ZamaPhilo nokuPhepha emSebenzini wezeLimo

Lephamfulethi inikela ilwazi elimalungana neengozi zezamaphilo
ezikhambisana nomsebenzi wezelimo, ihothikhaltjha nezamahlathi.
sizibophelele ekuvikeleni iingozi nokugula, begodu sithabela
ukuhlangana nabo boke abantu kanye neenhlangano ezisebenza
ngezamaphilo nokuphepha kwezelimo, kwezehothikhaltjha
nakwezamahlathi.
Iingozi eziphathelene nezamaphilo nokuphepha kwezelimo
Zinengi iinzathu ezingabangela bonyana umsebenzi wezelimo ube
yingozi epilwenakho, lokho kufaka hlangana:
Ukusebenzisa umzimba nawenza umsebenzi
Ukuqalana nobujamo bezulu, itjhada nanyana idengezelo
Ukuhlangana neenlwana
Ukuqalana namakhemikhali ayingozi nanyana ezinye izinto.
Ukusebenzisa umzimba lokha nawenza umsebenzakho
Isibonelo, ukusebenza ngemithwalo nanyana ukusebenza ebujameni
obumasikizi kungabangela ukuhlangahlangana kweenkhwepha
nephahla lamathambo. Lokhu kuqaqamba neenhlungu zezitho,
zamalungu nanyana zomhlana, ezingabangelwa kutshinyeka nanyana
kulimala (umonakalo odaleka emisipheni ehlanganisa amathambo
nanyana keminye imisipha), ‘ukukhwamuka’ kweengcenye ezisipara
zamathitjhu womgogodlha (ubuhlungu bomgogodlha), isayathika
(ubuhlungu obehla nengemuva lomlenze), nanyana isifo esibanga
ukuqaqamba kwamathambo wenyonga, amadolo kanye namanye
amalungu.
Balekela ukuguga imithwalo lokha nangabe kuyakghonakala,
nanyana usebenzise amarherho womtjhini
Sebenzisa amano amahle wokuguga – beka iinyawo zakho kuhle,
unqophise umgogodlhakho bese ubambela umthwalo eduze
komzimbakho
Yenza isiqiniseko sokobana indawo osebenza kiyo ihleleke ngendlela
ezakwenza bonyana izinto kanye nemikhiqizo ifumaneke lula ngaphandle
kokuzelula begodu ulinge nokutjintja imisebenzi nanyana ukutjhida ukwenzela
bonyana ukwazi ukusebenzisa imisipha eyahlukahlukeneko emzimbeni.
Ukusebenzisa imitjhini ngokuphephileko emaplasini
Yenza isiqiniseko sokobana imitjhini oyisebenzisako:
Ilungele umsebenzi
Iyatjhejwa ukwenzela bonyana ikwazi ukusetjenziswa ngokuphephileko
Ifakelwe amarherho wokuvikela afunwa mthetho, begodu kufuze uqinisekise
bonyana amarherho lawo:
- aqine ngokwaneleko begodu nokobana, lokha nasele afakiwe, akukghonakali
bonyana angakhutjhwa lula
- enziwe ngematheriyali elungileko. Iplastiki yenza bonyana umuntu akwazi
ukubona lula kodwana ingonakala lula
- asebenziseka lula
Lokha nangabe iimvikeli zihlanganisiwe, isibonelo lokha nangabe ilanga elinye
nelinye ufuna ukungena engcenyeni eyingozi amahlandla ambalwa, kufuze
uhlole bonyana:
- Umtjhini angeze waduma ngaphambi kobana isivikeli sijame ngomumo nanyana
njani
- Ukuvula isivikeli kujamisa umtjhini nanyana ingcenye leyo
- Iswitjhi nanyana ivelfu elihlanganisako linamandla ngokwaneleko bonyana
lingakghona ukwenza umsebenzi nanyana njani, begodu nokobana indlela
elisebenza ngayo akubi yindlela ezakubhalelisa omunye umuntu ukusebenza.
Iimvikeli zetjhafti ezisebenzisa amandla wommoya
Mayelana neemvikeli zetjhafti ezisebenzisa amandla wommoya, kufuze
uhlole bonyana isivikeli:
Senziwe ngokwezinga elamukelekako nanyana njani
Ubukhulu nobude obulungileko betjhafti, lokha nangabe ivaliwe nalokha
nangabe yeluliwe
Umhlobo ongazombeleziko, ofakelwe isisetjenziswa esilawulako
(isib. iinketani zokuvikela)
Kufuze usetjenziswe begodu utjhejwe ngokufaneleko – sula bewezese
iimvikeli njalonjalo
Kufuze usekelwe lokha nangabe awukahlanganiswa – ungawusamisi
ngesimbi yokudosa nanyana uwehlisele phasi, begodu ungawujamisi
emmoyeni ngesisetjenziswa esilawulako
Kufuze uphephe malungana nokoniwa yifuyo, lokha nangabe umtjhini
awusetjenziswa.
Ukuthenga nanyana ukuqatjha imitjhini
Lokha nangabe uthenga nanyana uqatjha imitjhini umthetho ufuna
bonyana umthengisi akunikele iimvikeli ezidingekako. Yenza isiqiniseko
sikobana wena nabasebenzi bakho:
Nisebenzisa imitjhini ngokulandela imilayo eninikelwe yona
Nibeka iimvikeli lapho kusetjenzelwa khona  nihlolisise ‘ukuphepha’
kwazo zoke iinsetjenziswa bese nilungisa zoke iimphoso ngaphambi
kokuzisebenzisa okhunye nokhunye
Nihlola bonyana iinlawuli zimeregwe ngokubonakalako nanyana njani
ukukhombisa lokho ezikwenzako kanye nemitjhini eziyilawulako, begodu
etlanywe beyabekwa lapho ungeze wayisebenzisa khona ngengozi
Nihlola bonyana imitjhini ejamileko ikhanyiswe ngokwaneleko nanyana
njani
Nihlola bonyana imitjhini yegezi iyahlukaniswa begodu iyakhiyelelwa lokha
nangabe iimvikeli zisusiwe
Nibandulelwa ukusebenza ngokuphephileko begodu ninikelwa izambatho
zokuvikela enizakwazi ukuzisebenzisa.
Ukulonda nokubhlogulula
Izehlakalo ezinengi zemitjhini zenzeka lokha nakwenziwa imisebenzi
yokulonda nanyana yokubhlogulula. Khumbula ‘jamisa ngokuphephileko’
bese uyaqinisekisa bonyana:
Istafu sibandulwa ngokufaneleko ukwenza umsebenzi
Amathulusi kanye nemilayo yokulonda, ukuhlalisa kuhle, ukuhlanza kanye
nokubhlogulula imitjhini iyanikelwa
Kwenziwa begodu kusetjenziswa iindlela zokusebenza eziphephileko
Amandla abulungiweko, isibonelo lawo avela ematheriyalini egandelelweko,
eempringhini nanyana kuhayidroligi, apheliswa ngaphambi kobana uthome
umsebenzi
Imitjhini nanyana iingcenye zemitjhini eziphakanyiswa ngokusebenzisa
ihayidroligi ibhalelwa kukwehla nawusebenzisa imitjhini enjengeentopo
nanyana iinjege lokha abantu nabasebenza ngaphasi kwayo.
Boke abasebenzisi kufuze baqinisekise bonyana:
Bayakwazi ukujamisa umtjhini ngaphambi kobana bawudumise
Bawudumisa bajame endaweni elungileko ngeenkhathi zoke
Zoke iimvikeli zifakiwe begodu zisebenza ngendlela ekungiyo
Indawo emagega nalapho kufakwe khona imitjhini ihlanzekile,
ibugwala begodu ayinazo iinliyo
Bazisa umtlhogomeli wabo msinyana lokha nangabe umtjhini
awusebenzi ngokufaneleko
Bambatha izambatho kanye neensetjenziswa zokuzivikela ezifaneleko.
Ungathomi:
Usebenzise umtjhini ungakagunyazwa begodu ungakabundulelwa
ukuwusebenzisa
Ulinge ukubhlogulula nanyana ukuhlanza umtjhini lokha nangabe
 idrayivu ayikahlukaniswa begodu umtjhini awukajami tsi
Ufake iinketani ezilengako, izambatho ezilengako, amadlhavu nanyana
iindzilamnwana, nanyana ube neenhluthu ezide ezingabanjwa ziingcenye
ezikhambako zomtjhini
Usithe abantu abasebenzisa imitjhini
Uhlike itregere ingakajami nanyana uhlike omunye umtjhini ozikhambelako.
Ukusebenzisa igezi ngokuphephileko
Igezi iyabulala. Qobe mnyaka abantu abathathu nanyana abane
babulawa yigezi ekorweni yezelimo. Inengi lezehlakalwezi libandakanya
ukuthinta iintambo zegezi ezingehla kweenhloko. Ezinye
zibandakanya iinsetjenziswa ezibanjwa ngezandla nanyana
amakheyibuli wokwelula angalondwa kuhle. Ukufakwa kumbi
kwegezi kanye neensetjenziswa zegezi ezingakalungi
kungabangela ukutjha.
Iintambo zegezi ezikhamba ngehla kweenhloko
Igezi ingeqa iinkhala lokha nangabe iinsetjenziswa nanyana imitjhini
iba seduze khulu: asikho isidingo sokobana uphathe iintambo zegezi
ezikhamba ngaphezu kweenhloko (ama-OHPL) ezingakulimaza.
Lokha nangabe iintambo zegezi ziqamula endawenakho, khulumisana
nomthengisigezi wakho bonyana angeze kwakghonakala bonyana
iintambezo zikhanjiswe ngendlela enye etja, zikhanjiswe ngaphasi
komhlaba, nanyana ziphakanyiswe. Nangabe lokho akukghonakali
bonyana kungenziwa, yenza isiqiniseko sokobana uthola imebhe
yeendlela zeentambo (itholakala kumthengisipahla wakho) begodu
uqinisekise bonyana abasebenzi abavakatjhileko njengabosokontraga
bafumana amakhophi.
Ungathomi:
Usebenze ngaphasi kweentambo zegezi ezikhamba ngehla
kweenhloko ngaphandle kokulandela irherho lokusebenza ngokuphepha,
nanyana ngaphandle kokuvumela nanyana ngiyiphi ingcenye yomtjhini
(isib. isifafazi sesivuno, umatipana) nanyana ilere, iphayiphu lokuthelelela
njll., bonyana libe ngaphakathi kwamamitha ali-15 wazo. Sebenzisa
amalebula ayelelisako emitjhinini esendaweni ephakemeko
Wakhe idrada yokukampela magega nendlela ekukhamba kiyo iintambo
zegezi ezikhamba ngehla kweenhloko, nanyana utjhidisele nanyana
uqinise khulu idrada yokukampela lapho ingeqa khona ithintane nentambo
yegezi.
Iindrada ezide ezikhamba ehlabathini eneenkhisi zibanga ingozi ekhethekileko
Wakhe amatjherefu wehoyi, amawobhu nanyana imakhiwo, nanyana wakhe
amazala, ngaphasi nanyana eduze kweentambo zegezi ezikhamba ngehla
kweenhloko nanyana ngaphasi nanyana eduze kweendrada zokusekela amapala
Ubulunge imitjhini ngokuyisamisa emibhotjhongweni yeentambo
ezikhamba ngehla kweenhloko, emapalini nanyana eendradeni zokusekela
amapala.
Ukuthinta iintambo zegezi ezikhamba ngehla kweenhloko kungabangela
bonyana ukukhanjiswa kwamandla wegezi ‘kujame kungasebenza’
kwesikhatjhana – kodwana kungahlanganiswa kabutjha sisetjenziswa
esizenzakalelako. Ungathomi uhlukanise isisetjenziswa umnikazi wentambo
yegezi angakatjho bonyana intambo leyo ayinamlilo. Lokha nangabe kufuze
usebenze eduze kweentambo zegezi ezikhamba ngehla kweenhloko, kufuze
ufumane abathengisigezi bese wenza amalungiselelo wokobana intambo leyo bayihlukanise kwesikhatjhana. 
Amakheyibuli angaphasi komhlaba
Lokha nangabe kungenzeka usebenze eduze kwamakheyibuli angaphasi
komhlaba, kufuze bonyana ufumane ilwazi malungana nendlela akhamba
kiyo ekhamphanini ethengisa igezi. Thola umuntu onekghono umkhombele
bonyana ahlole bonyana akunamakheyibuli ngaphambi kobana wembe
imigodi phakathi kweendlela nanyana eduze kwemakhiwo.
Irherho lakho legezi
Yenza isiqiniseko sokobana:
Kuba neswitjhi esifumaneka nesibonakala lula eduze komunye
nomunye umtjhini ofakiweko ukwenzela bonyana ukwazi ukucima
igezi nakunesehlakalo esirhabekileko
Amakheyibuli wamandla wegezi atjhinga emitjhinini avikeleke
ngokulingeneko (ikheyibuli ephuthelwe ngesivikeli, ephuthelwe
ngeraba nanyana ngeniyoprini, nanyana efakwe ngephayiphini)
begodu ahlanganiswe kuhle etheminalini
Amadlhowubhu avikelekile (isibonelo sebenzisa iingcenye zomhlobo
ohlukanisako)
Kunamasokhede wegezi alingeneko wokuplaga igezi – ukudisibeza amasokhede
wokuplaga igezi ngokusebenzisa ama-adaptha kungaba ngunobangela
wokutjha. Eendaweni ezifaneleko (isib. i-ofisi leplasi) ungasebenzisa isokhede
lokuplaga izinto ezinengi
Amaplaga anamaphini amathathu aneendawana zokuvalela iintambo zegezi
ngaphakathi ukwenzela bonyana iintambezo (khulukhulu isibambimbani)
zingaphumi ematheminalini wazo
Amafiyozi, iinkhandeli zokutleleza kwetlelezomlilo nangabe kunephoso njll.,
zilinganiswa ngefanelo, zilinganiselwe isekhede ezilivikelako. Akukafaneli
bonyana amafiyozi agegedwe, afakelwe iintambo ezinengi ngokweqileko
nanyana aphuthelwe ngefoyili
Usebenzisa iplaga nesokhede efaneleko malungana nesisetjenziswa
esisebenzisa itlelezomlilo elinengi (isib. abantu abajhiselelako)
Amasokhede wegezi afakwe ngaphandle, eendaweni eziswe nanyana
ezidlavuzako, nanyana lapho kusetjenziswa khona iintunjana zokukhupha
umrhwamuko nanyana amanzi, amhlobo olungileko (thola iseluleko, ungathomi
usebenzise umhlobo wesekhede yegezi esetjenziswa ekhaya) begodu avikelwe
ngesisetjenziswa setlelezomlilo eliseleko (i-RCD)
Iimphuthelo zeensetjenziswa zegezi zihlala zivaliwe begodu (nangabe
kuyakghonakala) ziyakhiyelelwa, begodu isikhiya siphathwa mumuntu onesibopho
Iinswitjhi zitholakala lula begodu zikhonjwa ngokubonakalako begodu umuntu
omunye nomunye uyakghona ukusisebenzisa lokha nangabe kunesehlakalo
esirhabekileko
Lokha nawutjhubhelako iintambo zegezi uzikhambisa ngaphakathi kwephayiphu
nanyana okhunye okufana nalo ukwenzela bonyana zingoniwa makhondlo
Iindawo ekufakwe kizo igezi zinande zihlolwa begodu zilungiswe ngusogezi
onekghono
Amakheyibuli onakeleko ayalungiswa nanyana ajanyiselelwa ngaphandle
kokumorosa isikhathi.
Iinsetjenziswa eziphathekako
Amathulusi asetjenziswa ngaphandle nanyana lapho umsebenzi omnengi
wesimbi unesibambimbani khona kufuze asetjenziswe ngevolitheyiji
ephungiliweko yesitjhugululimfutho esihlukanisako sokuphepha (isibonelo
isentha yamavolthi ali-110 ehlanganiswe nesibambimbani) nanyana
esihlanganiswe nge-RCD ezakwazi ukuwisa amandla wegezi msinyana
nangabe kunephutha lesibambimbani. Tjheja bonyana ungakghona
ukubalekela ukusetjenziswa kwegezi unomphela nanyana njani, isibonelo
ngokusebenzisa amathulusi asebenza ngommoya ebusebenzelweni (kodwana
kufuze uhlole amazinga wetjhada).
Yenza isiqiniseko sokobana wena nestafu sakho:
Nisebenzisa amaplaga kanye neengcenye ezithile zegezi eziqine ngokulingeneko
begodu ezilungele ubujamo obumanzi nanyana obunethuli obuvamise ukutholakala
kwezelimo
Nihlola amathulusi aphathekako njalonjalo. Ningakhohlwa amathulusi
aqatjhiweko nanyana abolekiweko
Nilisa ukusebenzisa amathulusi eniwasolako nanyana anamaphutha, niyawathatha niwabeke endaweni ephephileko begodu niqinisekise bonyana aniwasebenzisi
ukufikela lapho alungiswa khona mumuntu onekghono
Ninikela omunye umuntu isibopho sokusebenzisa njalonjalo iinkunubhe ‘zokuhlahluba’ ezikuma-RCD ukuqinisekisa bonyana zisebenza ngefanelo
Nicima iinkunubhe zamathulusi nezamasokhede womlilo ngaphambi kobana niplage
kiwo
Niplagulula nanyana nihlukanisa iinsetjenziswa ngaphambi kobana nizihlanze
nanyana nenze amatjhuguluko kizo
Niba namasokhede alingeneko wegezi ukwenzela bonyana ningasebenzisi khulu iintambo
eziseluli zokukhambisa igezi. Lokha nangabe kufuze kusetjenziswe intambo esiseluli yokukhambisa igezi, kufuze nihlole bonyana intambo leyo isebujameni obuhle nanyana njani begodu nihlole nokobana ibekwe endaweni engeze yonakala nayikiyo nanyana njani
Lokha nanitjhiselelako, kufuze nisebenzise kwaphela iintambo eziseluli zokukhambisa
igezi eziphuthelweko kanye neembambi ze-elekhthrowudi ezingakonakali.
Ukurogwa yigezi
Kuqakathekile ukwazi bonyana kufuze wenzeni lokha nangabe omunye umuntu urogwe yigezi. Kufuze ngeenkhathi zoke ukhumbule ukuhlukanisa umthombo wamandla wegezi
ntangi, nanyana nangabe lokho akukghonakali, ungathomi uthinte umuntu obulewe yigezi, ungamthinta kwaphela ngezinto ezingadlulisi itlelezomlilo - ungathomi usebenzise isimbi. Iphaphamiso lidinga ibandulo nokuzijayeza. Ngebanga lalokho, kufuze wenze isiqiniseko sokobana istafu sakho sifumana ibandulo elisisendlalelo sesizo lokuthoma. Kufuze ubonise ikhophi ‘yeplakhadi yokurogwa yigezi’ ekhombisa lokho ekufuze ukwenze.
Itjhada
Lokha nawunande uzifumana usetjhadeni elinengi, kungenza bonyana ugcine ungasezwa eendlebeni unomphela. Kufuze utjheje:
Ukusebenza ngaphandle kwebhopduluko elinganatjhada
Ukuphungula itjhada, isibonelo ngokusebenzisa isiphunguli-tjhada
Isidingo sokusebenzisa isikhandeli-tjhada.
Idengezelo
Lokhu kungalimaza izandla nemikhono (khulukhulu lokha nawusebenzisa iinsarha zeketani
nanyana iingrayindere), nanyana umzimba woke (khulukhulu lokha nawutjhayela
iintregere nanyana iinlori zokuguga izinto). Ukuvikela ukuphathwa mgogodlha nanyana
yinyonga/lidolo ngenca yokudengezela komzimba woke (i-WBV) kufuze:
Usebenzise ithulusi elifaneleko lomsebenzi, isibonelo itregere yesimanjemanje enesihlalo
esilondwa nesitjhugululwa ngefanelo
Utjhayele ngebelo elifaneleko begodu utjheje nobujamo baphasi, ugegede imigodi njll.
Ukubalekela umonakalo ongadaleka malungana nokuzombeleza kweengazi emzimbeni,
malungana nemizwa, imisipha namathambo wezandla kanye nomonakalo ongadaleka malungana nemikhono ngenca yedengezelo lezandla nemikhono (iHAV) kufuze:
Utlame imisebenzi ukwenzela bonyana ukwazi ukubalekela ukusebenzisa amathulusi adengezelako
Ukhethe amathulusi anamazinga aphasi wedengezelo, isibonelo isarha yeketani
eneentlabagelo zokuvikela idengezelo
Usebenzise idlheganiso lemisebenzi nangabe kuyakghonakala – phumula ngeenkhathi ezifaneleko
Ufuthumeze izandla zakho ngaphambi kobana uthome ukusebenza (begodu qinisekisa bonyana zihlala zifuthumele).
Ubujamo bezulu
Ukuzifumana usebujameni obuthile bezulu ngeenkhathi zoke, khulukhulu
umtjhiso welanga nanyana ilothe elikhulu kungaba yingozi.
Khumbula:
Lokha nakutjhisako kufuze wembathe izambatho ezilula begodu uthwale
nengwani yelanga – ungahlubuli usale ngomzimba; zesa isikhumba sakho
esivele ngaphandle ngesezeso sokuvikela isikhumba ekutjhisweni lilanga
Tlhogomela amabala anzima, iinsupa nanyana ukutjhuguluka kombala.
Bonana nodorhodere nangabe uthoma ukuvela amabala anzima njll. nawuthoma
ukopha nanyana isikhumba sakho nasithoma ukuba buzikazikani
Ukusebenzisa izambatho zobujamo bezulu - uthambile kungathuwelelisa
ilothe.
Iinlwana
Ukuthinta iinlwana kungabangela izunosisi (ubulwelwe abantu ababuthola
ngokuthinta iinlwana) kufaka hlangana i-orfu, ubuthi bembuzana nanyana
ilepthospirosisi etholakala eenkomeni nanyana emakhondlweni. Amatshwayo
wakhona kungaba miraro yesikhumba kanye nobujamo obuzenza samgomani
obungabangela ukugula isikhathi eside nangabe abulatjhwa.
Hlamba izandla nemikhonwakho ngeenkhathi zoke nabegade usebenza
ngeenlwana nanyana eendaweni ezinamakhondlo
Bopha woke amanceba wokusikwa newokukghubuka ngamatjhila angangeni amanzi
Mbatha izambatho zokuzivikela njengamadlhavu lapho kunesidingo khona.
Izinto eziyingozi
Ukuzifumana usebujameni bokusebenza ngamakhemikhali ayingozi
nanyana ezinye izinto, isibonelo njengeembulaliinunwana, imithi
yokwelapha iinlwana (ifaka hlangana iindibhu zezimvu), ithuli,
umthunyiselo nanyana iimatheriyali ezinjengehlanganisela yamanzi
namakhemikhali, ihlanganisela yokusahlabathi neswiriji nanyana
iimvundisi; ifuru, ihoyi; ukuthinta ihlanganisela yamanzi namakhemikhali,
umsuqwa njll.; nanyana ukuchatjhazelwa ziimbulaliinunwana nanyana
yidibhu yezimvu kungabangela ukugula.
Abaqatjhi nabantu abazisebenzako kufuze batjheje bonyana bona nanyana
abasebenzi babo:
Kufuze basebenzise, nanyana basebenze ngento leyo nanyana njani
Bangasebenzisa iindlela zokulawula zobunjiniyera ezinjengeenkhandeli
zokuchatjhazelwa ngokumamanzi, iinsetjenziswa zokukhambisa iimatheriyali
eziqinileko nanyana iinsetjenziswa zokukhupha ithuli.
Kwezinye iinkhathi kuzakudingeka bonyana abaqatjhi kanye nabantu
abazisebenzako banikele begodu baqinisekise bonyana abasebezi babo
basebenzisa iinsetjenziswa zokuzivikela.
Ukubika amalwelwe aphathelene nomsebenzi
Amanye amalwelwe abangelwa msebenzi kufuze abikwe emNyangweni
wezabaSebenzi.
Ungabanjwa bulwelwe ongabubika lokha nawusebenza:
Ngeenlwana - amalwelwe abangelwa kuthinta iinlwana njengebhruselosisi,
 ilepthospirosisi, ubulwelwe obubangelwa kulunywa mikhaza nanyana
i-streptococcus suis, nanyana obunye nobunye ubulwelwe obubangelwa
kusebenza ngeenlwana
Ngeembulaliinunwana - ukudla itjhefu yemivango ye-oganofosforasi
nanyana i-methyl bromide
Ngezinto zemvelo - i-asma oyifumana emsebenzini lokha nawusebenza
ngethuli leenthoro nanyana ngeenunwana ezisetjenziselwa ukulawula iinunwana ngokwebhayoloji; ubuhlungu bamaphaphu womlimi obubangelwa yikghoro
yehoyi/yekhowe nanyana ubuhlungu bamaphaphu womsebenzi obubangelwa 
yikghoro yehoyi, yifuru nanyana yivundela yekhowe; nanyana inghanghabalomhlathi
Ngezinye izinto - ubulwelwe bokuba bomvu nokuba buhlungu kwesikhumba
(idemathayithisi) obufumana emsebenzini lokha nawusebenza umsebenzi
obandakanya iincibilikisi nanyana iimbulalambewu zamalwelwe
Ngemitjhi - isede yeentjengisabulwelwe zedengezelo lezandla nemikhono
ezibangelwa kusebenza ngeensarha zeenketani, amabhratjhikhatha nanyana
iinsarha ezisandulungu ezisebenza ngezandla.
Ilwazi elinabileko
Abahloli bangathintwa ema-ofisini alandelako womNyango wezabaSebenzi:

Word count 2,271
