
Isicelo sesatifiketi sokwamkeleka ekubeni uthuthe okanye uphathe ukutya    





Inkcazelo

Nawuphi na umntu onqwenela ukubanendawo yokutya okanye ukuthutha ukutya kufanele abenesatifiketi sokwamkeleka. Esi satifiketi sikhutshwa emva kokuba abahloli abaphuma koogunyaziwe bendawo beyihlolile le ndawo okanye esi sithuthi.

Ukuze ufumane inkcazelo ebanzi, yiya kwiSebe lezeMpilo

Inkqubo emayilandelwe

Yenza isicelo semvume okanye sesatifiketi sokuthutha okanye sokuphatha ukutya kugunyaziwe wendawo ohlala kuyo.
Lungisa indawo efanelekileyo esetyenziselwa kuphela ukuphatha ukutya okanye isithuthi esisetyenziselwa kuphela ukuthutha ukutya.
Gcina isithuthi okanye indawo icocekile ngamaxesha onke, ukuze uqinisekise ukuba ukutya okuthuthwayo okanye okuphathwayo akungcoliswa ziimpukane, ukungcola, ubunyhukunyhuku, ubumdaka okanye nayiphi na enye into engcolisayo.
Isithuthi okanye indawo iya kuhlolwa ngabahloli abaphuma kugunyaziwe wendawo ohlala kuyo ukuze ivumeleke ukuba ithuthe okanye iphathe ukutya.

Umthetho osetyenziswayo

National Health Act, 2003  
General Notice No. 180 of 10 February 1967 



Ixesha elithatyathwayo kunye nomgangatho ofikelelwayo

Umgangatho ofikelelwayo uxhomekeka kubahloli abaphuma kugunyaziwe wendawo ohlala kuyo.

Iindleko

Le nkonzo ayihlawulelwa, kodwa oogunyaziwe bendawo ohlala kuyo bangabiza intlawulo ethile.

Iifom ezizaliswayo

Iifom zifumaneka mahala kwiSebe leLizwe lezeMpilo. Ungazifumana iifom kooogunyaziwe bendawo ohlala kuyo.

Iinkcukacha zonxulumano



