IBhegere yePhasi yeFIFA ka-2010 neBhegere yeenHlangano yeFIFA ka-2009 eSewula Afrika
AMAQINISO 
Siyinarha yesibili ephasini ekhe yabamba imidlalo yeBhegere yePhasi yekhrikethe, umakhakhulararhwe newebholo yeenyawo.
AMATATAWU 
Amatatawu amatjha la angakarisa khulu ephasini loke begodu azakuhlalisa abantu  abangaphezu kwe-570 000. 
Itatawu i-Moses Mabhida elise-Durban lakhiwe ngeensimbi  ububanzi obungaba mamitha ali-105 ngaphezu  kobuphakathi betatawu. Ngokusebenzisa i-cable car ababukeli bazazithabisa ngokubukela i-Indian Ocean. 
I-Soccer City ese-Johannesburg izakuba nejamo lekapho, isisesetjenziswa sokusela sesintu. Ingaphandle lendawo lona lithatha amamitha alingana mahlangothi woke angaba yi-43 000 begodu azakwakhiwa ngeentlabagelo zemvelo ezonga amandla wegezi. Leli kuzakuba litatawu elikhulu kinawo woke e-Afrika elizakuhlalisa abantu abangaba yi-95 000. 
 Itatawu iMbombela elise-Nelspruit lakhiwe esifundeni esaziwa ngeembandana zenarha ezihle, liseduze nesiQiwu seembandana i-Kruger National Park.Ukuhluka nokukhetheka kwalo kuvezwa mfulelo wejamo elingaba ziinquntu ezili-18 ezimfanekiso weendlulamithi. 
Amatatawu wemalokitjhini nawo enziwa ngcono, amanye azakuba ziindawo zokuzilolonga. Lokhu kufaka hlangana:
itatawu le-Orlando, lelo eliqedwe ngaphambi kwesikhathi esibekiweko netatawu le-Dobsonville ese-Soweto  
amatatawu i-Rand, Cecil Payne begodu ne-Ruimsig ase-Johannesburg
amatatawu i-HM Pitje, Super ne-Giant ase-Tshwane/Pitori
itatawu le-Sesa Ramabodu elise-Rocklands eKapa
amatatawu i-Princess Magogo, King Zwelithini ne-Sugar Ray Xulu ase-Durban 
itatawu le-Olympia Park elise-Rustenburg. 
Uthi bewazi nje?
Imali eziingidi ezima-25 wamaranda izakubekelwa ukuthuthukisa iinqhema zezemidlalo ezahlukeneko, khulukhulu emiphakathini etlhaga khulu.  Ngalokhu kuzabe kukhuliswa isiphiwo sezemidlalo begodu kwenziwa ngcono nezinga lokuphalisana lezemidlalo.
Imali eziingidi ezima-212 wamaranda ifakwe kezemidlalo yeenkolo nomphakathi kusukela gadesi ukuya enyakeni ka-2010. 
Amahlelo weenkolo azakulethela iBhegere yePhasi yeFIFA ummoya wokudlala kuhle, indlela yokuphila enepilo nobutjhaba-nengi ebantwaneni besikolo abangaba ziingidi ezili-12 ngokwezemidlalo, ubukghwari namasiko.  
IINTHUTHI
Imali engangamabhiliyoni ali-11,7 wamaranda ifakwe ehlelweni lomthangalasisekelo weenthuthi ukuqinisekisa bona  abalandeli bebholo, iinqhema nebeendaba bakhamba lula ukuya emidlalweni. Amaphrojekthi weenthuthi zeBhegere yePhasi yeFIFA ka-2010 ayingcenye ehlanganyeleko yokufaka isandla kukarhulumende kezenthuthi, leyo eyenza ngcono zeenthuthi ekuzokuba yinzuzo yesikhathi eside esizako kubakhweli nomnotho.  
Ukwenziwa ngcono kweendlela, kwesiporo neendlela zeembhesi kuzakunikela  ngehlelo elihlangeneko leenthuthi.  Lokhu kufaka hlangana amahlelo amatjha anjenge-Rapid Rail ne-Bus Rapid Transit, lawo afaka hlangana iindlela zeenthuthi zomphakathi ezikhethekileko  neendawo zokutjintja iinkhwelo zabakhweli. IBhegere yePhasi yeFIFA ka-2010 izakukghonakalisa ukusetjenziswa kwehlelo lokuthengiswa kwamathikithi ngokwekhompyutha, loko okuzakwenza bona abakhweli basebenzise ithikithi linye ukukhwela ibhesi, isitimela neteksi. 
ITHEKHNOLOJI YELWAZI NOKUTHINTANA
Imitato yesathelayidi nomthangalasisekelo wokuthintana weBhegere yePhasi uzakukhambisa iindaba ngebelo elinaba amagigabhayidi ama-40 ngomzuzwana begodu uzakusetjenziswa nangale kuka-2010 ukwenzelela ukunikela ngomsebenzi webhrodibhendi. 
IZiko leenTjhabatjhaba lokuRhatjha elise-Johannesburg lizakuba ngilo eliphethe zeendaba, lizakwamukela iindaba ezirhatjhwako ukusuka ematatawini bese izirhatjhe iphasi loke.
IZiko eliphethe iindaba lifaka hlangana isikotlelwana sesathelayidi “emakhaya” ebamba indawo emahlangothi alinganako wamamitha aziinkulungwana ezihlanu. Ukukhula kwenani lababukeli bemidlalo ka-2010 lizakufika kumabhiliyoni ama-26,9. 
Uthi bewazi nje? 
Isiqubulo sethu esisemthethweni seBhegere yePhasi ka-2010 sithi: KE NAKO.  Thokozela uBuntu be-Afrika. Ukuthi  “Ke Nako” kuligama lesiSuthu, i-Sesotho sa Leboa neSetswana elitjho bona “Kusikhathi”. Sikhathi sokugidinga ukusungulwa kobuntu e-Afrika begodu nokufaka isandla emkhakheni omunye nomunye wokuthuthukiswa kwabantu. 
ZOKUVAKATJHA NENDAWO YOKUHLALA
Kokuthoma emlandweni, iFIFA izibophelela eendaweni zokuhlala ezingasi semahotela, ezinjengama national parks, bed-and-breakfast, lodges nama-guest houses.
Bekube gadesi sele sinamakamero angaba yi-80 000 asele enziwe ngcono – angaphezu kokwaneleko bona angakwazi ukuhlalisa abantu abangaba ma-
55 000 azakudingwa yi-FIFA.
ZEPILO NEMISEBENZI YAMAPHILO
Inarha izakunikela ngesizo lezamaphilo lasimahla eendaweni ezibekiweko ezisemthethweni, isizo elirhabako lezamaphilo lizakutholakala ama-iri ama-24 ngelanga begodu kuzakuba nokuqalisiswa kwekhaya nekweentjhabatjhaba kokuqubuka kwamalwelwe athileko. IBhegere yePhasi ye-FIFA ka-2010 izakukhambisa msinyazana ihlelo lokwenza ngcono isizo elirhabako lezamaphilo leSewula Afrika: 
Kuzakuba namaziko wokuthintana amabili asezingeni eliphezulu ngokweensetjenziswa, lawo angabiza imali engangeengidi ezima-37 wamaranda. Amaziko lawa azakwakhiwa esifundeni ngasinye, kwenzelelwa ukukhambisa iinthuthi zesizo elirhabako ukuya emazikweni aseduze wesizo lezamaphilo elirhabako 
Imali engangeengidi ezibunane zamaranda ifakwe ehlelweni lokwenza ngcono amaziko wesizo lezamaphilo elirhabako
Ngesizo  labonophehlwana kuzakudluliselwa isizo lezamaphilo eemfundeni zoke
Kuzakujanyiselelwa iinthuthi zesizo elirhabako ezingaba ma-450.
UKUPHEPHA NOKUVIKELEKA
Kuzokwenziwa koke okusemandleni ukuvikela imidlalo nenarha yekhethu. Ukuzinikela lokhu kuzakuragela phambili ukusiza amapholisa emaqhingeni wabo wokulwa nobelelesi nangemva kwemidlalo yeBhegere yePhasi ye-FIFA ka-2010: 
Imali eziingidi ezima-665 wamaranda izakusetjenziselwa ukuthola iinsetjenziswa ezikhethekileko, ezifaka hlangana iinsetjenziswa zokulawula isiqubuthu sabantu, iimphaphamtjhini ezinganasiqheba sabasebenzi, abonophehlwana, iinganono zamanzi eziphadlhalaja isiqubuthu ezili-10, iinkoloyi zakwa-BMW ezili-100 ezizakusetjenziselwa ukugada emahayiweyi nabogadi abagegako.  
Amaziko amane wokulawula ngezinga eliphezulu lethekhnoloji azakuthola ukuthetjulwa okusuka kumphaphamtjhini namakhamera.
Kuzakulethwa amajoni azinikeleko aziinkulungwana ezima-41 ngokukhethekileko azokusebenzela iBhegere yePhasi yeFIFA ka-2010. 
Uthi bewazi nje? 
Bona emHlanganweni wePhasi wokuNzinzisa iTuthuko, iSewula Afrika ibe mhlahlindlela wehlelo elitjha lokuvikela elamukelwe eentjhabatjhabeni – begodu solo kwalokho ihlelweli lemukelwa ziiNtjhaba eziBumbeneko bona lizakusetjenziswa eminyanyeni emikhulu. 
UBUNGENO ESEWULA AFRIKA
I-R1,5 yamabhiliyoni ifakwe ehlelweni lokwenziwa ngcono kobungeno benarha, nokulungiselela iBhegere yePhasi ye-FIFA ka-2010, ngalokhu kuzakulawuleka ngcono ukungena nokuphuma enarheni kwabafudukeli.
Kuzakuba namakarada we-VISA akhethekileko lawo azakwenza bona abanikazi bamathikithi bakghone ukungena lula enarheni. 
Lokhu kufaka hlangana ukukhambisa msinyana ihlelo labafudukeli ebungenweni benarha ngehlelo le-“fast track” elenzelwe ukusetjha ngezinga eliphezulu abakhweli beemphaphamtjhini ngaphambi kokobana balungele amakhambo wabo. 
AMAQINISO WAMSINYANA
AMALUNGISELELO KARHULUMENDE WEBHEGERE YEPHASI YE-FIFA KA-2010 NEBHEGERE YEENHLANGANO YESEWULA AFRIKA KA-2009 
U-2010 NOMNOTHO WETHU OKHULAKO
Amathuba wemisebenzi engaba yi-415 000 azakulethwa lokha nakubanjwa iphaliswaneli.
Amathuba wemisebenzi  emitjha engaba yi-80 000 sele yalethwa ebubulweni lokwamukela iimvakatjhi begodu angaba yi-40 000 ebubulweni lokwakha. 
Imali engaba yi-R55,7 yamabhiliyoni izakungezelela engenisweni lemikhiqizo yangekhaya epheleleko ngonyaka ka-2010.
Imali engangamabhiliyoni amabili wamaranda isetjenziselwe ukukwakha amatatawu izakuzuzisa imindeni erhola kancani. 
Abavakatjhi bangaphandle bazakusebenzisa imali engange R8,5 yamabhiliyoni  eSewula Afrika ngo-2010.
Ngonobangelo wokubamba iphaliswano lemidlalo iSewula Afrika izakwamukela iimvakatjhi ezibuya ngaphetjheya ezingaba ziingidi ezimbili, phakathi konyaka ka-2007 no-2015.
Nawufuna imininingwana enabileko iya ku-www.sa2010.gov.za
	IBhegere yeeNhlangano ye-FIFA yeSewula Afrika ka-2009
14 – 28 kuMgwengweni 2009
Lokhu kwaziwa njengomnyanya weenkutani, ikanukisa yeBhegere yePhasi yeFIFA le idlalwa bathumbi bephaliswano lesifunda emdlalweni ngamunye weeNhlangano zeFIFA. Abathumbi beBhegere yePhasi yeFIFA bangaphambilini nabalandelako bazakuba ngibo ababamba iphaliswano lemidlalo.
Ukuvangana okukarisako kweenqhema zephasi ezikarisako – kufaka hlangana iinqhema ezintathu kilezo ezine ezisezingeni eliphezulu ephasini – nomdlandla wesitjhaba ngommoya okhona webholo erarhwako, kuyatjho bona iBhegere yeenHlangano yeFIFA ayikafaneli ukuphunda namunye umuntu. 
IGIBHIDE – iinkutani zeBhegere yeeNtjhaba ye-Afrika ye-CAF ka-2008
Ngaphandle kokuzaza kuyaziwa bona i-Gibhide ingenye yeengorho zebholo erarhwako e-Afrika. Isiqhema esaziwa khulu emlandweni ngokuthatha abonongorwana abasithandathu bokuphumelela kuBhegere yeeNtjhaba ze-Afrika. Umbanduli: nguHassan Shehat. Izinga kuFIFA: 22. Ukubonakala kuBhegere yeeNhlangano yeFIFA: kanye. Abadlali abatjhejekileko: Hossam Hassan, Ahmed Hassan, Amr Zaky, Mohamed Zidan.
I-IRAQ – iinkutani zeBhegere ye-Asia ye-AFC ka-2007
Indlela yabo yokutjhewa nomukghwa wabo odzimeleleko kubanikele igugu lokobana bazibize ngeenkutani ze-Asia. Umbanduli: nguJorvan Vieira. Izinga kuFIFA: 77. Ukubonakala  kuBhegere yeeNhlangano: kanye. Abadlali abatjhejekileko, Younis Mahmoud, Noor Sabri, Bassim Abbas, Nashat Akram.
I-SPAIN_– iinkutani ze-UEFA EURO ka-2008
Njenganje i-Spain siqhema esibekwa ezingeni lokuthoma erhelweni lephasi ku-FIFA. Umbanduli: nguVicente Del Bosque. Izinga kuFIFA: Kokuthoma.Ukubonakala kuBhegere yeeNhlangano: Ihlandla lokuthoma. Abadlali abatjhejekileko: Fernandos Torres, Xabi Alonso, Iker Casillas, Sergio Ramos.
I-UNITED STATE OF AMERICA (USA) – iinkutani zeBhegere zeGolide yeCONCACAF ka-2007
Ngemva kokobana balungele ukungenela iphaliswano leBhegere yePhasi yeFIFA amahlandla amahlanu begodu baphumelela ekuvikeleni i-CONCACAF yeBhegere yeGolide ka-2007 ngokwehlula i-Mexico ngamagondelo ama-2 keli-1. I-USA ithathwa njengengorho elalisa iimbuthwana kezebholo erarhwako ephasini. Umbanduli: nguBob Bradley. Izinga kuFIFA: 21. Ukubonakala kuBhegere yeeNhlangano zeFIFA: kathathu. Abadlali abatjhejekileko: Damarcus Beasley, Landon Donovan, Clint Dempsey, Tim Howard.
I-BRAZIL – Iinkutani zeCopa ye-Amerika ka-2007
Emlandweni woke webholo erarhwako akunasiqhema sesitjhaba esizithabise ngepumelelo njengeBrazil. Ikhiqize abadlali abaseqophelweni abanjengoPele noRonaldinho, begodu ngiso sodwa isiqhema esidlale emaphaliswaneni woke weBhegere yePhasi yeFIFA. Umbanduli: nguDunga. Izinga kuFIFA: kwesine. Ukubonakala kuBhegere yeeNhlangano yeFIFA: Kahlanu (iphumelele amahlandla amabili). Abadlali abatjhejekileko: Ronaldinho, Adriano, Gilberto, Robinho.
I-NYUZILENDE – iinkutani zeBhegere yeeNtjhaba ye-OFC ka-2008
“Abamhlophe bodwa” njengombana baziwa ngokujayelekileko, bazibandakanye kiyo yoke imidlalo yeBhegere yeeNtjhaba ye-OFC kusukela ngo-1973, lokhu kwenza isibalo samahlandla amane. Umbanduli: nguRicki Herbert. Izinga kuFIFA: 54. Ukubonakala kuBhegere yeeNhlangano yeFIFA: kabili. Abadlali abatjhejekileko: Simon Elliot, Ryan Nelson, Chris Killen, Shane Smeltz.
I-SEWULA AFRIKA – Inarha ezokwemukela iimvakatjhi
Egameni layo inonongorwana munye weBhegere yeenTjhaba ye-CAF nababili beBhegere yeCOSAFA, “iBafana Bafana” njengabamukeli babavakatjhi izimisele ukukhupha kwefene. Umbanduli: nguJoel Santana. Izinga kuFIFA: 85. Ukubonakala kuBhegere yeenHlangano ye-FIFA: kanye. Abadlali abatjhejiweko: Benni Mcarthy, Aaron Mokoena, Steven Pienaar, Teko Modise.
I-ITALY – Iinkutani zeBhegere yePhasi yeFIFA ka-2006
Njengombana ikhe yathumba imidlalo emine yeBhegere yePhasi yeFIFA, i-Italy ithathwa njengesiqhema sebholo erarhwako esiphuma phambili enarheni. Umbanduli: Marcello Lippi. Izinga kuFIFA: kwesibili. Ukubonakala kuBhegere yeNhlangano yeFIFA: Ihlandla lokuthoma. Abadlali abatjhejekileko: Fabio Cannavaro, Andrea Pirlo, Luca Toni, Gianluigi Buffon. 
UKUHLELWA KWEMIDLALO
Zithabise ngemidlalo ephuma phambili yebholo erarhwako ngemali esuka ku-R70 – Yenza isibawo sethikithi kusese nesikhathi wenzelele ukuba hlangana neenkutani zeenkutani.
Yenza isibawo sakho ku-www.FIFA.com nanyana kelinye nelinye igatja le-First National Bank enarheni yoke. 
Imidlalo yebholo erarhwako esemthethweni yeBhegere yeeNhlangano yeFIFA eSewula Afrika ngo-2009
Igama elithi “Kopanya”  lesiSuthu,  litjho ukuthi  “hlanganisa”  kuligama elijamele ibholo erarhwako ephasini loke, ngalo kuqaliswe ekuhlanganiseni ndawonye kokuthoma imidlalo e-Afrika ngoMgwengweni ka-2009. Ukukghatjiswa kwebholo kwenziwe ngobukghwari bomsebenzi wezandla wesitjhaba samaNdebele. 
“KOPANYA”                                     
Ibholo yemidlalo esemThethweni             
                                                       IsiQhema A                               IsiQhema B
I-Sewula Afrika     A1            I-USA          B1
I-Iraq                   A2            I-Italy          B2 
I-Nyuzilende         A3            I-Brazil        B3
I-Spain                 A4            I-Gibhide      B4 
UKUHLELWA KWEMIDLALO       
    IMIDLALO YEENQHEMA   UKUPHELA SIGIYANI  KWEMIDLALO  
INDAWO YESI-3 NEYE-4 NOKUPHELA KWASAFUTHI  KWEMIDLALO 
uSondo, 14 kuMgwengweni
uMvulo, 15 kuMgwengweni
uLesibili, 16 kuMgwengweni
uLesithathu, 17 kuMgwengweni
uLesine, 18 kuMgwengweni 
uLesihlanu, 19 kuMgwengweni
uMgqibelo, 20 kuMgwengweni
uSondo, 21 kuMgwengweni
uMvulo, 22 kuMgwengweni
uLesibili, 23 kuMgwengweni 
uLesithathu, 24 kuMgwengweni
uLesine, 25 kuMgwengweni 
uLesihlanu, 26 kuMgwengweni
uMgqibelo, 27 kuMgwengweni
uSondo, 28 kuMgwengweni
JOHANNESBURG
ITATAWU LE-ELLIS PARK
RUSTERNBURG
ITATAWU LE-ROYAL BAFOKENG
TSHWANE / PRETORIA
ITATAWU LE-LOFTUS VERSVELD
MANGAUNG / BLOEMFONTEIN
ITATAWU LEFREYISTATA
[REST DAY] ILANGA LOKUPHUMULA 
