Isipholisa kufanele sibhadele umuntu oveza ilwazi ngokuthileko njengombana kuthenjisiwe - Mushwana

UmVikeli womPhakathi uLawrence Mushwana ukhuthaze iZiko lomSebenzi wesiPholisa seSewula Afrika kobana sibhadale umuntu oveze ilwazi ngokuthileko osize amapholisa kanye neBandla lezokuTjhutJhisa leNarha (NPA) ukurarulula umlandu wokudlelezela, umtlomelo othenjisiweko we- R75, 000. 

Ngemva kokwenza iphenyo ngendaba, uGcwetha Mushwana wakhuthaza i-SAPS kobana ilise ukwenza iinthembiso ezingagcinwako ebantwini abaveza ilwazi ngokuthileko njengombana lokhu kuba mphumela wokobana ibizo layo lingcole. "Wathi isenzwesi sehlisa isithunzi sayo se-SAPS'. 

Umghonghoyili wakhuluma ne-OPP ngonyaka we-2007 eminyakeni emithathu ngemva kobana umlandu uqediwe, ngezwa ngobatjho yokobana i-SAPS yeRhawuteni ibhalelwe ukumbhadala umtlomelo. 

Isipholisa sinikele nanyana ngubani ongasiza sona kanye ne-NPA umtlomelo wokobana babophe abasolwa bebavikele abalahlwe mlandu ecaleni elabandakanya ukudlelezelwa kwemali esakhanjiswako, ukubulala kanye nokulinga ukubulala. Umnghonghoyili wanikela nobufakazi besenzwesi ekhotho.  

Kwangathi umtlomelo wabhadalwa i-SAPS yiKhulani Security, nanyana umnikelo wenziwe sipholisa ngokujamela ikhamphani yezokuvikeleka.

Umnghonghoyili wabekwa ngaphasi kwehlelo lokuvikelwa kwabofakazi. Ngesikhathi sephenyo, i-OPP yafumana bona umnghonghoyili wanikela i-SAPS ilwazi elarholela ekubotjhweni nokufunyanwa mlandu kwabasolwa emlandwini wokudlelezela.

Kwaragelwa phambili kwafunyanwa bona kwamambala i-SAPS yabhalelwa kubhadala umnghonghoyili umtlomelo otjhiweko. 

UGcwetha Mushwana wathumela umbiko wakufumeneko kanye neemphakamiso kuNgqongqotjhe wezokuPhepha nokuVikeleka (kwanjesi esele ibizwa ngesiPholisa)uNathi Mthethwa kanye nakuKomitjhinara wamaPholisa weRhawuteni, uPerumal Naidoo.  



