﻿






UMPHANDLE|UBOMI BAKHO|IMIBA|USHICILELO |IZALATHISO |URHULUMENTE|IITHENDA|IMISEBENZI





English
|
Afrikaans
|
Malunga
|
Qhagamshelana
|
Uncedo
|
Funa nzulu  |



 





Umphandle > Ushicilelo > IiNkcukacha Zoluntu > S &gt Amaqumrhu Alawula Izikolo

Amaqumrhu Alawula Izikolo



2003

Isebe Lezemfundo (The Government of South Africa)

UMBHALI: isebe lezemfundo



ISISHWANKATHELO

Eli phetshana linika abazali ulwazi ngamaqumrhu alawula izikolo. Libachazela ziintoni na ezi, yintoni umsebenzi wazo, nokuba ngubani onokudlala indima kuwo. Likwacacisa indima emayidlalwe ngabazali kwanoxanduva lwabo kulawulo lwesikolo.






* Yintoni Iqumrhu Elilawula Isikolo?
* Ngubani Omakadlale Indima Kweli Qumrhu?
* Yintoni Imisebenzi yeli Qumrhu?
* Amalungelo Noxanduva Lwabazali



YINTONI IQUMRHU ELILAWULA ISIKOLO?


Umthetho iSchools Act uthi onke amacandelo abandakanyekayo kwimfundo kufuneka alwamkele uxanduva lokuza nemithetho eza kuchaphazela izikolo, uthi thaca umba wokuba abazali kwanabahlali ngabona bantu banokusoloko bezazi iimfuno neengxaki zesikolo. Yiyo ke le nto sonke isikolo sikarhulumente kufuneka sineli qumrhu lilawula isikolo.

Iqumrhu elilawula isikolo ngalinye lujongana nolawulo lweso sikolo. Kwisikolo esibhaliswe njengenkampani yeSahluko sama-21, ikwaleli qumrhu lolawulo lwesikolo elinoxanduva lokujongana neemali zesikolo eso.


NGUBANI OMAKADLALE INDIMA KWELI QUMRHU LOLAWULO LWESIKOLO?


Eli Qumrhu Lolawulo Lwesikolo liqulethe:

* inqununu yesikolo eso
* abameli abakhethiweyo (abangabazali, abahlohli, abanye abasebenzi besi sikolo ndawonye nabafundi abakwibanga lesithandathu okanye kumabanga angaphezulu).
* Amalungu afakiweyo kweli qumrhu kodwa angenalo ilungelo lokuvota (umzekelo, uluntu lwasekuhlaleni, okanye umnini-mhlaba esikuwo eso sikolo).


Unakho nokumela abanye abazali kwiqumrhu elilawula isikolo ukuba uthe wachongwa ze wavotelwa ngabazali. Uninzi lwamalungu avotayo kweli qumrhu kufuneka ibe ngabazali.

Inqununu iya kunika abazali ulwazi ngokhetho lweli qumrhu lilawula isikolo.


YINTONI IMISEBENZI YELI QUMRHU LILAWULA ISIKOLO?


Eli qumrhu kufuneka:

* Liqulunqe umgaqo-nkqubo wokwamkelwa kwabafundi kweso sikolo.
* Lifikelele kwizigqibo ngomgaqo-nkqubo wolwimi weso sikolo.
* Ligqibe ekubeni zeziphi na iinkolo zokukhonza eziya kusetyenziswa kweso sikolo.
* Liqulunqe umqulu wendlela eyamkelekileyo yokuziphatha kwabafundi, mqulu lowo ubeka elubala iinkqubo zokohlwaya.


Zonke ke izigqibo nemigaqo-nkqubo kufuneka ihambelane nemigaqo-nkqubo karhulumente wesizwe.

Eli Qumrhu lilawula isikolo kukwafuneka:

* Liqulunqe umgaqo-siseko ochaza indlela eli qumrhu eliya kusebenza ngayo.
* Liqulunqe intetho enombono weso sikolo apho lichaza khona ixabiso kwaneenkolelo zeso sikolo.
* Lithabathe iisigqibo ngamaxesha okuba sesikolweni kwabafundi nabahlohli.
* Lijongane nolawulo lwempahla yesikolo, izakhiwo kwanemihlaba.
* Lenze iziphakamiso ngokuqeshwa kwabahlohli kweso sikolo.


Ngaphezu koko, iqumrhu elilawula isikolo linganikwa nawuphi na kule misebenzi ilandelayo:

* ukulungisa nokuphucula impahla yesosikolo, izakhiwo nemihlaba
* ukuthabatha izigqibo ngemidlalo eya kudlalwa ngabantwana kwakunye nezifundo emazibekho ngokulandela umgaqo-nkqubo wezifundo weli phondo
* ukuthenga iincwadi zokufunda, izixhobo zokufundakwakunye/okanye nezixhobo zesikolo eso
* ukuhlawulela iinkonzo ezinikezelwa seso sikolo


iSebe Lemfundo leNtshona Koloni liyawaxhasa amaqumrhu olawulo lwezikolo ngokuthi liwacebise kwimisebenzi yalo ze liwanike noqeqedho kulawulo lwezimali.


INGABA UNGAKWAZI NA UKUFAKA IGALELO KULAWULO LWESIKOLO UKUBA AKUKHO KWELI QUMRHU LISILAWULAYO?


Bonke abazali abanabantwana kweso sikolo banawo amalungelo noxanduva okuthabatha inxaxheba. Kanti nokuba sele ungonyulwanga kweli qumrhu lilawula isikolo eso, usenalo ilungelo olkuzibandakanya kwimicimbi yeso sikolo ngokuthi uzimase imihlangano yabazali.

Ukwanalo nelungelo lokwaziswa ngabahlohli okanye yinqununu ngeentshukumo zasesikolweni zomntwana wakho. Inqununu nabahlohli beso sikolo kufuneka bakwazise ngendlela aziphethe ngayo umntwana wakho, indlela azimasa ngayo isikolo kwakunye nendlela aqhuba ngayo umntwana wakho esikolweni.

Ukuze ufumane ezinye iinkcukacha, qhagamshelana:

noDave Shepherd
Kule Nombolo Yomnxeba: 021 467 2611/13
Inombolo Yefeksi: 021 467 2996
dshepherd@pgwc.gov.za


Okanye ke utsalele umnxeba umcebisi wophuhliso osesikolweni sakho kwi-EMDC yakho.





This content also available in English | Hierdie inhoud is ook beskibaar in Afrikaans

YAYAMENE

* Amalungelo Noxanduva Lwabazali - Isikhokelo soMgaqo-nkqubo Wezikolo Zaseburhulumenteni (IiNkcukacha Zoluntu)



Umxholo okweli phepha wagqibela ukuhlaziywa nge- 7 uMatshi 2006



Ingaba kukho nto ungayiqondiyo kwiintetho zaseburhulumenteni



| IMIBUZO? Sibuze nje wena: questions@capegateway.gov.za



Isigama Esinokusetyenziswa | uMgaqo-nkqubo Wemfihlelo | Ilungelo Lobunini







I-Cape Gateway yinkonzo karhulumente ejoliswe kubemi beNtshona Koloni, ebonelela ngolwazi ngorhulumente wedolophu, owephondo nowesizwe





