






UMPHANDLE|UBOMI BAKHO|IMIBA|USHICILELO |IZALATHISO |URHULUMENTE|IITHENDA|IMISEBENZI





English
|
Afrikaans
|
Malunga
|
Qhagamshelana
|
Uncedo
|
Funa nzulu  |



 





Umphandle > Ushicilelo > IiNkcukacha Zoluntu > I > Iinkxaso-mali Ephuma kuRhulumente &gt INgxowa-mali Yeengozi Zendlela (eyayisakwaziwa njengeNgxowa-mali Yeengozi Zeenqwelo-mafutha)

INgxowa-mali Yeengozi Zendlela (eyayisakwaziwa njengeNgxowa-mali Yeengozi Zeenqwelo-mafutha)



INgxowa-mali Yeengozi Zendlela yasekelwa ukuhlawula imbuyekezo kubantu abonzakele okanye abasutywe kukufa kwiingozi zeendlela ngenxa yokuqhutywa ngokungenankathalo kweenqwelo-mafutha eMzantsi Afrika. Le ngxowa-mali yasekwa kuba indlela yangaphambili eyayinyanzelisa abaqhubi ukuba babe ne-insurance xa kufakwa izimangalo zamabango embuyekezo ngabantu ababonzakalise ngenxa yokuqhuba kwabo ngendlela engenankathalo, yayingasebenzi kuba iinkampani ze-insurance zazingabi nakho ukuwahlawula onke amabango.

Le ndlela yatshintshwa ukuze endaweni yale insurance isisinyanzeliso, kubekho ingxowa-mali, efumana imali yayo kwirhafu yeentengiso zamafutha ezithuthi. Abantu bangawenza amabango embuyekezo kule ngxowa-mali ukuba bonzakele kwingozi yenqwelo-mafutha ngenxa yokuqhuba ngokungakhathali. Oku ke kuthetha ukuba awusenakho ukumangalela umqhubi wenqwelo-mafutha ongenankathalo ngokwenzakala kwakho, endaweni yoko, ufaka ibango kule ngxowa-mali ngokungathali kwakhe .

Ukuba ubandakanyeka kwingozi yenqwelo-mafutha usemsebenzini oko ke kuthethe ukuba unebango kwiNgxowa-mali Yembuyekezo Kwiingozi Zasemsebenzini, kufuneka uqale wenze elo bango ubone ukuba liyakhatywa na phambi kokuba wenze ibango kwiNgxowa-mali Yeengozi Zendlela ukuba ihlawule nantoni na engahlawulwanga yiNgxowa-mali Yembuyekezo. Nayiphi na imbuyekezo ehlawulwe yiNgxowa-mali Yeengozi Zendlela iya kuthathela ingqalelo naziphi na iintlawulo owazenza kwi-UIF, xa ibala ingeniso ekupheleleyo ngenxa yale ngozi.

Kufuneka wenze isicelo sakho kwiNgxowa-mali Yeengozi Zendlela kwiminyaka nje emibini emva kosuku lwengozi owonzakala kuyo. Ungalenza ngokwakho ibango ngokuthi ugcwalise iphetshana lesicelo uForm 1 ze ungenise nazo zonke iimpepha ezifunekayo; okanye ungacela igqwetha ukuba likuncede kwelo bango. Khumbula ke kodwa ukuba igqwetha liya kufuna intlawulo ngeenkonzo zalo, ntlawulo leyo iya kuphuma kwisixa sembuyekezo oya kuyifumana kwiNgxowa-mali Yeengozi Zendlela. Oku kuthetha ukuba akudingeki ukuba ulihlawule ngoko nangoko igqwetha, kodwa ke isixa semali oyifumanayo siya kucuthwa yintlawulo yegqwetha elo.

Isixa-mali esiqingqiweyo esihlawulwa kwibango lengozi yendlela yiNgxowa-mali Yeengozi Zendlela sixhomekeke kwiindleko zakho zonyango, ukuphelelwa kwakho yingeniso (ngaphambi kwengozi nakwixesha elisezayo) ukukhubazeka kwakho kwaneentlungu nokusokola kwakho. Isixa esasihlawulwa ngo-2001 kwibango ngalinye yayingama-R28 318,00; khumbula ukuba esi sisixa sebango elikhulu namanye amabango amancinci amaninzi; isixa esihlawulwe kwityala lakho siya kuxhomekeka ngokupheleleyo ekubeni wonzakele kangakanani na nokuba yingeniso engakanani othe waphulukana nayo ngenxa yaloo ngozi.

INgxowa-mali Yeengozi Zendlela: Iinkcukacha Zoqhagamshelwano zeSebe eliseKapa:

Idilesi
Kumgangatho Wesixhenxe
No.1 Thibault Square
KwiSitalato iLong
EKapa
8001

Idilesi Yembalelwano
Private Bag X28
Roggebaai
8012

Inombolo Yomnxeba: 021 408 3300
Inombolo Yefeksi: 021 419 7417 / 8740

Ingaba imbuyekezo ephuma kwiNgxowa-mali Yeengozi Zendlela iya kuyichaphazela njani inkxaso-mali ephuma kwiSebe leeNkonzo Zoluntu? Ukuba, xa kuqwalaselwa nayiphi na imbuyekezo oyifumana kwiNgxowa-mali Yeengozi Zendlela, ingeniso yakho isengaphantsi kwesixa esibekwe liSebe leeNkonzo Zoluntu ngokwemigaqo yemeans test, usenokukwazi ukufumana enye yeenkxaso-mali eziphuma kwiSebe leeNkonzo Zoluntu. Ngamanye amazwi, ukuba ingeniso yakho (kuquka nembuyekezo ephuma kwiNgxowa-mali Yeengozi Zendlela) isengaphantsi kwe-R1 410 ngenyanga, usenakho nokuba kwimo yokufumana inkam-nkam yokukhubazeka.


UMTHAMO | < Icandelo Elingaphambili | Icandelo Elilandelayo >


UMTHAMO: Iinkxaso-mali Ephuma kuRhulumente

* Iinkxaso-mali, Izibonelelo Nembuyekezo: Isishwankathelo
* Iinkxaso-mali Zeenkonzo Zoluntu
* Izibonelelo zeNgxowa-mali Yokhuseleko Kwintswela-ngqesho
* Ingxowa-mali Eyimbuyekezo Yabantu Abonzakele Empangelweni (eyayisakwaziwa njengeMbuyekezo Yabasebenzi)
* INgxowa-mali Yeengozi Zendlela (eyayisakwaziwa njengeNgxowa-mali Yeengozi Zeenqwelo-mafutha)
* Iinkxaso-mali Zokuthenga Izindlu
* Inkxaso-mali Nezibonelelo Kumashishini Asakhasayo
* Iinkxaso-mali Neemali-mboleko Zokufunda





This content also available in English | Hierdie inhoud is ook beskibaar in Afrikaans

YAYAMENE

* I-Cape Gateway: Indlela Elula Yokufikelela Kulwazi Neenkonzo zikaRhulumente (IiNkonzo)
* Child Grants 2004 (IiNkcukacha Zoluntu) (File type: pdf; size: 381 KB) (ifumaneka ngesiNgesi kuphela)



Umxholo okweli phepha wagqibela ukuhlaziywa nge- 23 uMatshi 2005



Ingaba kukho nto ungayiqondiyo kwiintetho zaseburhulumenteni



| IMIBUZO? Sibuze nje wena: questions@capegateway.gov.za



Isigama Esinokusetyenziswa | uMgaqo-nkqubo Wemfihlelo | Ilungelo Lobunini







I-Cape Gateway yinkonzo karhulumente ejoliswe kubemi beNtshona Koloni, ebonelela ngolwazi ngorhulumente wedolophu, owephondo nowesizwe





