UmHlahlandlela wezamaPhilo nokuPhepha kezokwAkha
Ukuphatha
Ingabe lokha nawuphethe ibhizinisi lakho:
●  Uyawazisa umNyango wezabaSebenzi njengombana umThetho wezamaPhilo nokuPhepha emSebenzini usitjho?
●  Uzinikela isikhathi esaneleko sokutlama, sokuhlela nokulawula umsebenzakho?
●  Uyatjheja bonyana eqinisweni kwenzakalani bese usebenza ngezenzo ezinengozi?
●  Kunomuntu okghona ukuya kuye lokha nawudinga iseluleko esiphathelene nezamaphilo kanye nokuphepha?
●  Uyabavumela abasebenzi bonyana babike imisebenzi nanyana ubujamo obungakaphephi bese uyayitjheja lemibiko?
Ukubika iingozi
Lokha nangabe umuntu omqatjhileko, nanyana osebenza endaweni yakho, athola ingozi, kufuze uqinisekise bonyana:
●  Wazisa iSentha yakho yezabaSebenzi eseduze msinyana nangabe ingozi leyo imasikizi nanyana ibandakanya ukulimala okukhulu, njengokuphuka, ukuqunteka kwesitho somzimba nanyana ukungasaboni
●  Bika nanyana ngiyiphi ingozi ephathelene nomsebenzi ebangela bonyana kungasetjenzwa amalanga angaphezu kali-14
●  Bika nangabe ilunga lomphakathi liyahlongakala nanyana lithunyelwa esibhedlela ngenca yengozi eyenzeka endaweni yakho nanyana ehlobene nemisebenzi yendawo osebenzela kiyo.
Ukuqatjha
Lokha nawuqatjha nanyana nawulawula abantu abakwenzela umsebenzi, ingabe uyaqinisekisa bonyana:
●  Babanduliwe nanyana bayakghona ukwenza umsebenzi ngokuphepha nangaphandle kokufaka amaphilo wabo engozini?
●  Batlhogonyelwa ngendlela efaneleko begodu baphiwa imilayo ecacileko nokobana bayakwazi okufuneka kibo?
●  Bayakghona ukufumana iinkghonakalisi zokuhlanza izambatho kanye neendlwana zokuzithumela?
●  Bafumana amathulusi, iintlabagelo, umakhiwo wokusebenzela kanye neempahla zokuzivikela?
●  Ukhulumisana nabo nanyana nabajameli babo?
Ukunikela omunye umuntu umsebenzi bonyana akwenzele wona
Lokha nangabe unikela abanye abantu umsebenzi bonyana bakwenzele wona, ingabe:
●  Unande uhlola zamaphilo kanye nezokuphepha malungana nabantu otlame ukubasebenzisa?
●  Uyabanikela ilwazi lezamaphilo nokuphepha abalidingako malungana nomsebenzi begodu uqinisekise nokobana bayakghona ngaphambi kobana bathome ukusebenza?
●  Ukhulumisana nabo ngomsebenzi ngaphambi kobana bathome?
●  Uyaqinisekisa bonyana ubanikela koke enizwene ngakho (isib. iinkhafula, umakhiwo olungileko wokusebenzela, ukufumaneka kwezehlalakuhle, njll.)?
●  Uyayihlola indlela abasebenza ngayo bese ulungisa iimphoso?
Ukufika endaweni ekwakhiwa kiyo
●  Ingabe omunye nomunye uyakghona ukuya endaweni asebenza kiyo ngendlela ephephileko – begodu asebenze kiyo ngendlela ephephileko?
●  Ingabe iindlela zokungena zisebujameni obuhle begodu zifakwe iinkombandlela ezicacileko?
●  Ingabe imikhawulo engabangela bonyana abantu bawele phasi ivalwe ngeensimbi ezaneleko ngemaqadi nanyana okhunye okulungileko kokuvikela bonyana abantu bangaweli phasi?
●  Ingabe imigodi ivaliwe, ivikelwe, ikantjelwe begodu imeregwe ngokucacileko ukwenzela bonyana abantu bangawi?
●  Ingabe indawo ekusetjenzwa kiyo ihlanzekile begodu ingabe iimatheriyali zibekwe ngokuphepha?
●  Ingabe kukhanya ngokulingeneko?
Ihlalakuhle
●  Ingabe iindlwana zokuzithumela zitholakala lula begodu ingabe zihlala zihlanzekile begodu zikhanya ngendlela efaneleko?
●  Ingabe zikhona izitja zokuhlambela, amanzi akhamba ngamaphayiphu, isibha kanye namathawula alahlwako?
●  Ingabe sikhona isikhala sokutjintja, sokomisa nokubeka iimpahla?
●  Ingabe bayanipha amanzi wokusela namakomitji?
●  Ingabe sikhona isikghonakalisi abasebenzi abangakghona ukuhlala kiso bazenzele iinselo ezifuthumeleko njll.?
●  Ingabe labo abafuna ukusebenzisa iinkghonakalisi zehlalakuhle bayakghona ukuzifumana lula nangendlela ephephileko?
Iinkhafula
●  Ingabe iinkhafula zakhiwa, zitjintjwe begodu zichachwe babantu abanekghono?
●  Ingabe zoke iinjamisi ezijame rwe zineensekeli zesakhelo (begodu, lapho kunesidingo khona, iinsekeli zamaplanka)?
●  Ingabe zoke iinjamisi, amaleja, iimbayana kanye neenhlanganisi zijame ngomumo?
●  Ingabe isikhafula sibotjhelelwe phezu komakhiwo nanyana kwesakhiwo ukwenzela bonyana singawi?
●  Ingabe kuneensimbi ezaneleko ngemaqadi ukwenzela bonyana abantu bangawi nanyana okhunye okulungileko kokuvikela bonyana abantu bangawi?
●  Ingabe zikhona ezinye iimvikeli zeentina ezinikelweko ukukhandela bonyana iimatheriyali zingawi eenkhafuleni?
●  Ingabe amaplatfomu asebenzako anamaplanka ngokupheleleko, begodu ingabe amaplanka ahleleke ngendlela yokuphepha ukuwa nanyana ukukhutjwa?
●  Ingabe zikhona iimvimbelo nanyana izaziso ezikhandela abantu bonyana bangasebenzisi isikhafula esingakapheleli, isib. lapho amaplatfomu wokusebenza anganamaplanka apheleleko khona?
●  Ingabe isikhafula siqine ngokulingeneko bonyana singakwazi ukuthwala ubudisi beematheriyali ezibekwe phezu kwaso begodu ingabe iimatheriyalezi zisatjalaliswe ngokulinganako?
●  Ingabe iinkhafula zitjhejwa ngefanelo?
●  Ingabe umuntu onekghono usihlola kanenginengi isikhafula, isib. ubuncani bakhona kanye ngeveke, begodu ngeenkhathi zoke ngemva kobana sitjintjiwe, sonakele begodu nangokulawulwa bujamo obungasibuhle bezulu?
●  Ingabe imiphumela yokuhlola iyarekhodwa?
●  Ingabe iinkhafula zemibhotjhongo ezikhiqizwa ziinkhamphani ezisemthethweni zakhiwa begodu zisetjenziswe ngokulandela imilayo yabathengisipahla?
●  Ingabe amavilo weenkhafula zemibhotjhongo begade akhiyiwe lokha iinkhafula nazisetjenziswako begodu ingabe amaplatfomu akanalitho ngesikhathi nakatjhidiswako?
Iinlere
●  Ingabe iinlere zisetjenziswa ngendlela efaneleko ukwenza umsebenzi?
●  Ingabe zisebujameni obuhle?
●  Ingabe iinlere zijanyiswa nanyana  zisanyiswa endaweni eqinileko begodu azijanyiswa nanyana zisanyiswe eematheriyalini ephukako nanyana engakaphephi?
●  Ingabe iinlere ziphephile begodu angeze zabenza bonyana batjhelelele ngemaqadi nanyana ngaphandle abasebenzi?
●  Ingabe lapho iinlerezi zijanyiswe khona ziphakeme ngokulingeneko ukwenzela bonyana bakwazi ukuhlika? Nangabe akusinjalo, ingabe zikhona ezinye iimbambo abangakwazi ukubambelela ngazo?
●  Ingabe iinlere zijanyiswe ngendlela engenzi bonyana abasebenzisi bazo bazelule ngokweqileko?
Umsebenzi wokufulela
●  Ingabe kunesikhandeli ekuvalwe ngaso ngemaqadi ukukhandela bonyana abantu nanyana iimatheriyali zingaweli phasi?
●  Ngesikhathi nakufulelwa ibubulo, ingabe kunamanede anikelweko wokukhandela bonyana abantu bangawi lokha nabaqaqada ngeqadi kwamafulelo naphezu kwamafulelo angakapheli?
●  Lapho kusetjenziswa khona amanede, ingabe abanjiswe ngendlela ephephileko?
●  Ingabe ukghonile ukukhomba iimatheriyali eziphukako njengamafulelo wesamende kanye namalerhe womfulelo?
●  Ingabe kunamagadango owathetheko wokukhandela bonyana abasebenzi bangaweli phezu kweematheriyali eziphukako lokha nabasebenza phezu komfulelo?
●  Ingabe zikhona iindawo ezisikiweko begodu ingabe abasebenzi bayatjhidiswa endaweni engaphasi kwalapho kufulelwa khona?
Iindawo ezenjiweko
●  Ingabe kunesekelo elaneleko malungana nendawo eyenjiweko, nanyana ingabe iphakanyisiwe,  ifakelwe iinqaqado nanyana ibuyiselwe esigeni yaba yindawo ephephile njengekuthomeni?
●  Ingabe kusetjenziswa indlela ephephileko yokusekela, begodu abantu abasebenzi ngaphakathi komsele ongakasekelwa?
●  Ingabe ukufika endaweni eyenjiwako kuphephile nanyana njani, isib. ilere ede ngokulingeneko begodu evikelekileko?
●  Ingabe kuba khona iinlere ngeenkhathi ezithile?
●  Ingabe kuneenqabo nanyana ezinye iimvikeli zokukhandela bonyana abantu nanyana iinkoloyi zingaweli ngaphakathi?
●  Ingabe kunamabhlogo avikelwe ngefanelo anikelweko ukukhandela bonyana iinkoloyi ezijikako zingaweli ngaphakathi?
●  Ingabe iinkoloyi zivunyelwe ukubandamela eduze komsele ibanga elingabangela bonyana ugirike?
●  Ingabe indawo eyenjiweko leyo ingaba nomthelela omumbi emisebenzini nanyana malungana nokuqina kwezakhiwo eziseduze?
●  Ingabe iimatheriyali, iinsalela (iwobhu leentina namatje aphukileko) kanye nemitjhini yokusebenza ibekelwe kude nengeqadi lendawo eyenjiweko ukuphungula amathuba wokugirika kwayo?
●  Ingabe indawo eyenjiweko ihlolwa njalonjalo mumuntu onekghono?
Ukubamba ngezandla
●  Ingabe kuneematheriyali ezibudisi ezinjengeensekelo zomfulelo, amalendlela wekhonkhridi nanyana amatje wokukhandela nanyana imikhiqizo engemigodleni engabanga imiraro lokha nakufuze bonyana itjhidiswe ngezandla?
If so, can you:
	1.	Ukukhetha iimatheriyali  		ezilula?
	2.	Ukusebenzisa iingolovana, 		iingugi, izinto zokubamba 		okukudanyana, kanye 			neminye imitjhini 			yokusebenza nanyana 			iintlabagelo ukwenzela 			bonyana ukuguga izinto 		ezibudisi ngezandla 			kungenzeki khulu?
	3.	Oda iimatheriyali 			ezinjengesamende 			neenhlanganisela 			ezingemigodla ema-25 kg?
	4.	Balekela ukwakha 			ngokubuyelelweko 			ngamabhlogo wokwakha 		anobudisi obuma-20 kg?
●  Ingabe abantu bafundisiwe begodu babanduliwe bonyana kufuze baziguge njani izinto ezibudisi ngendlela ephephileko?
Abantu abakhamba endleleni, iinkoloyi nemitjhini yokusebenza
●  Ingabe iinkoloyi nabakhambi ngeenyawo bahlukaniswe ngesivimbelo?
●  Nangabe akusinjalo, ingabe:
	1.	Usebenzisa iimvimbelo ukwahlukanisa iindawo zokusebenzela?
	2.	Uyabayelelisa abantu ngeendawo eziyingozi, nokobana ngikuphi  		ekufuze bakwenze mayelana nalokho?
	3.	Utjengisa amatshwayo ayelelisako?
●  Ingabe izinto ezingafunekiko zisuswe ngokwaneleko lapho kujika khona iinkoloyi?
●  Ingabe ukudeda isinyova kungabalekelwa isib. ngokusebenzisa ihlelo lendlela eyodwa nanyana, nangabe akusinjalo, ingabe kusetjenziswa abasizi babatjhayeli beenkrani abathwasiswe ngefanelo nanyana njani?
●  Ingabe iinkoloyi kanye nemitjhini yokusebenza itjhejwa ngendlela efaneleko, isib. ingabe isitiringhi, amalambha, ibhrigi yesandla kanye nebhrigi yenyawo isebenza ngendlela efaneleko?
●  Ingabe abatjhayeli babandulwe ngendlela efaneleko begodu baneentifikedi ezifaneleko zokusebenza ngeminye yemihlobo yeenkoloyi zokuphakamisa nanyana imitjhini abasebenza ngayo?
●  Ingabe amafrarha avikeleke ngokufaneleko?
●  Ingabe wenze isiqiniseko sokobana abakhweli balayitjhwa kwaphela ngeenkoloyi ezenzelwe ukubalayitjha?
●  Ingabe wenze isiqiniseko sokobana imitjhini yokusebenza kanye neenkoloyi azisetjenziswa emikhuphukeni nemehleleni eyingozi?
Ithulusi nemitjhini
●  Ingabe kusetjenziswa amathulusi nanyana imitjhini elungileko malungana nomsebenzi?
●  Ingabe zoke iingcenye eziyingozi zivikelwe, isib. amagere, amavidlwana ajikisa iinketani msinyana, amatjhafti we-enjini aphumele ngemaqadi?
●  Ingabe iimvikeli zivikelekile begodu zisebujameni obuhle?
●  Ingabe amathulusi kanye nemitjhini elondwako isebujameni obuhle begodu ingabe zoke izinto eziphathelene nokuphepha zisebenza ngefanelo?
●  Ingabe boke abasebenzisi babanduliwe begodu banekghono?
Iingugi
●  Ingabe isisetjenziswa sifakwe mumuntu onekghono?
●  Ingabe abasebenzisi babanduliwe begodu banekghono?
●  Ingabe umthamo olinganisiweko umeregwe ngendlela ebonakalako?
●  Ingabe isigugi sinawo umbiko wakhathesi nanyana ihlahlubo engeneleleko kanye nerekhodi lehlolo?
●  Ingabe indawo lapho kusebenza khona isigugi ikantjelwe ngendlela efaneleko ukukhandela abantu bonyana bangaqhulwa nginanyana ngiyiphi ingcenye ekhambako yesigugi?
●  Ingabe amasango ekuhlikelwa kiwo ahlala avaliwe ngaphandle kwalokha nangabe iplatfomu isendaweni ekuhlikelwa kiyo?
Isizo elirhabako
●  Ingabe zikhona iinkambiso zesizo elirhabako, isib. malungana nokutjhida ngokurhaba endaweni yokusebenzela nangabe iyatjha?
●  Ingabe abantu abasendaweni yokusebenzela bayazazi iinkambiso?
●  Ingabe kunendlela yokulilisa i-alamu, begodu ivamise ukuhlolwa kanengi kangangani?
●  Ingabe ikhona indlela yokuthintana nabesizo elirhabako nawusendaweni yokusebenzela?
●  Ingabe kuneendlela ezaneleko zokuphunyurha begodu ingabe iindlelezo azinanthikamezo?
●  Ingabe kukhona ukunikela ngesizo lokuthoma okulingeneko?
Umlilo
●  Ingabe uyaqinisekisa bonyana iimatheriyali ezilumatha lula, amaketjezi kanye nerhasi zihlala zizincani?
●  Ingabe zibulungwa ngefanelo?
●  Ingabe amasilinda werhasi alumatha lula ayabuyiselwa esitolo esingenisa ummoya ekupheleni kwetjhifu?
●  Ingabe amasilinda azeleko nalawo anganalitho abekwa ngokuhlukana begodu akhonjiswa ngokubonakalako?
●  Ingabe iinsetjenziswa zokubhema nokulumathisa zivinjelwe ngokomthetho eendaweni ekubulungwa nanyana ekusetjenziswa kizo irhasi nanyana amaketjezi alumatha lula?
●  Ingabe amasilinda werhasi, amaphayiphu akhambisana nawo kanye nezinye iinsetjenziswa zitjhejwa ngokufaneleko begodu zisebujameni obuhle?
●  Lokha nangabe amasilinda werhasi akasetjenziswa, ingabe amavelfu wawo avalwa ngokupheleleko?
●  Ingabe lokho okungasafunekiko okulumatha lula nalokho okutjhako kususwa njalonjalo begodu kufakwe ngemigqonyini nanyana ngebhageni efaneleko yokufaka okungasafunekiko?
●  Ingabe zikhona iincimamlilo ezifaneleko?
Izinto eziyingozi
●  Ingabe uzikhombe zoke izinto kanye neematheriyali eziyingozi, ezinjengelitjeboya, iintambo ezikhambisa igezi, iincibilikisi, iimpende, isamende kanye nethuli?
●  Ingabe ukhe wahlola bonyana kuzofuneka umuntu ozakwazi ukusebenza ngelitjeboya endaweni ekwakhiwa kiyo nanyana njani? (Umsebenzi omnengi welitjeboya ufuna ilayisense, kodwana ungakwazi ukwenza eminye imisebenzi embalwa ngeematheriyali ezimumethe ilitjeboya ngaphandle kokusebenzisa umuntu onelayisense)
●  Ingabe akhona amagadango wokuvikela owakhombileko nowasebenzisako ukukhandela nanyana ukulawula bonyana abantu bangazifumani baqalene nezinto eziyingozi:
	- ngokwenza umsebenzi ngendlela ehlukileko, ukususa ingozi ngokupheleleko?
	- ngokusebenzisa imatheriyali enganangozi khulu?
	- ngokusebenzisa amathulusi aneentlabagelo ezikhupha ithuli? 
●  Ingabe abasebenzi banalo ilwazi nebandulo malungana nengozi abangahlangabezana nayo lokha nabasebenzisa nanyana nabakhiqiza izinto eziyingozi lapho kwakhiwa khona, begodu ingabe bayazi bonyana kufuze benzeni ukubalekela iingozezo?
●  Ingabe uneenkambiso zokukhandela ukuhlangana nesamende emanzi (njengombana lokhu kungabangela ubulwelwe besikhumba kanye namabadubadu wokutjhiswa yisamende)?
●  Ingabe zikhona iindlela ezihleliweko zokuqala ngelihlo lekhozi abantu abasebenzisa ezinye izinto eziyingozi (isib. iintambo ezikhambisa igezi)?
Itjhada
●  Ingabe abasebenzi banalo ilwazi nebandulo malungana neengozi ezingabangwa litjhada endaweni ekusetjenzelwa kiyo, begodu ingabe bayazi bonyana yini ekufuze bayenze ukubalekela iingozezo?
●  Ingabe ukghonile ukukhomba nokuhlola itjhada abasebenzi abazifumana bakilo?
●  Ingabe itjhada lingaphungulwa ngokusebenzisa iindlela ezahlukeneko zokusebenza nanyana ngokukhetha umakhiwo wokusebenzela onganatjhada, isib. ngokufakela iimphelisi nomakhiwo wokusebenzela  nanyana imitjhini yokusebenza ngeemphungulitjhada?
●  Ingabe abantu abangazibandakanyi emsebenzini bayakhandelwa bonyana bangahlangani nomthombo wetjhada?
●  Ingabe abantu banikelwa iimvikeli-kuzwa ezifaneleko begodu ingabe bazembatha eendaweni ezinetjhada?
●  Ingabe iindawo zokusebenzisa iimvikeli-kuzwa zimeregiwe?
●  Ingabe zikhona iindlela ezihleliweko zokuqala ngelihlo lekhozi amaphilo wabantu abazifumana basetjhadeni elisezingeni eliphezulu?
Idengezelo lesandla nomkhono
●  Ingabe abasebenzi banalo ilwazi nebandulo malungana neengozi ezingabangwa lidengezelo lesandla nomkhono (i-DAK) endaweni ekusetjenzelwa kiyo, begodu ingabe bayazi bonyana yini ekufuze bayenze ukubalekela iingozezo? 
●  Ingabe ukghonile ukukhomba nokuhlola izinto ezingaba yingozi ebasebezini lokha nabasebenzisa amathulusi adengezelisako isikhathi eside, okumathulusi anjengeemphadlhi-khonkhridi, iinloli-mahugu nanyana iimbhoro zehamura?
●  Ingabe ukuzifumana uku-DAK kuphunguke khulu ngendlela ekungakghonakala ngayo ngokukhetha iindlela ezifaneleko zokusebenza kanye nemitjhini yokusebenza?
●  Ingabe kusetjenziswa amathulusi aphungulwe idengezelo nanyana kukuphi lapho kukghonakala khona?
●  Ingabe amathulusi adengezelako atjhejwa ngokufaneleko?
●  Ingabe zikhona iindlela ezihleliweko zokuqala ngelihlo lekhozi amaphilo wabantu abazifumana basedengezelweni lesandla nomkhono elisezingeni eliphezulu, khulukhulu lokha nangabe bazifumana basedengezelweni iinkhathi ezide?
Igezi neminye imisebenzi
●  Ingabe uyinikelwe yoke imisebenzi efuneka endaweni yokusebenzela ngaphambi kokuthoma ngomsebenzi, begodu sele uyikhombile imisebenzi ekhona etholakala endaweni yokusebenzela (isib. amakheyibuli nanyana amaphayiphu amakhulu wegezi) begodu ingabe kunamagadango aphumelelisako esele uwathethe, nangabe kunesidingo, wokuvikela bonyana angadali ingozi?
●  Ingabe usebenzisa ivolitheyiji eliphasi malungana namathulusi neensetjenziswa, isib. amathulusi asebenza ngebhethri nanyana amahlelo wevolitheyiji eliphasi?
●  Ingabe amakheyibuli neentambo ezikhambisa igezi zivikelekile emonakalweni?
●  Ingabe koke ukuhlanganisa okutjhinga erherhweni kwenziwe ngokufaneleko begodu ingabe kusetjenziswa amaplaga afaneleko?
●  Ingabe amathulusi neensetjenziswa zihlolwa basebenzisi bazo, zihlolwa njalonjalo ngendlela ebonakalako begodu zihlolwa mumuntu onekghono nanyana njani?
●  Ingabe amakheyibuli wegezi afihlekileko kanye neminye imisebenzi iyakghona ukutholakala bonyana ikuphi (isib. ngomankghwanyana nangemitlamo) bese iyameregwa, begodu ingabe kunamagadango wokuvikela owathetheko malungana nokusebenza ngokuphepha?
●  Lokha nangabe kunezinto ezivaliweko ezingehla kweenhloko, ingabe ukusatjalaliswa kwegezi kucinyiwe, nanyana ingabe kukhona amanye amagadango wokuvikela athethweko, njengokunikela ‘ipala’ nanyana iimeregi ezineelinganiso?
Ukuvikela umphakathi
●  Ingabe umsebenzi owenziwako ukantjelwe ukwenzela bonyana umphakathi ungakwazi ukungena?
●  Ingabe imisebenzi yokwakhiwa kwendlela yenzelwe umkhawulo begodu ikhanyisiwe?
●  Ingabe umphakathi uvikelekile ematheriyalini ewako?
●  Lokha nangabe umsebenzi welanga sewenziwe:
	1.	Ingabe ipherimitha yendawo yokusebenzela ivikeleke ngokwaneleko?
	2.	Ingabe zoke iinlere zisusiwe nanyana ingabe iingcenye zazo eziqabako 		zivaliwe ukwenzela bonyana zingasetjenziswa?
	3.	Ingabe iindawo ezenjiweko kanye neendawana ezivulekileko zivalwe 		ngendlela evikelekileko nanyana zikantjelwe?
	4.	Ingabe yoke imitjhini esetjenziswako ijanyiswe tsi ukukhandela bonyana 		ingasetjenziswa ngokungasisemthethweni?
	5.	Ingabe iintina kanye neematheriyali zipakwe ngendlela ephephileko?
	6.	Ingabe izinto ezilumatha lula begodu eziyingozi zikhiyelelweeendaweni 		ezivikelekileko zokubulungela?
CAPTIONS
Ukulatjhwa kwedolo elilimeleko.
Umraro: Isikhafulesi besingakahlanganiswa neboda begodu njengeplatfomu engakaqini yafaka amaphilo wabasebenzi engozini.
Akukafaneli bonyana isikhafula sisetjenziswe njengelere.
Sebenzisa iingolovana, iingugi, izinto zokubamba okukudanyana, kanye neminye imitjhini yokusebenza nanyana iintlabagelo ukwenzela bonyana ukuguga izinto ezibudisi ngezandla kube yinto eyenzeka kancani khulu?
Izambatho zokuvikela kufuze ngeenkhathi zoke zembathwe ngesikhathi nakubanjwa izinto ngezandla. Tlola phasi umsebenzi oyedwa ongakafaki amadlhavu nababili abangakathwali abomakarabha.
Ingabe zikhona iincimamlilo ezifaneleko ezinikelwako?
Ingabe abantu banikelwa iimvikeli-kuzwa begodu ingabe zembathwa eendaweni ezinetjhada?
Ingabe amathulusi adengezelako atjhejwe ngokufaneleko?
Amabhoksi alawula igezi kufuze avalwe begodu akhiywe ngokufaneleko ngeenkhathi zoke.
