Ugcwetha Thomas usesenomdlandla ngemva kweminyaka eli-11

Sele kuminyaka elitjhumi nanye aqhatjhelwe ukurhola i-Ofisi yomVikeli womPhakathi (OPP) ePumalanga Kapa, iGcwetha uNomsa Thomas uhlala akhuthazekile ngasosoke isikhathi ukwenza ubuncani bakhe ekutjhugululeni iimpilo zemiphakathi kobana zibe ngcono.

Ukhuthazeke kwamambala uGcwetha onomyeko owabelethelwa bewakhulela e-Queenstown ngendlela yokobana uzokuthaba khulu ukudlula ngale kwebizelo lomsebenzi ukunikela isizo kwaphela kilabo abalitlhogako. 

"Ngiyakhuthazeka nangitjhugulula ngepumelelo ukudana kokuphelelwa lithemba bese kuba nokumomotheka okuletha ithemba. Kunginikela isizathu sokulindela isakhamuzi esijayelekileko esisendleleni ngelanga elilandelako," kutjho yena. Imiphakathi yemakhaya esiyisebenzelako isibona njengomesiyayo ekwethuleni imisebenzi."

Ukusuka eminyakeni ephasi, uGcwetha Thomas waba nekareko lokufaka isandla embonweni wokuba nomphakathi olungileko lapho abantu, ngaphandle kombalabo namkha ikolo baphila ngokutjhaphuluka, banamathuba alinganako ebhodulukweni elivikelekileko. 

Eqinisweni, gade kungokhunye ukungalingani kwegandelelo lakarhulumende wesikhathi esidlulileko okwamkhuthaza kobana atjheje ibizelo leemfundo zomthetho. 

Ukholwa kobana i-Ofisi yomVikeli womPhakathi ngenye yamaziko anesibopho esikhulu sokuqinisekisa kobana urhulumende udlala ingcenye yakhe ekuqinisekiseni bona umbuso wentando yenengi uyaqiniswa begodu uyagcinwa. 

Lokha uGcwetha Thomas anombono wokobana ingcenye yeqhinga le-Ofisi lokukhanda ukuhlangana okusebenzako nezinye iingcenye zombuso kuqakathekile, umsinya ekugandeleleni kobana nanyana kunjalo i-Ofisi kufanele ihlale ingathathi ihlangothi begodu izijamele.  

"I-OPP kufanele ibe ngenye yabakhuthazi (catalysts) ekuphathweni kwakarhulumende ozokuba nomthelela omuhle ekukhambeni ekulumweni yokwenza intando yenengi kobana izwisiseke ezakhamuzini ezijayelekileko, " kwatjho yena.

Njengombana amajadu, uGcwetha Thomas usifumana kancani isikhathi sokungenzi litho, nanyana kunjalo nakasifumanako isikhathi sokuledlha uzithokozisa ngokufunda kanye "nokucabanga ngephasi loke". 

Unekareko elinetjisakalo eendabeni zetjhuguluko emphakathinakhe begodu udlale ingcenye eqakathekileko ekuhlonyweni kwesiqhema sokusekelana se-HIV/AIDS , iVukume.

Eminye yemisebenzakhe yokuzilibazisa kudlala nendodanakhe isikwatjhi, itenesi, itjhezi, umakhakhulwararhwe kanye nokuya endaweni yokuzithabulula, khulukhulu ngokunqopha ekuzibanduleni okulandelanako okukhethiweko. 

 

