Ukulindela izindlu ze-RDP isikhathi eside sele kuzokuphela

Abahlali beYunidi R no S yedorojana le-Lebowakgomo, abanye babo egade balindele izindlu zeHlelo loKwakha kabutjha kanye nokuThuthukisa (RDP) ukusuka ngonyaka we-1996 msinyazana bangabona ukulindela kwabo kwesiphephelo isikhathi eside kufika ekugcineni 

Lokhu kulandela iphenyo elenziwe yi-Ofisi yomVikeli womPhakathi (OPP) lokuhluleka komNyango weLimpopo waboRhulumende bemaKhaya kanye nezeZindlu ukuzalisekisa isibopho sawo sokwakhela umphakathi lo izindlu ze-RDP .

Kokuthoma indaba le yalethwa etjhejweni le-OPP lilunga lemakhaya lomkhandlu uMnu. Frans Letwaba, ajamele abahlali.

Abanghonghoyili benza iimbawo zeenhlizekelo zezindlu phakathi konyaka we-1996 ukufika kowe-2006. Iimbawo zabo zaphasiswa mNyango ngaphasi kwehlelo lokuhlinzekela elibizwa ngokuHlinzekela okuHlanganiswe nePhrojekthi. 

Iphrojekthi yahlinzekelwa ikhamphani ebizwa nge-COMDEV eyabhalelwa ukwakha izindlu namkha ukunikela izinto zokwakha.  Kwafunyanwa kobana ezinye izindlu zakhiwa kancani begodu isiquntu kwaphela sezinto zokwakha sethulwa kwabanye abamukeli.

Ngokungakafakazelwa, umNyango ubhalelwe kukwakha izindlu namkha ukunikela abanghonghoyili izinto zokwakha kobana bakghone ukwakha izindlu zabo.

Iphenyo le-OPP lifumene kobana iimbawo zabanghonghoyili zeenhlinzekelo zezindlu zaphasiswa ukusuka ngonyaka we-1997 ukufika kowe-2006.

Abanye abanghonghoyili benza isiqunto sokwakha iimphephelo ngeendleko zabo lokha abanye baqedelele izindlu ezingakaqedwa ngokusebenzisa iintlabagelo zabo.

UmVikeli womPhakathi waphakamisa kobana umNyango kufanele wakhele boke abafumani iimbawo zabo ezaphasiswa ngonyaka we-2006 namkha ngaphambi kwawo izindlu.

UmNyango kufanele uqedelele izindlu ezilahliweko bese unikela boke abafumani abaphasisiweko izinto zokwakha. 

Kwaragelwa phambili kwaphakanyiswa bona umNyango usize abanghonghoyili abathome ukwakha izindlu zabo kodwana bangakghoni ukuziqeda begodu ulilise boke abanghonghoyili abakhe izindlu zabo ngaphandle kwesizo lomNyango ngemva kobana baphasiswe njengazuzi.



