






UMPHANDLE|UBOMI BAKHO|IMIBA|USHICILELO |IZALATHISO |URHULUMENTE|IITHENDA|IMISEBENZI





English
|
Afrikaans
|
Malunga
|
Qhagamshelana
|
Uncedo
|
Funa nzulu  |



 





Umphandle > Ushicilelo > Iindaba > INkulumbuso Ikwamkele Ukutyalwa Kwezigidi-gidi eziyi-R2.13 eKapa

INkulumbuso Ikwamkele Ukutyalwa Kwezigidi-gidi eziyi-R2.13 eKapa


19 uJulayi 2004
UMTHOMBO WEENDABA Premier van die Wes-Kaap (Wes-Kaapse Provinsiale Regering)

INgxelo yamajelo eendaba - alugodlwanga upapasho - 19 kuJulayi 2004

INkulumbuso uEbrahim Rasool uluqhwabele izandla uphehlelelo lwesizwe lophuhliso lwe-Icon kwiZiko i-International Convention ngokuhlwa nje nge-19h30 njengolunye uphawu lokukhulisa ingqiniseko yomtyali-zimali kwiNtshona Koloni naseKapa.

INkulumbuso ithe: "Sinebhongo ngenxa yokuba isixeko esifana neKapa senze kwakho umtsalane owenza ukuba ilizwe lilonke libe nengqinseko ngoMbindi woShishino walo. Kutsha nje kuye kwabhengezwa ukuba kukho utyalo-mali oluya kuziswa eKapa oluya kunceda kuphuhliso lwezinto eziquka:

i-Euro-Cape [Mandela - Rhodes Square]: 500 yezigidi
i-COESSA [Icon]: R 350 yezigidi
i-Mitchell's Plain Promenade: R 300 yezigidimi
Umbindi woShishino waseKhayelitsha: R 300 yezigidi
i-Film studio: R 460 million
i-Budget Insurance Call Centre [Century City]: R 100 yezigidi
Uphuculo lwePalamente: R 120 yezigidi

ZIZONKE IINDLEKO: R 2.13 yeebhiliyoni

"Oku akubandakanyi zintengo nazintengiselwano, ixabiso lemali yokuqashisa ngemihlaba etyikityelweyo neyokuphucula izakhiwo esele zikho.

"Ezi zigidi-gidi zi-R2,13 yeyona ntlawulo yezavenge inkulu kwiibhiliyoni ezi-R5 esagqiba ekubeni ziziswe kweli Phondo kwiNgqungquthela yokuKhula noPhuhliso eyayiqhutywa kulo nyak' uphelileyo. NjengoRhulumente ke saye sazibophelela ekwenzeni eyethu indima njengoko sisakha iKhaya lethu Sonke.

" Yinto entle ukubona oomaslenge bekroze elundini lwesixeko esi njengophawu oluqinisekisa inkqubela phambili nolunika ingqiniseko. Aboshishino lolwakhiwo baphinde babuyel' enkomeni kwakhona besakha ngokobuchule obukumgangatho wePhondo kananjalo besenza nomsebenzi ofuneka ngamandla.

"Iyakhuthaza kakhulu into yokuba olu phawu lutsha lophuhliso kwisixeko esi yenziwe zizinto ezibalulekileyo ezine: ukusetyenziswa kwemithetho-siseko yabantu ngabantu, indibaniselwano phakathi kweentlanga nendibaniselwano kwezentlalo, ukuxhotyiswa kwabantu abantsundu, ubugcisa bokuyila kwezokwakha.

"Phakathi kwezinye izinto siyibethela izandla into yokusetyenziswa kophuhliso oluze namaqela ohlukeneyo ethe yalusebenzisa i-COESA ne-Euro-Cape. Ukubandakanywa ngendlela ecetywe ngokufanelekileyo kwezorhwebo, intengiso neendawo zokuhlala kumaphulo ophuhliso, ibonisa eyona mifuziselo ingcono ekhoyo yocwangciso yezizwe zehlabathi.

"IKapa lathwaxwa kanobom kwixesha elidlulileyo kukucalulwa kwabantu behlaliswa ngokobuhlanga babo, into ke leyo esalombetheyo nanamhlanje oku. Ukuhlanganiswa kweentlanga nemigangatho yokuphila kwiindawo esihlala kuzo ibalulekile ukuze kubekho ukhuseleko ngaphezu koko kwenziwe iKhaya elilelethu Sonke. Enyanisweni iyakhuthaza yona into yokuba umbidi wesixeko udlale indima ephambili ekudibaniseni abantu kunye, endaweni yokuba sisixeko nje sabantu asele bezizityebi.

"Ukwakhiwa kwe-Icon apho abanini be-COESA bengabantu abantsundu ngokupheleleyo (100%), luphawu olubonakalayo lokuxhotyiswa kwabantsundu ngezoqoqosho. Esi sakhiwo senziwe ngobugcisa obukhulu nesingungce-ngezulu omigangatho ingamashumi amabini (20) kumhlaba owavela kwakududulwa ulwandle ngo-1937, ngowona mhlaba wokuqala wakha wamkhulu oza kuba yinkampani yabantu abantsundu.

"Iyasivuyisa kunene into yokuba igama elingu-'Icon' libe intsingiselo yalo ithetha 'uDonga lweeNkumbulo (Wall of Remembrance) olungaphakathi kwisakhiwo. Lo mbono uya kuzenza zigcobe kakhulu iinkokeli ezathi zanegalelo elihle elifana nokukhululwa koMzantsi Afrika. Ngokubhekiselele kumbono wethu wokwakha iKhaya lethu Sonke, olu luphawu olufaneleke ngeyona ndlela.

"Ukusetyenziswa koyilo lwezakhiwo zale mihla ekufuneka zenziwe ngokwemizekelo yase-Afrika kuya kunceda ekwenzeni iinguqulelo kwimbonakalo yesixeko esi njengokuba izakhiwo ezaziyilwe mandulo ezimiyo kungoku nje, kufuneka zime kunye nezo ziyilwe ngendlela yanamhlanje zibe njengesimboli yoxolelwaniso, ukuqondana nenkqubela phambili.

"Zimbini izinto ezixhalabisayo ezithe zavela kwizinto ezibalulekileyo zophuhliso:

"Okokuqala, ulwakhiwo kuMbindi woShishino ukubheka ngaseWaterfront entshona apho kwakhiwe khona iConvention Centre ne-Icon kufuneka kwenziwe kulingane. Sibophelelekile ekubeni siphuhlise necala elingasempuma loMbindi woShishino njengoko iDistrict Six ihlaziyiwe yaza yavuselelwa, kanti kukwafuneka kuphuhliswe necala elingasezantsi lemetropoli ngokwenziwa kweeprojekthi ezintsha apho kuqukwa i-Film Studio, iPromenade eMitchell' s Plain noMbindi woShishino eKhayelitsha.

"Okwesibini, amaxabiso akufuneki abe sisithintelo esenza kungafikelelwa kwindawo apho ubutyebi busoyanyaniswa khona nobuhlanga. NjengoRhulumente wePhondo leNtshona Koloni siyayivuyela ingxoxo-mpikiswano emalunga nabantu baseDistrict Six, nemimandla efana ne-Bo Kaap ukuba ivuleleke kumntu wonke kunye namaxabiso omhlaba njengoko sifumene iindlela zokukuphendula oku."
Ukuba unayo nayiphi na imibuzo, qhagamshelana noClayton Wakeford ku- 082 827 8792 [cwakeford@pgwc.gov.za] okanye uRedi Direko ku-082 805 9119 [rdireko@pgwc.gov.za].




This content also available in English | Hierdie inhoud is ook beskibaar in Afrikaans

UVIMBA-MPEPHA WEENDABA


2009:       uJAN      uFEB      uMAR      uAPR      uMAY      uJUN     

2008:       uJAN      uFEB      uMAR      uAPR      uMAY      uJUN      uJUL      uAUG      uSEP      uOCT      uNOV      uDEC     

2007:       uJAN      uFEB      uMAR      uAPR      uMAY      uJUN      uJUL      uAUG      uSEP      uOCT      uNOV      uDEC     

2006:       uJAN      uFEB      uMAR      uAPR      uMAY      uJUN      uJUL      uAUG      uSEP      uOCT      uNOV      uDEC     

2005:       uJAN      uFEB      uMAR      uAPR      uMAY      uJUN      uJUL      uAUG      uSEP      uOCT      uNOV      uDEC     

2004:       uJAN      uFEB      uMAR      uAPR      uMAY      uJUN      uJUL      uAUG      uSEP      uOCT      uNOV      uDEC     

2003:       uJAN      uFEB      uMAR      uAPR      uMAY      uJUN      uJUL      uAUG      uSEP      uOCT      uNOV      uDEC     



Umxholo okweli phepha wagqibela ukuhlaziywa nge- 26 uMeyi 2005



Ingaba kukho nto ungayiqondiyo kwiintetho zaseburhulumenteni



| IMIBUZO? Sibuze nje wena: questions@capegateway.gov.za



Isigama Esinokusetyenziswa | uMgaqo-nkqubo Wemfihlelo | Ilungelo Lobunini







I-Cape Gateway yinkonzo karhulumente ejoliswe kubemi beNtshona Koloni, ebonelela ngolwazi ngorhulumente wedolophu, owephondo nowesizwe





