Z-Fold Ikhasi elitloliweko (Leaflet)
[Tjheja: ngokuya ngokomtlamo wangaphambilini, amaphanela amathandathu wokungaphakathi akhona]
IPhanela  1 (Isembeso)
UNGAKWEQISI AMEHLO
YENZA OKUTHILEKO NGOKUHLUKUMEZA
AMALANGA AMA-16 WOKULWA NOKUHLUKUNYEZWA KWABAFAZI NABANTWANA 
25 kuSinyikhaba – 10 kuNobayeni
Amaphanela  2 – 4
LIYINI IJIMA LAMALANGA AMA-16 WOKULWA NOKUHLUKUNYENZWA?
Amalanga ama-16 wokuLwa nokuHlukunyezwa: Kukulwa nenturhu ephathelene nabaFazi kulijima leentjhabatjhaba elibakhona qobe ngomnyaka kusukela ngomhlaka 25 kuSinyikhaba (ILanga leenTjhabatjhaba yokuLwa nenTurhu ephathelene nabaFazi) kufika ngomhlaka 10 kuNobayeni (iLanga lamaLungelo wobunTu leenTjhabatjhaba). 
Ngalesikhathi, uRhulumende weSewula Afrika wenza ijima lamalanga ama-16 wokulwa nokuhlukunyezwa, elinqophe ekwandiseni ilemukiso ngomthelela omumbi obangelwa yinturhu ephathelene nabafazi kunye nabantwana. Eminye yeminqopho kukuhlanganisa zoke iinkoro zomphakathi bonyana zilwe nokuhlukumeza. 
URhulumende ubopheleleke bonyana wakhe umphakathi onakekelanako begodu onokuthula, lowo ovikela abafazi kunye nabantwana  kikho koke ukuhlukunyezwa okukhona. Nanyana iJima lamalanga ama-16 wokuLwa nokuHlukunyezwa  libakhona kusukela ngomhlaka 25 kuSinyikhaba – 10 kuNobayeni qobe mnyaka, iminqopho yalo  liqiniswa liHlelo laMalanga ama-365 kunye nomTlamo wesiTjhaba. 
Qobe mnyaka, urhulumende, ngokubambisana neenhlangano zomphakathi kunye neenkoro zamabhizinisi, ziragela phambili ngosebenzisana ukukhulisa umthelela walelijima. Ngokusekela ijima leli, amaSewula Afrika aziingidi nawo arhelebhile ukulemukisa ngokuhlukumeza begodu basekela abongazimbi nabasinde ekuhlukunyezweni. 
UNGENZANI? 
Sekela ijima lelo ngokwembatha iribhoni emhlophe ngesikhathi samalanga ama-16 wokulwa nokuhlukunyezwa: Iribhoni emhlophe ilitshwayo lokuthula begodu litjengisa ukuzinikela komuntu lowo bonyana angekhe enze namkha akhuthaze ukwenza inturhu ebafazini nebantwaneni. 
Joyina i-CyberDialogues: I-CyberDialogues ithonyelwe ukukghonakalisa ikulumiswano ngekhomphyutha hlangana nabantu abafuna ukucocisana ngeendaba ezithinta ukuhlukumeza abafazi nabantwana. Nawufuna ilwazi elinabileko iya ku: www.genderlinks.org.za namkha vakatjhela i-Thusong Service Centre.
Zibandakanye eminyanyeni eyahlukahlukeneko laMalanga ama-16 wokuLwa nokuHlukunyezwa: Kunemilandelande yeminyanya ezakwenzeka kiyo yoke inarha kusukela ngomhlaka 25 kuSinyikhaba kufikela ngomhlaka 10 kuNobayeni. Ukubona yoke iminyanya iya ku-www.womensnet.org.za/calendar.shtml. 
Abazinikelako labo abasekela iinhlangano ezingasingezombuso kunye neentlhopha zemiphakathi ezisekela ukupheliswa kokuhlukunyezwa kwabantwana nabafazi: Iinhlangano ezinengi ezirhelebha abongazimbi nabasinde ekuhlukunyezweni badinga irhelebho lomphakathi. Unganikela ngesikhathi sakho ngokufaka isandla ngokurhelebha iinkhungo. Funa ihlangano engendaweni yangekhenu lapho ungarhelebha khona. Ungakwazi ukuthola isitjengiso seenhlangano ezirhelebhako ku:  www.csvr.org.za. 
Uminikelo: Unganikela ngemali eenhlanganweni ze-Foundation for Human Rights ezisebenzela ukuqeda inturhu ephathelene nabafazi kunye nabantwana. Akunabongako benani elibekiweko nawufuna ukufaka isandla ekurhelebheni – kukuwe bonyana wenza kangangani! Nawufuna ilwazi elinabileko iya ku-www.fhr.org.za namkha dosela umtato ku- 012 440 1691.
Khuluma nakunokuhlukunyezwa kwabafazi nabantwana:  Khuthaza abongazimbi abathulileko beengubo bonyana balwe nokuhlukunyezwa. Bikela amapholisa ngokuhlukunyezwa kwabantwana.  
Joyina iinhlangano zomphakathi ezirhelebhana namapholisa (CPF) namkha inhlangano zokuphepha zomphakathi (CSF): Umphakathi kunye namapholisa womphakathi basebenzisani abakhutheleko ukuqinisekisa ukuphepha nokuvikeleka emphakathini. Ngokujoyina i-CPF namkha i-CSF, ungarhelebha ukulwa nobulelesi endaweni yekhenu. Nawufuna ilwazi elinabileko lokobanyana ungajoyina bunjani, thintana nesitetjhi samapholisa esisendaweni yekhenu. 
Amaphaneli 5 & 6
Nangabe uyahlukunyezwa nanyana kungayiphi indlela namkha kunomuntu omaziko ohlukunyezwako, fikelela kuye – thola irhelebho.  
IPHIKO LESIPHOLISA SESEWULA AFRIKA 10111
UKUTHOTJWA KOMKHUMBULO KUNYE NOKUSEKELWA KWABAFAZI 
Umtato weRhelebho lesiTjhaba ngesiKhathi sobuDisi (Lifeline) 0861 322 322
Umtato weRhelebho lokuVimbela inTurhu edzimelele kuBulili  0800 150 150
Abantu abangakhambisani nokuHlukunyezwa kwabaFazi  011 642 4345 
Ihlangano yezemiTjhado nemiNdeni yeSewula Afrika (012 460 0733
IThungelelwano lesiTjhaba ngenTurhu ephathelene nabaFazi 012 321 4959
UKUTHOTJWA KOMKHUMBULO KUNYE NOKUSEKELWA KWABANTWANA 
Umtatowokusiza abantwana  0800 055 555
UKUVIKELEKA KOMPHAKATHI
Imali yesondlo sabantwana 0800 601 011 
ITLHOGOMELO LEZAMAPHILO
IKliniga ye-Marie Stopes   0800 11 77 85
IsiTlhopha esiphathelene neGandeleleko kunye neValo 011 783 1474
Umtato wokurhelebha ngeNtumbantonga  0800 012 322
IRhelebho leNtumbantonga   0860 100 646
IRHELEBHO NGEZOMTHETHO
IBhodo yokuSiza ngezomThetho  011 845 4311
AmaGcwetha wamaLungelo wobuNtu  011 339 1960
AMAJIMA WAMADODA ABASEKELA UKULWA NENTURHU
Amadoda njengePhrojekthi yebaBambisani  011 833 0504
IILWAZI
IPhrojekthi yeFundo yezokuHlukunyezwa ngokomSeme  011 403 0541
IKoro yokuFunga ngenTurhu  kunye nokuBuyisana  011 403 5650
