﻿

Ukuthumela iifom neentlawulo zerhafu nge-website 

Inkcazelo
Inkqubo emayilandelwe
Umthetho osetyenziswayo
Ixesha elithatyathwayo kunye nomgangatho ofikelelwayo
Iindleko
Iifom ezigcwaliswayo
Iinkcukacha zonxulumano

Inkcazelo

Ukugcwalisa iifom kwi-website  lelinye lamanyathelo ayinxenye yeNkqubo ekuthiwa yi SIYAKHA esetyenziswa kwi-South African Revenue Service . Injongo ephambili yokugcwalisa iifom kwi-website  kukuphembelela ukuthunyelwa kweefom neentlawulo zerhafu nge-website, ngabarhafi naziingcaphephe zerhafu.

Okwangoku, kufumaneka ezi fom zerhafu zilandelayo:

Pay-As-You-Earn  
Skills Development Levy  
Unemployment Insurance Fund  
Value Added Tax  
Provisional Tax  
Request for tax directive 
Request for extensions 
Secondary Tax 
Additional Payments
Request for Tax Clearance Certificate
Transfer Duty
Stamp Duty
Reportable Arrangements
Tax Practitioner Registration
VAT Vendor Search
Personal Income Tax 
Advanced Tax Ruling .

Abarhafi banikwa ithuba lokufumana, ukugcwalisa, ukuthumela nokuhlawula irhafu ngeendlela zokuhlawula ezithembekileyo nezikhuselekileyo, ngamaxesha onke ngemini.

Abarhafi, iifem zokugcina ii-akhawunti zemali, neengcaphephe zerhafu ezinqwenela ukuzigcwalisela iifom zazo zerhafu, okanye ezigcwalisela iiklayenti zazo, banako ukubhalisa kule nkqubo nge-Internet. Akukho mfuneko yeenkqubo neenkcazelo ezizodwa ezifakwa kwikhompiyuta – udinga nje kuphela uqhakamshelwano ne-web kunye nenkqubo eqhelekileyo ye-windows.

Entla

Inkqubo emayilandelwe

Abarhafi abanqwenela ukugcwalisa iifom nokuhlawula nge-website kufuneka babhalise kwinkonzo ye e-filing ye-SARS.

Yiya kwi-website ye SARS e-filing.
Khetha iqhosha lokubhalisa elingasekhohlo, uze ukhethe uhlobo lobhaliso olubandakanyeka kuwe.
Yakuba igqityiwe inkqubo yobhaliso, uyakufumana uphawu olusisitshixo sokuvula kunye negama lokungena eliyimfihlo yakho  ukuze ufikelele kwiinkonzo ezifumanekayo.
Uphawu olusisitshixo sokuvula kunye negama lokungena eliyimfihlo yakho ziyakukhutshwa kuphela xa umrhafi okanye ummeli womrhafi, eqondiwe ukuba nguye nyhani na, ngokuhambisana namanyathelo ogqaliselo losayino lwe-website.
Iinkcukacha ezibandakanyekayo zomrhafi ziyakungqinisiswa ngokuzithelekisa neenkcukacha ezikuvimba omkhulu wenkcazelo ye-SARS, kwaye umrhafi uyakuveliswa njengomntu ogcwalisa nofaka iifom ngenkqubo ye e-filing, kwiinkonzo zerhafu ezibandakanyekayo.
Xa kukhutshwa iifom zerhafu, i-SARS iyakukhuphela iifom ze-website kwiziko lenkonzo ye e-filing ye-SARS. Emva koko ke umrhafi angagcwalisa ifom yakhe kwaye ayithumele nge-website. I-SARS ke ayinakuphinda ithumele iikopi eziprintiweyo kumntu ongumthumeli nge-webiste .
Inkonzo ye e-filing iyakukhumbuza umrhafi, nokuba kungomyalezo weselulafowuni okanye nge e-mail, imazise ngefom yakhe esele ilungele ukugcwaliswa okanye ukuthunyelwa.
Umrhafi uyakusebenzisa uphawu olusisitshixo sokuvula kunye negama lokungena eliyimfihlo yakhe ukuze aveze ifom yerhafu.
Isicelo esenziwe nge-website siyakuzivezela ngokunokwaso inkcazelo yefom yerhafu, ngokufanayo nakwifom yesiqhelo eprintiweyo. Uyakuthi ke ngoko umrhafi agcwalise ifom kwi-website.
Akuba umrhafi eyigcwalisile ifom yerhafu, inkcazelo efakwe kwifom iphononongwa ngokugqibeleleyo ukuze kuqinisekwe ukuba ifanelekile. Lonke ubalo lwenziwa yile nkqubo yomatshini ukuze kususwe naliphina ithuba lokufakeka kwenkcazelo engachanekanga.
Umrhafi angakhetha ukuhlawula xa ebuyisa ifom yerhafu kwaye angayenza loo ntlawulo naninina phambi komhla ekufanele ingene ngawo.

Nangona nje le nkqubo ivakala ngathi inzima, eneneni, xa uyisebenzisa, ilula kwaye iyakhawuleza. Uncedo ulufumana nje ngokutsalela umnxeba kwiZiko lokuTsalela uMnxeba nakwiCandelo leNkxaso elinesitafu esaneleyo ukuze ukhokelwe kule nkqubo.

Entla

Umthetho osetyenziswayo

Income Tax Act, 1962  

Entla

Ixesha elithatyathwayo kunye nomgangatho ofikelelwayo

Akukho xesha libekiweyo kule nkonzo.

Entla

Iindleko

Le nkonzo ayihlawulelwa.

Entla

Iifom ezigcwaliswayo

Ngenisa amaxwebhu erhafu okanye iiritheni zakho  neentlawulo ngonxibelelwano lwekhompyutha.

Entla

Iinkcukacha zonxulumano


