﻿






UMPHANDLE|UBOMI BAKHO|IMIBA|USHICILELO|IZALATHISO |URHULUMENTE|IITHENDA|IMISEBENZI





English
|
Afrikaans
|
Malunga
|
Qhagamshelana
|
Uncedo
|
Funa nzulu  |



 





Umphandle > Izalathiso > Amaphulo > Ezemfundo > Izixhobo Zokufunda > Khanya: Iphulo Lokusetyenziswa Kobugcisa Kwezemfundo

Khanya: Iphulo Lokusetyenziswa Kobugcisa Kwezemfundo




INJONGO:



Injongo yeKhanya kukuphakamisa ukufunda kwanokwandisa izakhono zabahlohli ngokuhlanganisa ukusetyenziswa kobugcisa obufanelekileyo, obufumanekayo nobufikelelekayo ngokwezimali kwinkqubo yokunikezelwa kwezifundo.

"Ekuqaleni konyaka wezifundo ka-2012, wonke umhlohli kuso sonke isikolo saseNtshona Koloni uya kuxhotyiswa ukuze abe nokusebenzisa ubugisa obufanelekileyo nobukhoyo ngelo xeshaxa befundisa kuye nawuphi na umfundi kweli phondo."

Iya kuqala ngezona zikolo zihlelelekileyo, iKhanya isebenzela ukunciphisa ukungahlangani ngokobugcisa kwanokuzuza ukulingana ngokobuhlanga nangokwesini.

Ezinye zeenjongo eziqingqiweyo zeli phulo ziquka:
* ukusetyenziswa kobugcisa ukuncedana nabahlohli
* ukunikezela ngethuba kubafundi ukuze babe nokuzuza kwintlaninge yeetlobo zokufunda, kusetyenziswa ubugcisa
* ukusetyenziswa kobugcisa ukuncedana nabafundi abakhubazekileyo
* ukwandisa amanani abafundi abathabatha izibalo nenzululwazi kumgangatho ophakamileyo kwanokumelana nezifundo ngempumelelo
* ukulungiselela bonke abafundi Ixesha apho wonke umntu uyakube esazi
* ukucutha ukungalingani ngokobugcisa
* ukunika bonke abahlohli nabafundi kweli phondo idilesi ye-email



ISIQALO:

1 uEpreli 2001


ISIPHELO:

31 uMatshi 2012


UMGANGATHO:

Liyaqhubekeka


INKCAZELO:


* Yintoni kanye-kanye eli Phulo leKhanya?
* Iinzuzo
* Iinkcukacha Ezithe Vetshe





YINTONI KANYE-KANYE ELI PHULO LEKHANYA?



Iphulo iKhanya linyathelo leSebe Lemfundo aseNtshona Koloni, nelaqala ngenyanga kaTshazimpunzi ngo-2001. Eli phulo lijongana neendlela zokusebenzisa ulwazi, unxibelelwano nobugcisa bomculo ukuphucula ukufundisa nokufunda, okanye ukunikezelwa kwezifundo ezikolweni.

Injongo kukuba wonke umhlohli waseNtshona Koloni uya kuhamba ahambe abusebenzise ubugcisa, bugcisa obo bufana neekhomyutha noomabona-kude, ekufundiseni. Oku ke kunganceda ekunciphiseni ukungoneli kwabahlohli abaqeqeshiweyo kwizikolo ezininzi. Eli phulo likwalindele ukuba abafundi baya kuba nakho ukusebenzisa iikhomyutha ngeenjongo zokufunda.

Izixhobo ezifana neekhomyutha kwakunye nokunye okufana neenkqubo zeekhompyutha ziyanikezelwa ezikolweni. Ukusetyenziswa nokunikezelwa kwazo kuxhomekeke kwiimfuno zesikolo eso.

Nangona ke zonke kuya kuthi kujoliswe kuzo zonke izikolo ekuhambeni kwexesha, eli phulo sele liqalwe apho kuyimfuneko kakhulu futhi nalapho kukhangeleka ngathi kungazuzwa khona iziqhamo.

Ngoko ke eli phulo lijolise kwizikolo eziphantsi kolawulo olusemgangathweni kwiingingqi ezihlelelekileyo ezineziphumo zemfundo ezixolisayo, apho ubugcisa obutsha buya kwenza owona mahluko kubomi babahlohli nobabafundi. Izikolo ziyamenywa ukuba zizimanye neli phulo xa abasebenzi bazo benakho ukumelana nokusebenzisa ubugcisa babufake kwindlela abahlohla ngayo.

Eli phulo sele lenze uthelekelelo ukufumanisa ukuba isikolo ngasinye sibudinga kangakanani, njani ubugcisa. Iindlela zoqhagamshelwano ngeekhompyutha zisekelwe ukukwazi ukusebenza nge-internet kwakunye nezixhobo zomculo kwizikolo ngokobunye bazo, ngendela yokuphendula kwiimfuno zazo zezixhobo zobugcisa.


IINZUZO


Iphulo iKhanya lithathelwe phezulu apha kweli phondo nakumazwe angaphandle. Eyona nzuzo yalo yakutsha nje ize ngenyanga yoMsintsi ngo-2004, xa yayiphumelela iStandard Bank Centre for Public Sector Innovation Award kwinqanaba i-Innovative Service Delivery Institutions.

Iinzuzo zeKhanya ukuya kuthi ga ngenyanga yoKwindla ka-2006


* Izikolo ezingama-490 zithe zafumana uncedo ukuze zisebenzise ubugcisa bonxibelelwano ngendlela eyenza umahluko.
* Ezinye izikolo ezili-134 zikumanqanaba ahlukeneyo okulungiselela eli nyathelo okufakelwa kobu bugcisa
* Kusetyenziswa iikhompyutha ezifikelela kuma-18,306 kungoku nje zizikolo zaseKkhayelitsha (yaye kweli nani, ama-10,561 athe afumana inkxaso-mali kwiKhanya okanye kwimibutho esebenzisana nayo, ze eziseleyo ezingama-7,745 zafunyanwa zizikolo zona ngokwazo).
* Kungoku nje abahlohli abangama-13,034 baxhotyiswa ngezakhono zokusebenzisa obu bugcisa bonxibelelwano ngendlela eza kuphucula indlela abahlohla ngayo.
* Abafundi abangama-432,460 kungoku sele bezibona iinzuzo zeli phulo



UKUZE UFUMANE IINKCUKACHA EZITHE VETSHE


IKhanya le ine- website egqibeleleyo nequlethe iinkcukacha ngeentshukumo zayo kwizikolo nemimandla ethile, kwakunye neempendulo kwimibuzo ebuzwa rhoqo ngephulo eli.

Okanye ke ungaqhagamshelana:

noAletta Crofton
Umphathi we-Ofisi yeKhanya
18th floor, Sanlam Kwisakhiwo iGolden Acre, eKapa
Khanya - WCED, Private Bag X9114, Cape Town, 8000
Inombolo Yomnxeba: 021 467 2223
Inombolo Yefeksi: 021 425 7458
acrofton@pgwc.gov.za



ABATHATHI-NXAXHEBA:

Project Manager:


IXHASWA NGEZIMALI YI-:

iSebe Lemfundo leNtshona Kapa (uRhulumente Wephondo leNtshona Kapa)




This content also available in English | Hierdie inhoud is ook beskibaar in Afrikaans | Le nkcazelo iyafumaneka nangesi Xhosa

YAYAMENE

* Khanya Rakes in Yet Another Award (Iindaba) (ifumaneka ngesiNgesi kuphela)



Umxholo okweli phepha wagqibela ukuhlaziywa nge- 25 uMeyi 2006



Ingaba kukho nto ungayiqondiyo kwiintetho zaseburhulumenteni



| IMIBUZO? Sibuze nje wena: questions@capegateway.gov.za



Isigama Esinokusetyenziswa | uMgaqo-nkqubo Wemfihlelo | Ilungelo Lobunini







I-Cape Gateway yinkonzo karhulumente ejoliswe kubemi beNtshona Koloni, ebonelela ngolwazi ngorhulumente wedolophu, owephondo nowesizwe





