﻿
Ngewebhsayithi

Umnqopho nehloso yalewebhsayithiUbungako belwazi elikulewebhsayithi
Amalimi
Izinga lokulethwa ebujameni banjesi
Ubunikazi belwazi
Ubunjalo bomtlolo
Ufuna irhelebho ngemiraro oyifumene kilewebhsayithi?

UBujamo nemiBandela
Umnqopho nehloso yalewebhsayithi

Umnqopho wewebhsayithi yemiSebenzi yomBuso weSewula Afrika kunikela ngomthombo munye welwazi ngemisebenzi enikelwa mbuso weSewula Afrika.


Umnqopho kukwehlisa ukungalingani okukhona phakathi kwalabo abanikelwe amandla nalabo abangakanikelwa, umnotho wokuthoma newesibili.

Iwebhsayithi kungenelela okuqakathekileko okuhlose ukuqinisekisa bonyana izakhamuzi zizakukghona ukuthintana nombuso.

Abasebenzisi abahlosiweko balewebhsayithi zizakhamuzi zeSewula Afrika kiwo woke amahlangothi wenarha, amabhizinisi weSewula Afrika akhona nasazokubakhona namkha iinhlangano, izakhamizi neenhlangano ezibuya kwezinye iinarha ezifuna imisebenzi embusweni weSewula afrika.

Ikoro eqakathekileko yabasebenzisi ibunjwa ziinkhungo zokungenelela ezifana nama-Multi-purpose Community Centres , abaSebenzi bokuThuthukiswa komPhakathi  kanye ne-Batho Pele Gateway Call Centre, ezizakurhelebha ukukghonakalisa ukusetjenziswa kwewebhsayithi ngilabo abangakghoniko ukusebenzisa bunqopha i-inthanethi.

Ubungako belwazi elikulewebhsayithi

Ilwazi ngemisebenzi yombuso

Iwebhsayithi inelwazi ngemisebenzi yombuso enikelwa ezingeni lombuso wesitjhaba.

Ilwazi ngemisebenzi lihlukaniswa ngokuya kwemihlobo emithathu yemisebenzi:

Imisebenzi eyenzelwa abantu : imisebenzi eyenzelwa izakhamuzi zeSewula Afrika ehlelwe ngokuya kwezehlakalo zepilo
Imisebenzi eyenzelwa iinhlangano: imisebenzi ekhambelana neenhlangano namabhizinisi
Imisebenzi eyenzelwa amaphandle: ilwazi eliqaliswe ezakhamizini zeenarha zangaphandle ezifuna imisebenzi efaneleko embusweni weSewula Afrika.

Elinye nelinye lamahlangothi la libunjwa ngendlela ekhambisana nokulandelana kwezehlakalo zepilo . Izehlakalo zepilo godu zihlukaniswa ngokuya kweengaba zepilo.

Ilwazi ngomunye nomunye umsebenzi lihlelwa ngokuya kweendawo ezilikhomba eziqakathekileko, oku, yihlathululo: amagadango okufanele alandelwe; imithetho esetjenziswako; amazinga wokusebenza nesikhathi; iindleko; amaforomo azaliswako nemininingwana yokuthintana.

Ilwazi elikhambelanako

Isigabesi sewebhsayithi sivezwa ngebha yokuzuma ilwazi ku-inthanethi, inamathintwano akhambelana namawebhsayithi walesosehlakalo sepilo.

Amalimi

Kilewebhusayidi kutholakala amalimi ali-11, okungilawa i-English, Afrikaans, isiNdebele, isiXhosa, isiZulu, isiPedi, isiSutho, isiTsonga, isiVenda, iSiswati kunye nesiTswana.


Ilwazi lokusebenzela litlolwe ngesiNgisi, kuthi ngemva kwalokho litjhugululelwe kwamanye amalimi. Ilwazi lokusebenzela ngamanye amalimi libekwa kuwebhsayithi ngemva kokutjhugululwa.

Ezinye iimbumbi zewebhsayithi

Sebenzisa ikhasi lokuthintana nathi ukuveza imibono namkha ukubuza ngewebhsayithi yemiSebenzi yomBuso.
Ithintwano www.gov.za linikela ngokufikelela ikhasi le-Inthanethi lomBuso weSewula Afrika, elinikela ngokufikelela lewebhsayithi  kanye newebhsayithi yeLwazi ngomBuso .
Umembhe wesayithi unikela ngesithombe esibonwako sesakhiwo sewebhsayithi. Senziwe ngokweenkhundla, sephula ilwazi lesayithi libe ziindawo zeenhloko ezithileko. Ngalokho likukghonakalisa ukuzijayeza mayelana nokungaphakathi kwesakhiwo sewebhsayithi.
Ikhasi lekhaya linikela ngerhemo lemisebenzi efikelelwa khulu. Okufakiweko kunikela ngokufikelela emisebenzini okungemikhulu emihlanu evakatjhelwa basebenzisi. Irhemo litjhugululwa ngokuya kweembalobalo zamakhasi avakatjhelweko.
Ibhokisi lokuzuma likhona kiwo woke amakhasi wewebhsayithi. Lokha nawufaka i-ayithemu yokuzuma, iwebhsayithi ezeleko izakuzunywa bona kutholakale amagama lawo. Godu ungenza ukuzuma okungcono khulu ngokukhetha ithintwano lokuZuma okuNgcono Khulu. Ukuzuma lokhu kuzuma ilwazi kwamanye amawebhsayithi wombuso.
Amathintwano namawebhsayithi wangaphandle atjengiswa ngamagama athi 'Outside link'  elivela ebhoksini lokha ikhesa nayikhamba phezu kwethintwano. Iwebhsayithi izakuvula iwindo lebhrawuza elitja.

Izinga lokulethwa ebujameni banjesi

Iwebhsayithi ilethwa ebujameni banjesi njalo njalo. Umthethomgomo wethu kunikela ngelwazi lokha nalithoma ukutholakala. Kodwana, abathuthukisi bewebhsayithi yemiSebenzi yomBuso angeze baqinisekisa bona ilwazi elivezwa emawebhsayithini esithintana nawo ngelanjesi. Qala iimFuno noBujamo, indima 4.3.

Ubunikazi belwazi

Iminyango yombuso banikazi belwazi elisemawebhsayithi wayo. Lomsebenzi unikelwa abaphathi bokuthintana beminyango, abasebenza ukuphatha ilwazi elivezwa ewebhsayithini.

I-Government Communications  isebenza ukuphathwa mazombe nokukhanjelaniswa kokungaphakathi kwewebhsayithi.

Ubunjalo bomtlolo

Indlela yokuvezwa kwelwazi kuwebhsayithi yi-HTML. Kodwana, imihlobo ye-PDF yemitlolo  inikelwa ukugcina ubunjalo bokuthoma bomtlolo.

Ukuvula imitlolo ye-PDF, utlhoga ukuba ne- Adobe Acrobat Reader 4 namkha engaphezulu kwale bona ifakwe ekhompyutheni yakho. Izakuvula imitlolo bunqopha ebhrawuzeni yakho.

Kwesinye isikahthi kuthatha isikhathi ukuvula imitlolo ye-PDF. Kilokhu, siphakamisa bona uyikhuphele ekhompyutheni yakho bewuyivule ukusuka lapho.

Iinyeleliso zokukhupha imitlolo uyise ekhompyutheni yakho:

Lokha nawusebenzisa i-Internet Explorer njengebhrawuza yakho

Ngemawusi yakho, gandelela ngesidleni umtlolo ofuna ukukhupha.
Ku-drop-down menu, khetha 'Save target as '.
Ewindweni elithi 'Save as ', khetha indawo ku-hard drive lapho ufuna ukubulungela umtlolo bewugandelele ibhathini ethi 'Save '. Ifayili izakukhutjhwa isiwe endaweni oyikhethileko.
Vula i-Acrobat Reader yakho bewuvule imitlolo oyikhuphileko.

Lokha nawusebenzisa i-Netscape njengebhrawuza yakho

Gandelelela phasi ibhathini ethi-shift, kuthi ngemawusi yakho ugandelele ngesinceleni sayo ethintanweni lomtlolo ofuna ukuwubulunga.
Ewindweni elithi 'Save As ' khetha indawo ku-hard drive lapho ufuna ukubulunga umtlolo bewugandelele ibhathini ethi 'Save '. Ifayili izakukhutjhwa isiwe endaweni oyikhethileko.
Vula isiFundi Acrobat sakho bewuvule imitlolo oyikhuphileko.

Ufuna irhelebho ngemiraro oyifumene kilewebhsayithi?

Sibawa usithinte  nayikuthi uhlangabezana nemiraro kilewebhsayithi.

Top

