

Isicelo sokunyusa umrhumo wokurhafela impahla nezinto ezingena eMzantsi Afrika



Inkcazelo


UMrhumo wokuRhafela iMpahla neZinto eziNgenayo  ngumrhumo owuhlawulayo xa ungenisa impahla nezinto eMzantsi Afrika. UMrhumo wokurhafela impahla nezinto uhlawulelwa ukunceda amashishini weManyano yokuNgeniswa kweMpahla neZinto yaseMzantsi Afrika  ukuze akhuphisane ngeemveliso ezingeniswa kweli lizwe. Umrhumo wokurhafela impahla nezinto ezingenayo uphakamisa uphuhliso oluzinzisekayo lwezoqoqosho ngokuphucula ukukhuphisaneka namazwe ehlabathi nokusebnzisa izinto eziyimfuneko ngeyona ndlela ingcono.

Into ekujoliswe kuyo ngokubanzi kwixesha elide elizayo kukuthoba imirhumo yokurhafela impahla nezinto ezingena kweli, kodwa kunyuswe imirhumo engephi kwiimveliso ezichaziweyo phantsi kweemeko ezikhethekileyo nezizodwa. Ukunyuswa komrhumo kuqwalaselwa ngokuxhaswayo kuphela xangaba oko kunyuswa kuyakwenza igalelo kuphuhliso lwamashishini ngokuhambisana neenjongo zelizwe zoqoqosho. 

Ukuze ufumane inkcazelo ebanzi, yiya International Trade Administration Commission.

Inkqubo emayilandelwe

Nxulumana necandelo lobuqondisi leKomishoni yokuLawulwa koRhwebo lwaMazwe eHlabathi ekuthiwa yi-International Trade Administration Commission .
Gcwalisa ifom yesicelo.
Hambisa iifom kwiCandelo loPhando ngaMaxabiso eMirhumo yeMpahla neZinto eziNgena eLizweni .

Umthetho osetyenziswayo

Customs and Excise Act, 1964  UMthetho weMirhumo yeMpahla eNgena eLizweni kunye neRhafu yeMpahla neZinto kunye neeLayisensi ezithile

Ixesha elithatyyathwayo kunye nomgangatho ofikelelwayo

Esi sicelo sithabatha iinyanga ezine ukuya kwezilishumi elinesibini ukuze siqhubekiswe.

Iindleko

Iindleko zixhomekeka kuhlobo lwemveliso okanye lwempahla nezinto ekubandakanyeka kuzo inkonzo.

Iifom ezigcwaliswayo

Information Required in Support of an Application for Tariff Protection Involving an Increase in Customs Duty 

Inkcukacha zonxulumano


