






UMPHANDLE|UBOMI BAKHO|IMIBA|USHICILELO|IZALATHISO |URHULUMENTE|IITHENDA|IMISEBENZI





English
|
Afrikaans
|
Malunga
|
Qhagamshelana
|
Uncedo
|
Funa nzulu  |



 





Umphandle > Izalathiso > Iinkonzo > Ezemfundo > Imfundo Noqeqesho Lwamacandelo > Icandelo Lemfundo Noqeqesho Kwakunye neRhafu Yophuhliso Lwezakhono

Icandelo Lemfundo Noqeqesho Kwakunye neRhafu Yophuhliso Lwezakhono




INKCAZELO:

Indlela Yophuhliso Lwezakhono ijolise ekuboneleleni ngesikhokelo sokuphuhlisa nokufezekisa izicwangciso-maqhinga zamacandelo nezeendawo zempangelo zokuphucula izakhono zabasebenzi.

Irhafu Yezakhono Zabasebenzi yingxenye yale nkqubo, rhafu leyo esisixa semali ekufuneka abaqeshi bayihlawule kwiSARS ngeenjongo zokuphuhlisa izakhono zabasebenzi babo.

Iirhafu ezihlawulwa kwiSARS zifakwa kwingxowa-mali eyodwa. Ama-80% ale mali isuka kule ngxowa-mali isasazwa ngokuthi yahlulelwe Amaqumrhu Ajongene Noqeqesho Nemfundo Yabasebenzi (iiSETA ngamafuphi) ze ama-20% aseleyo adluliselwe kwiNgxaowa-mali Yesizwe Yezakhono. La maqumrhu anikezela ngeenkxaso-mali kubaqashi abathi baqashe Umntu oza kujongana Nophuhliso Lwezakhono kuqeqesho lwabasebenzi. Le Ngxowa-mali Yesizwe Yezakhono ixhasa nhgezimali amaphulo ajongene neenkqubo zophuhliso lwezakhono ezingaqhutywa zezi SETA.

Umqeshi angafumana imbuyekezo efikelela kumashumi amahlanu ekhulwini nangaphezulu eerhafu ezihlawulwe yiSETA okanye yiNgxowa-mali Yesizwe Yezakhono ukuze loo mali isetyenziswe ekuqeqesheni nasekuphuhliseni izakhono zabasebenzi bakhe.
Iqumrhu Lesizwe Elijongene Nezakhono nelibeka esweni ukufezekiswa Kwesicwangciso-qhinga Sesizwe Sophuhliso Lwezakhono.


IMIYALELO:


* Ngubani ekufuneka ehlawule le rhafu?
* Ingaba kufuneka uhlawule malini?
* Uhlawula njani?
* Uyifumana njani iNkxaso-mali Yophuhliso Lwezakhono?
* Iinkcukacha zoqhagamshelwano


NGUBANI EKUFUNEKA EHLAWULE LE RHAFU?


Njengomqeshi, kufuneka uhlawule irhafu yophuhliso lwezakhono rhoqo ngenyanga, ukuba:

* Umbhalisile umqeshwa wakho kwi-SARS ngeenjongo zokuhlawula irhafu, naxa/okanye
* Uhlawula ngaphezu kwama-R250 000 ngonyaka kwimivuzo yabaqeshwa bakho (nokuba ababhaliswanga kwi-SARS).

YIMALINI EKUFUNEKA UYIHLAWULE?

Kufuneka uhlawule ipesenti enye yemali epheleleyo ehlawulwa kwimivuzo yabaqeshwa (kuquka nentlawulo yexesha elongezelelweyo, intlawulo yekhefu, imali eyongezelelweyo, imali yesibonelelo kulowo ebenze umsebenzi kunye nentlawulo yezixa-mali).

UHLAWULA NJANI?

Ukuze uhlawule kufuneka ubhalise kwi-SARS uze uhlawule irhafu nyanga zonke. I-SARS iza kunika iifomu ezifanelekileyo ukuba uzizalise (ii-SDL 201 ezizifomu zokubuyiselwa). Irhafu kufuneka ihlawulwe kwi-SARS phambi kweentsuku ezisixhenxe emva kokuphela kwenyanga nganye.

UYIFUMANA NJANI INKXASO-MALI YOPHUHLISO LWEZAKHONO?

Ungayifumana imbuyekezo kwiSETA okanye ke kwigxowa-mali Yesizwe Yezakhono ukuze uyisebenzisele uqeqesho nophuhliso lwezakhono zabaqeshwa bakho. Ukuze ube ukulungele ukufumana iNkxaso-mali Yophuhliso Lwezakhono, kufuneka:

* Ube uzihlawule iirhafu Zophuhliso Lwezakhono.
* Ube unaye umntu oza kujongana Nophuhliso Lwezakhono.
* Uthobele yonke imithetho nemimiselo ekulo Mthetho.

IINKCUKACHA ZOQHAGAMSHELWANO

Ukuze ube nokufumana ulwazi oluthe vetshe, qhagamshelana Nequmrhu Lesizwe Lezakhono kwiSebe Lemicimbi Yabasebenzi:

Private Bag X9090, eKapa, 8001
Room 1207, 12th Floor, Kwa-120 Kwisitalato iPlein, eKapa, 8000
Inombolo yomnxeba: 021 461 6030
Ifeksi: 021 462 2832
Okanye ke uqhagamshelane ngqo nabanye babalawuli kuqeqesho kushishino.

IBONELELWA LISEBE:



ICANDELO LIKARHULUMENTE:

Isebe Lezabasebenzi (The Government of South Africa)





This content also available in English | Hierdie inhoud is ook beskibaar in Afrikaans

YAYAMENE

* Skills Development Act, 97 of 1998 (as amended) (UMthetho) (File type: pdf; size: 367 KB) (ifumaneka ngesiNgesi kuphela)



Umxholo okweli phepha wagqibela ukuhlaziywa nge- 20 uEpreli 2005



Ingaba kukho nto ungayiqondiyo kwiintetho zaseburhulumenteni



| IMIBUZO? Sibuze nje wena: questions@capegateway.gov.za



Isigama Esinokusetyenziswa | uMgaqo-nkqubo Wemfihlelo | Ilungelo Lobunini







I-Cape Gateway yinkonzo karhulumente ejoliswe kubemi beNtshona Koloni, ebonelela ngolwazi ngorhulumente wedolophu, owephondo nowesizwe





