






UMPHANDLE|UBOMI BAKHO|IMIBA|USHICILELO|IZALATHISO |URHULUMENTE|IITHENDA|IMISEBENZI





English
|
Afrikaans
|
Malunga
|
Qhagamshelana
|
Uncedo
|
Funa nzulu  |



 





Umphandle > Izalathiso > Iinkonzo > Ezempilo > Uncedo Lokubuyisela Kwisimo Sesiqhelo > Amacebo Okunceda Izigulane

Amacebo Okunceda Izigulane




INKCAZELO:

Le nkonzo ijolise ekuboneleleni, ekuyaleleni, ekulungiseni nasekusetyenzisweni kutsha kwezixhobo zokuncedisana nabagulayo, zixhobo ezo zifana nezitulo ezinamavili, izixhobo zokuhamba kunye nezixhobo zokuncedisana nabangevayo, abazifunayo ezo zixhobo.

Kukho amaziko aliqela kwiinqila anezixhobo zokuncedisana nabagulayo nalapho ezo zixhobo zinokulungiswa khona:
* KwiMetropole- IsiBhedlele sase-Conradie kwiSixeko saseKapa
* Iziko lokubuyisela izigulane kwimo yesiqhelo, iBoland /Overberg - Bravelskloof Rehabilitation Centre
* Kukho amaziko amathandathu kummandla woNxweme oluseNtshona/kummandla we-Winelands, nakwezi zibhedlele zilandelayo: I-Stellenbosch, Paarl, Citrusdaal, Clanwilliam, Vredendal ne-Vredenberg.
* UMzantsi Kapa/Karu unamaziko amahlanu: E-George, Oudtshoorn, Beaufort-West, Plettenberg Bay nase-Mossel Bay.

Ngokubanzi, izixhobo zokuncedisana nabagulayo zinqongophele kulo lonke eleNtshona Koloni. Iinkonzo zidla ngokuthembela kwizipho zezixhobo ezindala nokuthengwa kwezixhobo ezintsha.


IMIYALELO:

Ukuze ube nokufumana isitulo esinamavili, okanye inqwelwana yokukhwelisa abantwana, kufuneka uye kwiziko lonyango lenqanaba lokuqala lona libonelela ngaloo nkonzo. Uya kuvavanywa yingcali kwezengxaki zokugula okuchaphazela umsebenzi, ingcali kwezeengxaki zomzimba, kunesi wezamathambo ojongana nabachachayo ze emva koko kube nokwenziwa isigqibo malunga nesixhobo sokuncedisana nabagulayo esifanelekileyo.

Usenokuthunyelwa kwiziko iWestern Cape Rehabilitation Centre ukuze ufumane isitulo sezigulane esenzelwe wena ngokweemfuno zakho, esihambelana nendlela ohlala ngayo phantsi.
Abaqalayo ukuya kwikliniki okanye kwisibhedlele senqanaba lesibini okanye kwisibhedlele senqanaba lesithathu baya kucelwa ukuba bagcwalise ifom baze bavulelwe ifayili. Yiza nencwadi-sazisi yakho, okanye ukuba ngumntwana makuziwe nekhadi i-Road to Health Card yakhe. Ukuba ufuna isixhobo sokuncedisana nogulayo kufuneka undwendwele unesi wezamathambo okanye ingcali yeengxaki zomzimba/ingcali yeengxaki zezigulo zasemsebenzini kwikliniki ekufutshane nawe okanye kwiziko lezempilo lasekuhlaleni/kwisibhedlele sesithili.

IBONELELWA LISEBE:



ICANDELO LIKARHULUMENTE:

Isebe Lezempilo (uRhulumente Wephondo leNtshona Kapa)


IXABISO:

Isitulo esinamavili singabiza ama-R395, situlo eso sinokusetyenziswa ubomi besigulane bonke. Inqwelwana yokukhwelisa umntwana yona ingabiza ama-R25 kwaye kufuneka ibuyiselwe embusweni xa ingasafuneki. Loo nqwelwana iya kuthengiselwa omnye umntu kodwa ngexabiso eliphantsi. Zonke izixhobo ezingamacebo oncedo zingahlawulwa ngokweentlawulo zenyanga. Kulandela isibhengezo soMphathiswa wezeMpilo uManto Tshabalala-Msimang esithi umgaqo-nkqubo wononophelo lwempilo simahla kubantu abakhubazekileyo uza kuqala ukusebenza ngomhla woku-1 kweyeKhala, ngo-2003. Oku kwambathisa ukundwendwela kwezigulane ezibhedlele nokulaliswa kwazo, yaye kuquka nezixhobo zoncedo kubantu abakhubazekileyo ezifana nezitulo ezihambayo zezigulana nezixhobo zokuva kwabo bangevayo. Le nkonzo ifumaneka simahla iya kuquka abantu abakhubazeke isigxina, nto leyo eyenze ukuba kube nzima kakhulu ukuphila ubomi ngendlela eqhelekileyo, abantu abakhulu abathatyathwa njengabangenamandla, kwakunye nezigulana zexesha elide kumaziko ononophelo lwempilo yengqondo. Iindlela zokuvavanya nokuba kanye kanye oku kuya kwenziwa njani zisephantsi kophando.




This content also available in English | Hierdie inhoud is ook beskibaar in Afrikaans

YAYAMENE

* Unonophelo Lwempilo Yabantu Abadala (IiNkonzo)
* Iinkonzo Zokunyangela Ukubuyela Kwimo Yesiqhelo (IiNkonzo)
* Donating Wheelchairs to the Western Cape Rehabilitation Centre (WCRC) (Izikhokelo/Incwadi yezikhokelo/Imiyalelo) (ifumaneka ngesiNgesi kuphela)



Umxholo okweli phepha wagqibela ukuhlaziywa nge- 9 uFebruwari 2006



Ingaba kukho nto ungayiqondiyo kwiintetho zaseburhulumenteni



| IMIBUZO? Sibuze nje wena: questions@capegateway.gov.za



Isigama Esinokusetyenziswa | uMgaqo-nkqubo Wemfihlelo | Ilungelo Lobunini







I-Cape Gateway yinkonzo karhulumente ejoliswe kubemi beNtshona Koloni, ebonelela ngolwazi ngorhulumente wedolophu, owephondo nowesizwe





