U-MEC wahlanza igama ekuziphatheni okungakafaneli 

U-MEC wangaphambilini wezeFundo weLimpopo uDorhodera Aaron Motsoaledi watjhatjhululwa kunanyana ngikuphi ukuziphatha okungakafaneli.

Kwakunezwa ngobatjho yokobana , lokha aseseyihloko yezepolotiki yomNyango wezeFundo wesifunda, uDorhodera Aaron Motsoaledi wazamela abanikeli bemisebenzi abathileko befenitjhara yesikolo kanye nezindlu zokufundela ezinamavilo ezihlelwe ngesivumelwano sesibawo sakhe sokuthengisela umnyango ipahla. 

Umghoghoyili naye ngokunganabufakazi uthe abanikeli bemisebenzi ekukhulunywa ngabo gade kubangani bakaDorhodere Motsoaledi begodu nokobana ufumene "isipho esibizako" esingendlela eyimodere komunye wabo.

Ngokuya komghonghoyili, umNyango, ngezwa ngobatjho usebenza ngemilayo kaDorhodera Motsoaledi uphule imiThetjhwana yokuPhathwa kweentlabagelo enikelwe ngokomThetho wokuPhathwa kweeMali zakaRhulumende (PFMA). 

Lokha iphenyo nalifumene kobana izwangobatjho ngo-MEC kanye nezinye iinkhulu zemNyangwenakhe gade ingasilo iqiniso, liveze nokobana umNyango gade unganawo umgomo osebenzako wokufumana , njengombana kufunwa yi-PFMA.

"Ukuhluleka komNyango ukwenza nokusebenzisa iHlelo elisebenzako lokuPhathwa kweenTlabagelo, njengombana kufunwa yi-PFMA yindaba eqakatheke khulu, kwatjho uGcwetha Mushwana.

Waphakamisa kobana umNyango ukhambisane ne-PFMA, wenze bewugcine ihlelo elifaneleko lokufumana elilungileko,elingathathi ihlangothi, elibupepenene, eliphalisanako nelongako. 

