






UMPHANDLE|UBOMI BAKHO|IMIBA|USHICILELO|IZALATHISO |URHULUMENTE|IITHENDA|IMISEBENZI





English
|
Afrikaans
|
Malunga
|
Qhagamshelana
|
Uncedo
|
Funa nzulu  |



 





Umphandle > Izalathiso > Iinkonzo > Ushishino & Noqoqosho > Amashishini Amancinci > Iinkqubo Zokuncedana Namashishini Asakhasayo Afikelele Kwiinkxaso-mali Nolwazi Kumashishini

Iinkqubo Zokuncedana Namashishini Asakhasayo Afikelele Kwiinkxaso-mali Nolwazi Kumashishini




INKCAZELO:

La ke ngawona masebeaseburhulumenteni, amaqumrhu aseburhulumenteni kwanamabutho entsebenziswano phakathi kukarhulumente namashishini abucala anceda amashishini asakhulayo ukuba afikelele kwinkxaso-mali:

* iQumrhu Elijongene Nophuhliso Lwamashishini Asakhasayo (iSEDA)
* iSebe Leentengiso Norhwebo (iDTI)
* I-Industrial Development Corporation (i-IDC)
* iKhula Enterprise Finance
* iCASIDRA



IQUMRHU ELIJONGENE NOPHUHLISO LWAMASHISHINI ASAKHASAYO (iSEDA)



iSEDA le ke liqumrhu leSebe Leentengiso Norhwebo elijongene nokuxhasa amashishini asakhasayo oMzantsi Afrika. Iwebsite yayo inoluhlu olugqibeleleyo Ekuxhaseni Ishishini Lakho Ngezimali, kwaneengcebiso ezifanelekileyo kwanamakhonkco akuqhagamshelanisa nawo onke amaqumrhu esizwe nawamaphondo ajongene nokunikezela ngeenkxaso-mali.



ISEBE LEENTENGISO NORHWEBO (iDTI)

idti le ke ijongene nokulawula iinkqubo neenkxaso-mali zoshishino ezahlukeneyo ezincedisana nabanini-mashishini, maqumrhu lawo aquka:

* Inkqubo Exhaswa Uphuhliso Lwezakhono
* Inkqubo Yophuhliso Lwamashishini Asakhasayo Nakhulayo

Iinkcukacha ezigcweleyo ngezi kwanothotho lwezinye iinkqubo zesizwe ziyafumaneka kwiwebsite yeDTI.



i-INDUSTRIAL DEVELOPMENT CORPORATION (IDC)

Eli qumrhu liyi-IDC ke linikezela ngothotho lweentlobo zekxaso-mali:

* Iimali-mboleko Kumashishini
* Ukulingana
* Ukulingana ngokomgangatho
* Inkxaso-mali Yokuxhasa
* Eyokuthenga izindlu zokusebenzela
* Inkxaso-mali Yokhuseleko
* Eyokuthengisela uluntu
* Inkxaso-mali Kumashishini Athengisela Amanye
* Inkxaso-mali Yokuthengisela Amazwe Angaphandle
* Inkxaso-mali Yokuthenga Kumazwe Angaphandle
* Inkqubo Yokuxhasa Iintshukumo Zophuhliso Kushishino

Iinkcikacha ezigcweleyo ngazo zonke ezi ntlobo zenkxaso-mali, iimpepha zokufaka izicelo, inkqubo kwanezikhokelo ziyafumaneka website ye-IDC.

Okanye ke kungenjalo, ungaqhagamshelana ne-Ofisi yeNtshona Kapa:

Office 2817, 28th Floor, ABSA Centre, Kwikona yeSitalato i-Adderley neRiebeeck, eKapa
PO Box 6905, eRoggebaai, 8012
Inombolo Yomnxeba: 021 421 4794/5/6
Eyefeksi: 021 419 3570
capetown@idc.co.za




INKXASO-MALI YOSHISHINO YEKHULA


iKhula le yasekwa ngo-1996 ngeenjongo zokuba liliso kwiinzame zokufukelela kwinkxaso-mali yoshishino kumashishini asakhasayo, akhulayo nalawo sele ekhulile. Iliziko elinikezela inkxaso ngenkxaso-mali kumashishini amaninzi, nto leyo ke ithetha ukuba inikezela ngezi nkxaso-mali kumanye amaziko afana neebhanki zoshishino, iibhanki ezincedana noluntu kwakunye nakoomatshonisa. Ngokuthi isebenzise inkqubo yayo Yokunikezela Ngeengcebiso Kumashishini iThuso, iKhula le ikwanikezela nangeenkonzo zeegcebiso ngeenjongo zokunikezela umkhomba-ndlela namacebo kubanini-mashishini kwiinkalo ezahlukeneyo zokulawila amashishini abo.

Ukuze ufumane ezinye iinkcukacha tyelela iwebsite yeKhula okanye kw uqhagamshelane nabo kule dilesi:

eBradenham Hall, eMellis Park, 7 eMellis Road, eRivonia Ext 20
PO Box 4197, eRivonia, 2128
Inombolo Yomnxeba: 011 807 8464
Eyefeksi: 011 807 9023
Inombolo Yomnxeba Engahlawulelwayo: 0800 11 8815
helpline@khula.org.za



iCAPE AGENCY FOR SUSTAINABLE INTEGRATED DEVELOPMENT IN RURAL AREAS (CASIDRA)

iCASIDRA le ke ngumbutho ophakamisa nephuhlisa iingingqi ezisemaphandleni eNtshona Kapa. Lo mbutho ulawula Inkqubo Yophuhliso Lwabanini-mashishini iKapa, exhaswa nguRhulumente Wephondo leNtshona Kapa ne-Absa. Urhulumente nale bhanki ke banikezela ngeemali-mboleko kumashishini akwiingingqi ezisemaphandleni ezisukela kwi-R10000 ukuya kwi-R160 000. Ezi mali-mboleko ke kufuneka zibuyiswe kwisithuba seminyaka emithathu ngenzala eqingqiweyo eli-10%. Abafaki-zicelo kufuneka bangenise izicwangciso zoshishino ezisemgangathweni.

Uluhlu lwezinto ezifunekayo kwakunye neempepha zokufaka izicelo ziyafumaneka Kumaziko eRed Door nakwii-Ofisi zeCASIDRA.

Ezi Ofisi zeCASIDRA ke zisePaarl:

22 Louws Avenue
eSouthern Paarl
7624

Ukuze ube nokufumana olunye ulwazi, qhagamshelana nathi kule nombolo:
021 863 5000
www.casidra.co.za/
info@casidra.co.za


IFUMANEKA KWI:

La mabakala amaziko:
* Amaziko eRED Door Anikezela Ngeengcebiso Kumashishini Amancinci


IBONELELWA LISEBE:



ICANDELO LIKARHULUMENTE:

Amaziko eRED Door Anikezela Ngeengcebiso Kumashishini Asakhasayo, akhulayo Namakhulu (Department of Economic Development and Tourism, uRhulumente Wephondo leNtshona Kapa)





This content also available in English | Hierdie inhoud is ook beskibaar in Afrikaans

YAYAMENE

* Inkqubo Yophuhliso Lwababoneleli Kumashishini Amnyama (IiNkonzo)
* Amaziko eRED Door Anikezela Ngeengcebiso Kumashishini Asakhasayo (iCandelo Likarhulumente)



Umxholo okweli phepha wagqibela ukuhlaziywa nge- 7 uAgasti 2006



Ingaba kukho nto ungayiqondiyo kwiintetho zaseburhulumenteni



| IMIBUZO? Sibuze nje wena: questions@capegateway.gov.za



Isigama Esinokusetyenziswa | uMgaqo-nkqubo Wemfihlelo | Ilungelo Lobunini







I-Cape Gateway yinkonzo karhulumente ejoliswe kubemi beNtshona Koloni, ebonelela ngolwazi ngorhulumente wedolophu, owephondo nowesizwe





