

Ukubhaliswa kokuzalwa

Inkcazelo
Inkqubo emayilandelwe
Umthetho osetyenziswayo
Ixesha elithatyathwayo kunye nomgangatho ofikelelwayo
Iindleko
Iifom ezigcwaliswayo
Iinkcukacha zonxulumano

Inkcazelo

UMthetho wokuLungisa wokuBhaliswa kokuZalwa nokuBhubha , umisela ukuba ukuzalwa komntwana ozelwe ephilile kufuneka kuxelwe kwisithuba seentsuku ezingama 30 emva kokuzalwa komntwana.

Isaziso sokuzalwa kufuneka sifakwe ngomnye wabazali okanye ngumntu ongumlondolozi ngokwasemthethweni, kwaye ukubangaba abazali okanye umntu ongumlondolozi ngokwasemthethweni abakwazi ukwenza njalo, umntu ocelwe ngomnye wabazali okanye ngumntu ongumlondolozi ngokwasemthethweni, angasifaka isaziso.

Entla

Inkqubo emayilandelwe

Hambisa ifom yeSaziso sokuZalwa  kuyo nayiphina i-ofisi yezeKhaya.
Umntu ocelwe ukuba afake isaziso kufuneka abenomyalelo obhaliweyo wokwenza njalo, ekufuneka ubandakanye izizathu zokuba kutheni abazali bengenako ukufaka isaziso ngokwabo.
Ukubangaba umntwana uzalelwe ngaphandle koMzantsi Afrika, kwaye omnye wabazali ungummi waseMzantsi Afrika ngexesha lokuzalwa komntwana, oku kuzalwa kungaziswa kwiNdlu yoZakuzo yaseMzantsi Afrika, kwiZiko loNxulumano noMzantsi Afrika, okanye kuyo nayiphina i-ofisi yezeKhaya eMzantsi Afrika.
Kwisaziso esenziwe emva kweentsuku ezingama 30 zokuzalwa, kodwa phambi konyaka emva kokuzalwa, abazali okanye umntu ongumlondolozi ngokwasemthethweni, mabanike izizathu zokuba kutheni ukuzalwa kungabhaliswanga kwisithuba seentsuku ezingama 30 njengoko kuyimfuneko ngokoMthetho.
Ukubangaba abazali abatshatanga kwaye banqwenela ukubhalisa umntwana ngefani kayise, uyise womntwana makavume ukubanguyise walo mntwana kwisithuba esilungiselelwe oko kwifom yeSaziso sokuZalwa. Utata womntwana makabekhona xa kubhaliswa ukuzalwa.

Entla

Umthetho osetyenziswayo



Births and Deaths Registration Amendment Act, 1997  

Entla

Ixesha elithatyathwayo kunye nomgangatho ofikelelwayo

Izicelo zingathabatha iiveki ezisi 8 ukuya kwezili 12.

Entla

Iindleko

Le nkonzo ayihlawulelwa.

Entla

Iifom ezigcwaliswayo



Application for a birth certificate, BI -154
Notice of birth BI-24

Isixwayiso: Amafom awafumaneki kwi-internet. Nceda uqhagamshelane neofisi yesebe ekufutshane nawe.

Entla

Iinkcukacha zonxulumano


