizwa khona kuzakuyiwa emsemeni nomntwana, ukuthumba namkha ukuthengisa ngomzimba komntwana namkha ukulaya umntwana ukwenza izenzo zokungaziphathi kuhle;
umntwana wakhe ngokuya kweenjamiso zesigaba 16 ebunikazini bomntwana bombelethi okhulisako namkha umfundi ekhaya labantwana namkha esikolweni namkha esikolweni samabubulo, namkha



obambe imvumo yakhe ngokungazwakaliko.

Top

Imithetho esetjenziswako

Child Care Act, 1983  



Top

Amazinga wokusebenza nesikhathi

Ikambiso ivamise ukuba yide begodu iyame ekuraraneni kwendaba.



Top

Iindleko

Nawunemibuzo eminengi thintana nama-ejensi woku-adoptha, amakhotho wabantwana nama-ofisi wokuthuthukiswa kwezehlalakuhle.



Top

Amaforomo azaliswako

Form 11: Application for the adoption of a child 
Form 12: Consent by parent or guardian to tie adoption of a child 
Form 12A: Withdrawal of consent to adoption by parent or guardian of child 
Form 12B: Adoption of foster child 



Top

Imininingwana yokuthintana


