UmKhandlu we-SATI uzakuthanda ukuthatha ithubeli ukufisele woke amalunga wawo okuhle kodwa ngomnyaka ka 2010. Sihlala sinerhuluphelo lokuzwa ngamalunga wethu, ngalokho ke nakhibe kunemisebenzi ocabanga kobana iZiko kufanele liyenze, thintana nathi.
I-Boland Chapter (eTjingalanga Kapa) ihlele iminyanya ehlukahlukeneko umnyaka lo. Ukufunyana imininigwana namkha ukujoyina i-chapter, sibawa uthintane no-Wilna Liebenberg ku-(wilna@lieben.co.za), no-Gretha Aalbers ku-(aalbers@iafrica.com) namkha u-Elise Engelbrecht ku-(Elise.Engelbrecht@capetown.gov.za.). 
Imali ebhadelwa ngomnyaka ka 2010
Ama-invoyisi wemali ebhadelwako ngomnyaka ka 2010 athunyelwe nge-imeyili namkha ngeposo kiwo woke amalunga. Nakhibe awukawafunyani wakho, sibawa uthintane nerejistra ku-(registrar@translators.org.za) namkha ne-0fisi ye-SATI ku-(office@translators.org.za). Sibawa ukhumbule kobana kufanele usazise ngenye nenye imali ebhadelwako okobana ifakwe ekambisweni yakhona. Nakhibe uthethe isiqunto sokungavuseleli ubulunga bakho, sibawa godu kobana usazise okobana silungise iincwadi zethu. Imali yomnyaka kufanele ibhadelwe ekupheleni kwaka-Ntaka amalunga a-akhredithiweko angavuseleli ubulunga bawo azakulahlekelwa bujamo bawo boku-akhredithwa.
Godu khumbula kobana iZiko linikela ubulunga besiqhema. I-ejensi enye nenye namkha ihlangano enekareko ingathinta i-ofisi ye-SATI ukufunyana amaphepha afaneleko. Ngokuthoma ubulunga besiqhema, ilunga ngalinye kusukela kwanjesi lizakukghona kwaphela ukutlolisa imisebenzi eliyenzako ngokwalo.
I-AGM ka 2010
I-AGM ye-SATI nesemina yangemva kwe-AGM izakubanjwa ngeLesihlanu nge-26 kuMhlolanja ku 2010 e-Elegant Lodge e-Menlo Park, ePitori. Ungayikhuthi! Isihloko sesemina kukuZiphatha, umthetho nawe: Uzivikela bunjani. Sizobe siqale kobana UmThetho omutjha oVikela abaThengi ubathinta bunjani abasebenzi belimi, begodu kuzakuba nephanele yokukhulumisana mayelana neendaba zokuziphatha. Imali yokutlolisa ifakahlangana “isiselo sokwazana” sasimahla Ngemva kwalokho. Nakhibe awukafunyani iforomo lokuzitlolisa, sibawa uthintane ne-ofisi ye-SATI. 
Khumbula kobana malunga a-akhridithiweko abhadeleko kwaphela azokukghona ukuvowuda eemphakamisweni ze-AGM, ngalokho ke bhadela imali yakho yomnyaka masinya ngendlela ongakghona ngayo. 
Ibhegere yephasi ka 2010
I-SATI izakuthanda ukubika ngemvanyana emnyakeni mayelana ngomhlobo womsebenzi welimi iBhegere yephasi ewakhele amalunga wethu. Amalunga enze umsebenzi omayelana nephaliswano lebholo erarhwako azakubawa kobana basazise ngawo.
Uyakhunjuzwa kobana nawuzokuthanda kobana sifake ibizo lakho erherhweni lemininingwana ye “2010 Find Interpreters” kuwebhusayidi yethu, kufanele ubawe lokhu bunqopha. Amalunga atlolisiweko erejisteni ye-SATI yabazisebenzela ngesikhathi sabo abatloliswa ngokuzenzakalela erhelweni lemininingwana ka 2010. Sibawa uthintane ne-ofisi ye-SATI ukufunyana ilwazi elinabileko.
IRhubhululo lemali ebizwako
Iziko lizakwenza irhubhululo hlangana namalunga ekotareni Yokuthoma yomnyaka lo mayelana nemali ebizwako, ngokusebenzi ithulusi elifanako lerhubhululo eliku-inthanethi elasetjenziswa eminyakeni emibili eyadlulako. Sithemba kobana amalunga ngobunengi bawo ngokukghonakalako azozibandakanya ukuqinisekisa kobana imininingwana esiyibutheleleko inenembo.
UbuLunga
Amalunga amatjha: ngu-Kengni Bernard, u-Frans Boot, u-Andries Conradie, u-Tertius Janse van Rensburg, u-Franziska Keiser, u-Ria Kruger, u-Tom Larney, u-Anneke Milne, u-Ramodima Moikanyang, u-Katharina Reichert, u-Michael Waldeck
Ababhubhileko: ngu-Marla Sanchez
Abatjha abakhridithiweko: ngu-Klaus Staudt: we-English-German sworn translation
Komnako
AbonoNgorwana be-English Academy ngo 2010: Iimbawo zokungenela ziyabawa kubalungisi bamajenali, bemegezini namaphephandaba, begodu nakubatloli ngamunye, zakanoNgorwana we-Olive Schreiner  (umnyaka lo umkhakha ziiNkondlo), unongorwana we-Percy Fitzpatrick (onikelelwe umsebenzi welitherari ngesiNgisi onqophe abafundi ababantwana abaneminyaka ehlangana neli- 10 neli-14) begodu nonoNgorwana we-Thomas Pringle (umnyaka kuhlonitjhwa ukubuyekezwa kwemidlalo, iincwadi, amafilimu, imirhatjho namkha amahlelo wakamabonwakude akhangiswe emaphephandabeni nakibomegezini; iindatjana ezifitjhani kumajenali nakumamegezini; begodu nakuma-athikili alitherary). Ukufunyana ilwazi elinabileko, sibawa uthintane nomsebenzi ophethe i-ofisi ku-011 717 9339 namkha ku-englishacademy@societies.wits.ac.za. 
ZamaKhomphyutha namawebhusayidi
Amaphesente amathathu kuyiwebhusayidi esetjenziswa yiYunivesithi ye-Rochester (e-New York) begodu inqophe kubafundi, abalungisi nabatjhugululi abanekareko lokufunyana imodernu nelitheretjha yesikhathi esithileko yeentjhabatjhabeni. Amandla wokukhuthaza mayelana newebhusayidi le mbono wokobana ukufunda ilitheretjha ebuya kwamanye amazwe kuqakathekile ekukhuthazeni isiko lokufunda iincwadi nokungezelela ukwabelana ngemibono hlangana namasiko. Esikhathini sephasi loke lesi, enye yeendlela ezihle khulu zokubulunga ukungafani kwamasiko kungokutjhugulula nokuthokozela imisebenzi elitherari yeentjhabatjhabeni. Qala http://www.rochester.edu/College/translation/threepercent/index.php?s=about 
I-L10NCafe.com iyiebhusayidi lapho amalunga webubulo lezamalimi angakhulumisana khona ngokutjhugulula ngomtjhini, TT begodu nezinye iinhloko ezihlobanako. Qala http://worldify.com/l10ncafe/index.html 
Iminyanya nokubizwa kwamaphepha
I-16th International Congress of the Names Society of Southern Africa (NSA): I-Homo Nominans – i-Mankind, i-the namer: I-Club Mykonos, Western Cape, 26–28 kuSewula ngo 2010. Umhlangano uzakuhlola iphasi lokuthiya ibizo begodu nokungagandeleleki komuntu kobana athiye ibizo lokuzijameleko. Amabizo abafundi bayamenywa kobana banikele iimphakamiso zamaphepha ngaphambi kwamhlana zima-28 kuMhlolanja ngo-2010. Ukufunyana ilwazi elinabileko, thintana no-Bertie Neethling e-bneethling@uwc.ac.za.
I-Cologne Conference on Specialised Translation: IYunivesithi ye-Cologne ye-Applied Sciences, e-Germany, mhlana zima-21–22 kuSewula ngo2010. Ukukhula kokukhambelana kokutjhugulula okukhethekileko ematakeni asetjenziswako weemfundo zokutjhugulula kulethe ukutjhejwa okudephe khulu khulu kokutjhugulula okukhethekileko ematakeni wokufundwa encwadini/wokuhlathululwako weemfundo. Umhlangano lo uzonqopha eendleleni ezitja zokwenza ukutjhugulula kukhetheke. Ilanga lamaswaphela lezethulo mhlana zili-15 kuNtaka ngo 2010. Ukufunyana ilwazi elinabileko: http://www.f03.fh-koeln.de/fakultaet/itmk/fachgebiete/konferenzen/00558/index.html 
I-International Postgraduate Conference in Translation and Interpreting (IPCITI) 2010: Kusukela ku-Reflection to Refraction – New perspectives, new settings and new impacts: IYunivesithi ye-Manchester, e-UK, mhlana zima-29–31 kuSewula ngo 2010. Lo mhlangano wesithandathu emilandelandeni le, onqophe ukunikela abarhubhululi abasesebatjha ithuba lokwabelana ngerhubhululo labo begodu bazibandakanye emnyaneni weentjhabatjhaba wethungelelwano. Ilanga lamaswaphela lezethulo limhlana zima-30 kuNtaka ngo 2010. Imibuzo kufanele iqaliswe ku- ipciti2010@manchester.ac.uk. Ukufunyana Ilwazi elinabileko: http://www.ipciti.org.uk/ 
I-SCREENIT 2010: Ukutjhuguluka kobujamo bokutjhugulula ngeskrini: IYunivesithi ye-Bologna, e-Italy, mhlana zima-20–22 kuSewula ngo 2010. Iimphakamiso zezethulo begodu namaphosta kizo zoke iindawo zokutjhugulula ngokuskrina kufanele zithunyelwe mhlana zili-15 kuSihlabantangana ngo 2010 ku- screenit2010@sslmit.unibo.it. Iwebhusayidi yomhlangano isakhiwa.
I-5th International Maastricht-Łódź Duo Colloquium on Translation and Meaning 2010: I-Maastricht session: I-Maastricht School of International Communication, The Netherlands, mhlana zili-19–22 May 2010. Ihloso yekholokhuyamu kukunikela iforamu yeentjhabatjhaba ngemikhulumiswano hlangana nabosolwazi nabasebenzi bokutjhugulula/nokurhumutjha ngeendaba zokutjhiwo kutjhugulula nokurhumutjha. Isetjheni ye-Maastricht izakunqopha ekwenzeni ngezandla. Ukufunyana ilwazi elizeleko: u-Dr Marcel Thelen (m.m.g.j.thelen@hszuyd.nl) or http://www.translation-and-meaning.nl
UmHlangano we-International Technical Translation: e-Universidade Nova, Lisbon, e-Portugal, mhlana zima-28-29 kuMrhayili ngo 2010. Uhlelwe yi-Tradulínguas begodu nabanye abasebenzi bokutjhugulula kobuthekniki, umhlangano uzakuthatha amalanga amabili azeleko wokufunda ngokwenza  – iimFundo bandulo zokutjhugulula netheminoloji (ngesi-Portuguese, ngesiNgisi begodu nange-Spanish, amalimi angaphezulu nakukghonakalako) – komtjhugululi onelwazi nomrhumutjhi wobuthekniki, wobunjiniyere, wezesayensi nomatheriyali wemabubulweni. Ukufunyana Ilwazi elinabileko: http://www.tradulinguas.com/conf-tech/ 
AmaLimi aKhambako: ISiko, UkuThintana begodu ukutjhugulula ePhasini eliKhambako: IYunivesithi ye-Leeds Metropolitan, e-UK, mhlana zi-3–5 kuNobayeni ngo 2010. Izethulo zomHlangano we-10 womnyaka weHlangano yamaLimi yeenTjhabatjhaba begodu nokuThintana kwamaSiko ngokwaHlukahlukana kufanele zithunyelwe ku-Jane Wilkinson e-IALIC2010@leeds.ac.uk mhlana zi-1 kuMgwengweni ngo 2010. Ukufunyana Ilwazi elinabileko: www.leeds.ac.uk/german/ialic_conference_2010.htm 
UkuTjhugulula ubunengi beenSizasenzo: IYunivesithi ye-Portsmouth, e-UK, mhlana zisi-6 kuSinyikhaba ngo 2010. Ukutjhugulula kanengi kungegama eligadangisiweko, kodwana ebhodulukweni lobunengi beensizasenzo lanamhlanjesi abatjhugululi kufanele batjheje ama-elemende wabo atjengisa ukuqakatheka (imifanekiso ejamileko nesikinyekako, amadayagramu, umvumo, ithayiphografi namkha ubujamo bekhasi). Ukufakwa kwesandla kuyamenywa mayelana neenselela eziqalene nabatjhugululi ngobunengi beensizasenzo. Ukubuza begodu/namkha amabizo-bunjalo amagama ama-300 kufanele athunyelwa ku-Carol O’Sullivan e-carol.osullivan@port.ac.uk mhlana zima-30 kuMgwengweni ngo 2010. Ilwazi elinabileko ku: www.port.ac.uk/translationconference.    
I-AGM ye-Society for Editors and Proofreaders (SfEP) nomhlangano womnyaka wama-21: I-Yunivesithi ye-Strathclyde, e-Glasgow, e-UK, mhlana zi-4–6 kuKhukhulamungu ngo 2010. Umhlangano lo uzakufaka hlangana isemina ekhavara iinhloko ezinjenge-typesetter-copy-editor interface, ukwenza ithungelelwano eliphambili ngokusebenzisa ikundla ye-inthanethi yomphakathi, ukuziphatha nokukopela kwabanye kezokukhitjhwa kwemitlolo, begodu neemfundo bandulo ezihlukahlukaneko. Ukubhuga kuvalwa mhlana zili- 9 kuVelabahlinze ngo 2010. Ukufunyana ilwazi elinabileko: http://www.sfep.org.uk/pub/confs/conf10/conf2010_advance.asp 
UmHlangano we-TKE (Terminology and Knowledge Engineering) ka 2010: e-Dublin University, e-Ireland, mhlana zili-12-13 kuRhoboyi 2010. Umhlangano umayela nokuthuthukisa ilwazi nokudlulisela ithekinoloji ngomnqopho wokuthintana ngelimi okukhethekileko mayelana neenkambiso zetheknoloji begodu nemininingwana. Izakunqopha khulu khulu esihlokweni sokwethulwa kwetheminoloji nekunjiniyereni iinsetjenziswa zelwazi eziku-inthanethi. Ukufunyana Ilwazi elinabileko: http://www.dcu.ie/fiontar/conference/home_baile.shtml
Ndebele translation: Thomas Phaswana Ntuli
Afrikaans translation: Johan Blaauw, Mariènne Botha, Jackie Viljoen
Setswana translation: Peter Mekgwe 
Sesotho translation: Mike Mahase 
Xhosa translation: Sonwabile Cotiyana, Thokozile Mabeqa 
__________________________________________________________________________________________________________________
Ukuthintana neZiko:		Marion Boers. Umtato: 011 803-2681. Ifeksi: 0866 199 133. I-imeyili: office@translators.org.za
Irene Dippenaar. Umtato: 079 492 9359. Ifeksi: 086 511 4971. I-imeyili: registrar@translators.org.za
