






UMPHANDLE|UBOMI BAKHO|IMIBA|USHICILELO|IZALATHISO |URHULUMENTE|IITHENDA|IMISEBENZI





English
|
Afrikaans
|
Malunga
|
Qhagamshelana
|
Uncedo
|
Funa nzulu  |



 





Umphandle > Izalathiso > Iinkonzo > Ushishino & Noqoqosho > Uphuhliso Loqoqosho Lwabamnyama > Uphuhliso Lwamashishini Asakhulayo

Uphuhliso Lwamashishini Asakhulayo




INKCAZELO:

Inkqubo Yemisebenzi Yoluntu Esekelwe Kuluntu Ekuhlaleni, isetyana kwiSebe lephondo leZothutho neMisebenzi Yoluntu, inenkonzo eyenzele ukunceda amashishini amancinci ukuya kutsho kwasakhulayo ngokuwanceda afumane amava kwaneengcebiso


* Isishwankathelo
* Inkqubo Yokuchonga
* Iintlangano Zokucacisa
* Izicelo
* Iinkcukacha Zoqhagamshelwano




ISISHWANKATHELO



Uqeqesho luyafumaneka kubakhi njengengxenye yeNkqubo Eyandisiweyo Yemisebenzi Yoluntu.


Injongo kukuphuhlisa abakhi abasakhasayo babe ngabakhi abazimele ngokugqibeleleyo abakwaziyo ukuqhuba futhi bamelane neemfuno zamaphulo adinga abasebenzi abaninzi. Kugxininiswa ekuphuhliseni abanini-mashishini, amashishini kwanezakhono ezinqabileyo.


Inkqubo Yokuchonga


A - Izinto ezifunwa Kwizicelo


1. Umakhi ofaka isicelo kufuneka abe uyinkampani ebhalisiweyo (iCC nePty Ltd) enesiqinisekiso sokuxolelwa kwinyala lokungahlawuli zirhafu.
2. Abakhi abafaka izicelo kufuneka bafake izicelo njengeqela elimalungu angabantu abathathu: umakhi oza kungenela izifundo zokwakha zenqanaba lesibini le-NQF kunye nabaqeqeshi bendawo yokwakha abaza kungenela izifundo zenqanaba lesine le-NQF.
3. Umntu ofaka isicelo njengomakhi kufuneka amelane nezi mfuno zilandelayo:
   * Akwazi ukufunda, ukubhala nokubala
   * Abe wenze izifundo kwiziko lemfundo ephakamileyo ukuba ugqibe ibanga lesibhozo nangaphezulu. (Abafaki-zicelo abanebanga lesibhozo kufuneka bafumane iRecognition of Prior Learning ze bayingenise ngaphambi kosuku lokuvala.)
   * Abe ukulungele ukuzifaka kwisibhambathiso esinokuthabatha ukuya kuma kwiminyaka emibini kwizifundo zeeNkampani Zokwakha zenqanaba lesibini leNQF.
   * Kufuneka ubuncinci abe namashumi amahlanu ananye eepesenti amagunya obunini kuloo nkampani futhi abe ngumphathi okanye umlawuli ophetheyo.

4. Abantu ababini abafaka izicelo njengabalawuli beendawo zokusebenzela kufuneka bamelane nezi mfuno zilandelayo:
   * Bakwazi ukufunda, ukubhala nokubala
   * Babe bobabini banebanga leshumi okanye nangaphezulu. (Abafaki-zicelo abaphele kwibanga elingaphantsi kweleshumi esikolweni kufuneka bafumane iRecognition of Prior Learning ze bayingenise ngaphambi kosuku lokuvalwa kwezicelo.)
   * Babe bakulungele ukuzifaka kwisibhambathiso saxesha lonke esiya kufikelela kwiminyaka emibini sezifundo zokuba ngabaqeqeshi beendawo Yokusebenzela zenqanaba lesine.
   * Babe bebekhe baqeshwa yinkampani okanye umntu owakhayo ubuncinci ixesha elingangeli lezifundo zokwakha.



B - Indlela Esebenza Ngayo i-Affirmative Action

Izicelo ziya kuhlenga-hlengiswa ngokwezi ndlela zilandelayo ze-Affirmative Action:
* Ubuncinci amashumi asibhozo anesihlanu eepesenti zabafundi abachongiweyo kufuneka babe babesa kusengelwa phantsi ngokwamalungelo ngenxa yembali yeli lizwe
* Ubuncinci amashumi amahlanu eepesenti zabafundi abachongiweyo kufuneka babe ngamanina okanye babe bakhubazekile
* Ubuncinci amashumi amahlanu eepesenti zabafundi abachongiweyo kufuneka babe batsha (oko ke kukuthi babe ngaphantsi kwamashumi amathathu anesihlanu eminyaka ubudala).


C - Amava Abafaki-zicelo

Le Nkqubo yezifundo ijolise kwabo bantu bachazwe ngentla apha, ngokwemigaqo ye-Affirmative Action, abaya kuba nawona mathuba mahle okuphumelela njengeenkampani zabakhi ezincinci. Ezi mpawu zilandelayo kubafaki-zicelo ziya kubasebenzela abafaki-zicelo kwinkqubo yokuchonga:
* amava kwicandelo lokushishina ngokwakha
* amava okuba ngumnini/okuqhuba okanye okulawula ishishini
* izifundo ezikwinqanaba eliphezulu kunezo zikhankanyiweyo
* ukuba nakho ukufumana okanye ukuba nezixhobo okanye impahla enokuba lulutho kwinkampani leyo yokwakha.


D - Ukugcwaliswa Kwamaphepha Ezicelo

Onke amaphepha ezicelo kufuneka egcwalisiwe. Ukungagcwaliswa ngokugqibeleleyo okanye ukungangeniswa kwala maphepha ezicelo kuya kukhokelela ekukhutshweni komfaki-sicelo kule nkqubo.

E - Iimviwo

Abafaki-zicelo abadluliselwe kwinqanaba elilandelayo kwinkqubo yokuchonga kuya kufuneka bahlalele uviwo olubhalwayo.

F - Iimvavanyo


Kuya kwenziwa ezinye iimvavanyo eziya kusekezelwa kumanqaku neziya kuxhomekeka kwiziphumo zeemviwo, amava, i-affirmative action kwanezifundo umntu anazo. La manqanaba mane aya kuhlenga-hlengiswa ngokwale ndlela ilandelayo:

Iziphumo zeemviwo: 60%
i-Affirmative action: 20%
Amava: 10%
Izifundo umntu anazo: 10%


IMIYALELO:


IINTLANGANO ZENGCACISO

Ukuba unomdla wokuthabatha inxaxheba kule nkqubo, kufuneka uzimase enye yeentlangano zengcaciso ezisisinyanzelo kubantu abanomdla neziya kubanjwa ngolu hlobo lulandelayo:

Ummandla Wenqila
eThabo Village, kwiZiko Loluntu, eHeideveld
10:00 kusasa, ngomhla weshumi elinesithandathu kwinyanga yoKwindla ku-2004


Ummandla wePaarl
kwi-Ofisi yeNjineli Yemigaqo Yezithili, eMain Road, kuMzantsi-Paarl
10:00 kusasa, ngomhla wamashumi amabini anesine kweyoKwindla ku-2004


Ummandla we-Oudtshoorn
Kwizibuko Lezithuthi ze-PGWC, eVoortrekker Rd, e-Oudtshoorn
ngo-10:00 kusasa, ngomhla wamashumi amathathu ananye kweyoKwindla ku-2004



IZICELO


Amaphepha ezicelo aya kusasazwa kwiintlangano zengcaciso, yaye abantu abangazizimasiyo ezi ntlangano abayi kuba nakho ukufaka izicelo.

Nazi iintsuku zokuvalwa:

Ummandla Wenqila
16:00 malanga, ngomhla wamashumi amathathu ananye kweyoKwindla ku-2004.

Ummandla wePaarl
16:00 malanga, ngomhla wesibhozo kwekaTshazimpunzi ku-2004

Ummandla we-Oudtshoorn
16:00 malanga, ngomhla weshumi elinesihlanu kwekaTshazimpunzi ku-2004


UKUZE UFUMANE EZINYE IINKCUKACHA, QHAGAMSHELANA:


Kummandla Wenqila
noNksz. S Boya
Inombolo Yomnxeba: 021 461 0077

Kummandla wePaarl
noMnu. H Rabie
Inombolo Yomnxeba: 021 863 2020
Kummandla we-Oudtshoorn
noMnu. P Gray
Inombolo Yomnxeba: 044 272 6071

IBONELELWA LISEBE:



ICANDELO LIKARHULUMENTE:

Ezothutho Nemisebenzi Yoluntu (uRhulumente Wephondo leNtshona Kapa)





This content also available in English



Umxholo okweli phepha wagqibela ukuhlaziywa nge- 5 uOktobha 2004



Ingaba kukho nto ungayiqondiyo kwiintetho zaseburhulumenteni



| IMIBUZO? Sibuze nje wena: questions@capegateway.gov.za



Isigama Esinokusetyenziswa | uMgaqo-nkqubo Wemfihlelo | Ilungelo Lobunini







I-Cape Gateway yinkonzo karhulumente ejoliswe kubemi beNtshona Koloni, ebonelela ngolwazi ngorhulumente wedolophu, owephondo nowesizwe





