






UMPHANDLE|UBOMI BAKHO|IMIBA|USHICILELO|IZALATHISO |URHULUMENTE|IITHENDA|IMISEBENZI





English
|
Afrikaans
|
Malunga
|
Qhagamshelana
|
Uncedo
|
Funa nzulu  |



 





Umphandle > Izalathiso > Amaphulo > Ezempilo > Intsholongwane kaGawulayo/uGawulayo > Izithembiso Zekhulu Lokuqala Leentsuku: Ikhaya Elisempilweni Kuthi Sonke

Izithembiso Zekhulu Lokuqala Leentsuku: Ikhaya Elisempilweni Kuthi Sonke




ISIQALO:

8 uMeyi 2004


ISIPHELO:

7 uSeptemba 2004


UMGANGATHO:

Liqoshelisiwe


INKCAZELO:




Impilo nayo ithe yaphuculwa kweli khulu leentsuku zokuqala, ngokuthi:
* Kwandiswe inani lezigulana ezifumana amachiza onyango lwentsholongwane kaGawulayo
* Kuphuculwe iinkonzo kuMaziko Ezempilo Asekuhlani aneengxaki



UNYANGO LWENTSHOLONGWANE KAGAWULAYO


Kubekho izigulana ezingamawaka amane namakhulu ezifumana amachiza onyango lwentsholongwane kaGawulayo (ii-ARVs ngamafuphi) mihla le kumaziko onyango anagamashumi amabini anesithathu, nani elo elenyuke ukusuka kumawaka amabini anamakhulu amathathu namashumi amathathu anesixhenxe ekupheleni kwenyanga yoKwindla apha ku-2004, kudlulwa lee kwinani ebekujoliswe kulo elingamawaka amathathu ezigulana elamiselwa eli khulu lokuqala leentsuku yiNkulumbuso. Elona ziko likhulu lonyango likwisibhedlele iTygerberg, apho izigulana ezingamakhulu amane anamashumi amathandathu anesine zifumana khona unyango.

Inkqubo yeNtshona Koloni yamachiza okunyanga intsholongwane kaGawulayo iceba ukuseka amaziko amachiza onyango lwentsholongwane kaGawulayo angamashumi amathathu anesithandathu ngenyanga yoKwindla kunyaka ka-2005 ze ibonelele ngala machiza ntsuku zonke kwizigulana ezingamawaka amathandathu (ezithelekelelwa ukuba zisisiqingatha sezo zidinga olu nyango) ngenyanga yoKwindla ngo-2005.

Le nkqubo yokunikezelwa kwala machiza okulwa intsholongwane kaGawulayo yaqala kumaziko ezempilo anezixhobo ezifanelekileyo nabasebenzi baseklinikhi abanamava adingekayo, nto leyo esisizathu sokuba la machiza eqale anikezelwa kwizibhedlele ezikhulu kuphela.

Ekugqibeleni, kuya kwakhiwa ukusuka kumashumi amane anesihlanu ukuya kumashumi amahlanu amaziko kwiminyaka nje emibini, maziko lawo aya kuba ubukhulu becala ngamaziko ononophelo lwenqanaba lokuqala, izibhedlele zona zinikezele kuphela ngenkxaso yenqanaba lesibini nelesithathu apho umntu athunyelwe khona yiklinikhi yakhe.

Izigulana kufuneka zimelane neemfuno ezithile - ezempilo nezesimo sengqondo ngokwasekuhlaleni - phambi kokuba zinikwe unyango lwala machiza alwa noGawulayo. Ngokwezempilo, ezi mfuno zezi:
* isifo esikwinqanaba lesine ngokwemimiselo ye-WHO (uMbutho Wehlabathi Wezempilo) (ngaphandle kwesifo sephepha) OKANYE
* inqanaba lokuqala, elesibini nelesithathu elimiselwe nguMbutho Wezempilo Wehlabathi kunye nezigulana zesifo sephepha ezinesibalo Icd4 inqanaba lokuqala, elesibini nelesithathu elimiselwe nguMbutho Wezempilo Wehlabathi kunye nezigulana zesifo sephepha ezinesibalo Icd4 <iicells ezingamakhulu amabini / mm


Ngokwesimo sengqondo ngokwasekuhlaleni, ezi mfuno zezi:
* Ukuthembeka okubonakalayo, oko ke kukuthi, isigulana sibe siphumelele ukuzimasa amathuba amathathu nangaphezulu otyelelo oluqingqiweyo kwiklinikhi yentsholongwane kaGawulayo
* Ukungaselwa kotywala okanye ukusetyenziswa ngendlela engeyiyo kwamachiza
* akukho ntlungu kufuneka iyekelwe inganyangwa
* Ukuveza - iphakanyiswa kakhulu into yokuba izigulana zibe zibuvezile ubume bazo ngokwale ntsholongwane kwisihlobo okanye ilungu losapho elinye ubuncinci okanye zibe zizibandakanye nembumba enika inkxaso
* Ulwazi oluphangaleleyo - izigulana kufuneka zibe zibamkele ubume bazo ngokwale ntsholongwane, futhi zibe zinolwazi oluphangaleleyo ngeziphumo zokosuleleka yile ntsholongwane kwakunye nomsebenzi wala machiza
* Ukuba nakho ukuzimasa - izigulana kufuneka zibe nakho ukuzimasa kwiziko lamachiza alwa noGawulayo rhoqo (angenziwa amalungiselelo okuthuthwa kwezigulana ezihlala kwiindawo eziqeleleneyo neziko lonyango)


Isigulana ngasinye sinyangwa ngokwemigaqo yoMnqophiso wePhondo leNtshona Koloni Wonyango Ngamachiza Alwa nentsholongwane kaGawulayo. Lo mnqophiso uquka iStavudine yomgca wokuqala (d4T), iLamivudine (3TC), iEfavirenz (EFZ) okanye iNevirapine (NVP) kwakunye nomgca wesibini woluhlu lwemithetho elawula unyango ngala machiza alwa noGawulayo (Didanosine (ddI), iZidovudine (AZT), iLopinavir / iRitonivar (LPV/r).

Kukho izibuko elibekwe embindini wazo zonke iziyobisi ezilwa nentsholongwane kaGawulayo, eliqale ukusebenza ngomhla wesihlanu kwinyanga yeKhala, esebenzisa inkampani yokuthutha iposi ngokwezivumelwano zethenda ukuqinisekisa ukuthunyelwa kwala machiza kwangethuba kuwo -onke amaziko.

Iziko lonyango ngalinye sele liqeqeshe abantu abaza kucebisa bancede, abaqeshwe ngaphantsi kwenkampani enikwe isibhambathiso sokusebenza, nkampani leyo engumbutho ongajonge ngeniso futhi zonke izigulana ziyakhuthazwa ukuba zibe nenkxaso esekuhlaleni. Eli Sebe liya kuhlola iindlela zenkxaso ekuhlaleni ze zazise ngokusesikweni inkxaso ephuma ekuhlaleni kunyaka-mali olandelayo.

Kukwakho nemibutho emithathu esebenza phantsi kwezibhambathiso enikezela ngoqeqesho kubasebenzi bamaziko empilo oluntu eNtshona Koloni, beqeqeshelwa ukukwazi ukunikezela unyango lwala machiza alwa nentsholongwane kaGawulayo. Ezi nkampani zezi:
* iFoundation for Professional Development (FPD)
* iMedicines Information Centre (MIC), kwiDyunivesithi yaeKapa
* uqeqesho olufumaneka kwi-web (olunikezelwa yi-Steve Andrews and Associates)


INkqubo Yonyango Ngamachiza Alwa nentsholongwane kaGawulayo iyingxenye yesicwangciso iNational Comprehensive HIV and AIDS iNtshona Koloni enikelwe yona amashumi amabini anesithathu ezigidi namashumi asibhozo ananye amawaka eerandi kunyaka-mali u-200/2005. INgxowa-mali Yehlabathi Yokulwa noGawulayo, Isifo Seengcongconi neSifo Sephepha inikezela ngamashumi amabini anesine sezigidi namakhulu alithoba amawaka eerandi, mali leyo eza kukhutshelwa ixesha eliqala ngenyanga yeThupha ukuya kuma ngenyanga yeKhala ngo-2005 isenzelwa le nkqubo yamachiza alwa noGawulayo kumaziko amahlanu kwiNqila yeKapa.

Ezona njongo sele zifeziwe ze kwagqithelwa ngaphaya kwazo ngenxa yokwakhiwa kwamaqhina entsebenziswano nabaxhasi abohlukeneyo namaqumrhu aphuma kumazwe angaphandle asele enikezele ngezibonelelo ezibaluleke kakhulu ukunceda ekumelaneni neentlawulo zamachiza nezamaziko ophando kumanye amaziko onyango, kwanokuzinikela nokuhlangana kwamanye amahlakani, kuquka nemibutho engekho phantsi kukarhulumente, uluntu jikelele, abaphandi, izifundiswa kunye nabasebenzi baseziklinikhi.


UKUPHUCULWA KWAMAZIKO OLUNTU EZEMPILO


Abahlali base-Elsies River, abaseDelft, abaseHanover Park, abaseRetreat, abaseBonteheuwel/Langa, abaseGugulethu, abaseMitchells Plain, abaseKraaifontein nabaseKhayelitsha bayazuza ekunikezelweni kwenkonzo ephuculiweyo kumaziko abo ezempilo, njengoko yayithembisile iNkulumbuso.

Amacebo amatsha, kuquka nendlela yokuqesha, indlela ekhawulezileyo yokulandwa kwamayeza nenye indlela yamaqela kwizigulana ezinezigulo ezondeleyo kodwa zikwimeko exolisayo, awanciphisile amaxesha okulinda amade ekufuneka izigulana ziwalinde kula maziko.

Ngokwale ndlela yokuqesha, izigulana kufuneka zifike ngaphambi kwexesha lokudibana nabezonyango iyure phambi kwelo xesha libekiweyo ukuze zilande amaxwebhu azo ze zibe nokulinda kwindawo yokulinda.

Indledlana ekhawulezileyo yokulandwa kwamayeza ithetha ukuba inani lamayeza adingwa zizigulana lilo eliya kuba nefuthe ekubeni ziya kulinda ixesha elingakanani na izigulana: Ukuba isigulana sidinga kuphela iyeza elinye okanye amabini, siya kuncedwa ngokukhawuleza, kodwa xa sidinga amayeza amaninzi kuya kufuneka silinde.

Le ndlela yezigulana ezinezigulo ezondeleyo kodwa ezikwimeko exolisayo iquka ukwenziwa kwamadinga amane ukuya kwamathandathu ngabasebenzi baseklinikhi kwizigulana ezikule nkqubo yamaqela. Izigulana ziyacetyiswa ukuba ukuba aziziva mnandi akufuneki zilinde amadinga azo amaqela, kodwa zityelele iCHC ekufutshane nazo ngoko nangoko.

ISebe Lezempilo lizinikele ekunikezeleni rhoqo ngamayeza. Izigulana azisayi kuphinda zibuyiselwe emva kumakwazo nephetshana le-IOU ukuze zibuye ngosuku olulandelayo zize kulanda amayeza azo.

Abalawuli bala maziko nabo ngoku sele beqeshiwe kwiiklinikhi ezininzi ukuqinisekisa ukuba zonke iinguqu ezenziweyo ziya kuqhuba kakuhle.

Kuninzi lweeklinikhi umbhalo ocacileyo ubekwe elubala, ofana negama le-CHC leyo kwakunye nombhalo ngaphakathi kwiziko elo elinikezela umkhondo kwizigulana ukuze ziye kwiindawo ezinokufumana kuzo uncedo.

Iziko Lezempilo laseDelft (ekungoku nje laziwa njengeCHC OF Excellence) lizingca kakhulu ngendawo yokuhlala eyakhelwe ngqo abahlali ukuze baze kutyelela le-CHC ze bathi zava ukuhlala oku.




Ukubuyela Kwizithembiso Zekhulu Lokuqala Leentsuku: Ikhadi Lengxelo >




IXHASWA NGEZIMALI YI-:

Isebe Lezempilo (uRhulumente Wephondo leNtshona Kapa)




This content also available in English | Hierdie inhoud is ook beskibaar in Afrikaans



Umxholo okweli phepha wagqibela ukuhlaziywa nge- 7 uSeptemba 2004



Ingaba kukho nto ungayiqondiyo kwiintetho zaseburhulumenteni



| IMIBUZO? Sibuze nje wena: questions@capegateway.gov.za



Isigama Esinokusetyenziswa | uMgaqo-nkqubo Wemfihlelo | Ilungelo Lobunini







I-Cape Gateway yinkonzo karhulumente ejoliswe kubemi beNtshona Koloni, ebonelela ngolwazi ngorhulumente wedolophu, owephondo nowesizwe





