﻿






UMPHANDLE|UBOMI BAKHO|IMIBA|USHICILELO|IZALATHISO |URHULUMENTE|IITHENDA|IMISEBENZI





English
|
Afrikaans
|
Malunga
|
Qhagamshelana
|
Uncedo
|
Funa nzulu  |



 





Umphandle > Izalathiso > Iinkonzo > Ezempilo > Ezomlomo & Namazinyo > Amazinyo/ nempilo echazwa ngomlomo

Amazinyo/ nempilo echazwa ngomlomo




INKCAZELO:

UMbuso ubonelela ngeenkonzo zonyango lwamazinyo nolomlomo kubemi beli ngeenjongo zokuphucula impilo yamazinyo, ukunqanda ukubola kwamazinyo futhi kunyangwe naziphi na iingxaki.

* Zeziphi iinkonzo zamazinyo ozifumanayo?
* Ukubola Kwentsini
* Isifo esisemlonyeni
* Iyeza lokubulala iintlungu
* Ukophuka kwemihlathi
* Ngubani omakafumane inkonzo yenkxaso yokufakelwa amazinyo?
* Ukuvuselela nokuthintela


ZEZIPHI IINKONZO ZAMAZINYO OZIFUMANAYO?


Inkonzo yamazinyo yempilo echazwa ngomlomo iineenxenye ezintathu kulondozo olukumgangatho osisiseko ( iikliniki zokuqala zolondolozo lwempilo): ukuvuselela, ukunqanda nokunyanga. Kwezinye iindawo zephondo (umz. iMossel Bay) ezi nkonzo zifana nezi ziyafumaneka kwizibhedlele zasekuhlaleni.

Iingcali zempilo yomlomo kumgangatho wekliniki zikhuthaza impilo yomlomo ngokufundisa abantu ngendlela yokugcina imilomo yabo, iintsini, namazinyo ekwimpilo entle, zize zibabonise nangendlela yokuthintela ukubola kwamazinyo nezinye iingxaki zomlomo.

Iinkonzo zonyango ezisisieko ezikhoyo zezengxilingo yomlomo, ezogesi(xray) eziskali nezokucoca amazinyo ukuze kusuke ukubola nokunqanda ukubola kwentsini, ukuwavala xa enemimgxunya nokunyanga iintlungu ezingxamisekileyo nokudumba okudibanisa nokukhutshwa kwezinyo.Into yemboleko egquma izinyo elaphukileyo nendawo ehlala amazinyo emboleko ziyafumaneka kodwa ayizizo izinto zokuqala.

UKUBOLA KWENTSINI

Isigulana sinokunyangelwa ukubola kwentsini ( periodontitis) ekliniki. Kananjalo sikhona nesifundo senzululwazi yesifo somlomo -ukwenzakala nezilonda kwizihlunu ezithambileyo ezisemlonyeni ezibangelwa kukutshaya okugqithisileyo, ukunxila okanye ukosulelwa sisifo sikaGawulayo.-isigulana sisengozini yokufumana umhlaza, size sisiwe kwisibhedlele esikudidi lwesithathu.

ISIFO ESISEMLONYENI

Abantu abanesifo sika Gawulayo kunye nabo banoGawulayo babanesifo somlomo. Esi ke sisilonda esivulekileyo okanye, ukwenzakala emlonyeni iDuflucan , iyeza lokunyanga isifo somlomo lifumaneka fele-fele kwikliniki zokuqala zononophelo lwempilo.

IYEZA LOKUBULALA IINTLUNGU

Izigulana zinganikwa iyeza lokudoma kulungiselelwa iingxaki zamazinyo nezomlomo kwiikliniki zasekuhlaleni. Xa kufuneka i yeza lokudoma jikelele , kufuneka ugqirha wamazinyo alalise isigulana eso kwigumbi loqhaqho lwesibhedlele sasekuhlaleni aze ugqirha wamazinyo amkhuphele apho lo mazinyo. IHope Street Clinic eKapa yiyo yodwa apho kukho, ugqirha ofaka isibulali-ntlungu ( general aesthetic).

UKOPHUKA KWEMIHLATHI

Ukophuka kwemihlathi yangasentla ( okudla ngokubangwa ngumlo wekhaya okanye yingozi yemoto) kuza kudluliselwa kwizibhedlele ezikwinqanaba eliphakathi nelikwelesithathu. Ukophuka kwemihlathi okungenzimanga kuza kujongwa kwizibonelelo zolondolozo lwempilo yekliniki lokuqala. Ezinzima kakhulu ziza kusiwa kwizibhedlele ezikumgangatho ophakathi nokowesithathu.

NGUBANI OMAKAFUMANE INKONZO YENKXASO YOKUFAKELWA AMAZINYO?

URhulumente wePhondo unika inkonzo yokufakela amazinyo kubantu abadala abasokolayo , nakwabo bafumana imali yenkam-nkam nabo bahlala kumakhaya abantu abadala. Kukho nemali ebhatalelwa ukusetyenziswa kwelebhu.

Abantu abaneengxaki zokulungisa amazinyo nemihlathi bangabonwa kumancedo ononophelo lwempilo yokuqala kodwa ke bangasiwa kwisikoko sokufunda ngezamazinyo kwiYunivesithi yaseKapa neSibhedlele iTygerberg.

Iqela lempilo yasezidolophini lidibanisa ugqirha wamazinyo, nomncedisi wakhe nomntu onika impilo ngomlomo, kwiikliniki zasezidolophini..Imeko yohlukile ke kwimimandla esezilalini ebikhe yandwendwelwa liqela elinezixhobo zokukhupha amazinyo eli jikelezayo . Ezi zixhobo zingasetyenziswa njengenkonzo kaxakeka / engxamisekileyo, ingakumbi ezikolweni.

UKUVUSELELA NOKUTHINTELA

Inkqubo yokuvuselela nokuthintela iquka ukundwendwela ngabasebenzi bempilo kwizikolo zabangekaqali nakwiizikolo zabaqalayo . Ingcaciso enikwa ngomlomo kwanaleyo inxulumene nayamazinyo nemfundo inikwa oomama abakhulelweyo njengenkonzo ephambi kokubeleka.

Abantwana bezikolo zamabanga abasaqalayo bafundiswa ngemfuno yokuthintela ubolo nendlela yokulususa nangendlela efanelekileyo yokuxukuxa / vasa amazinyo.Banikwa intlama neebrashi zokuvasa amazinyo.Banikwa nentlama yokuxuxa njengenxenye yeFluoride Supplementation Programme. IFluoride iqinisa amazinyo iwancede angaboli. Abantwana bafundiswa nangendlela yokutya ukutya okunika impilo eza kubanceda bathintele ukubola kwamazinyo.
IKapa yiyo yodwa idolophu ecoca amanzi ngechiza eliyifluoride ngokweMigaqo ephantsi koMthetho wezeMpilo wowe-1977( uMthetho 63 wowe-1977) uMphathiswa wezeMpilo edibene noMphathisa wezeMicimbi yaManzi bavumelene ngokudibeneyo nalemigaqo.


IMIYALELO:

Inkonzo ifumaneka kuzo zonke iikliniki namaziko olondolozo lwempilo yokuqala.Izigulana ezineengxaki ezinobuzaza ziza kusiwa ezibhedleleBaza kucelwa bazalise iifomu baze bavulelwe iifolda abantu abaqalayo ukutyelela iikliniki/ izibhedlele ezikumgangatho wesibini nowesithathu. Kuza kufuneka umntu eze nencwadi yakhe yesazisi. Kuza kufunwa ileta ekuthumela esibhedlele xa usiya kuso. Izibhedlele ziza kufuna isijungqe sokwamkela sakho senyanga yokugqibela okanye uxwebhu lokwamkela (IRP5) xa usiza esibhedlele.Kuza kufuneka uze nekhadi lakho xa ubukhe waya esibhedlele.

IBONELELWA LISEBE:



ICANDELO LIKARHULUMENTE:

Isebe Lezempilo (uRhulumente Wephondo leNtshona Kapa)


IXABISO:

Awubhatali mali xa usiza kumgangatho wokuqala wolondolozo lwempilo. Kodwa xa uthe wathunyelwa esibhedlele kufuneka ubhatele.Imali ke iza kuxhomekeka kumvuzo owamkelayo okanye kubantu abaxhomekeke kuwe.




This content also available in English | Hierdie inhoud is ook beskibaar in Afrikaans

YAYAMENE

* Water Fluoridation (IiNkcukacha Zoluntu) (ifumaneka ngesiNgesi kuphela)
* Regulations on Fluoridating Water Supplies (UMmiselo) (File type: pdf; size: 498 KB) (ifumaneka ngesiNgesi kuphela)
* National Policy for Oral Health in SA (Umgaqo-nkqubo) (File type: pdf; size: 265 KB) (ifumaneka ngesiNgesi kuphela)



Umxholo okweli phepha wagqibela ukuhlaziywa nge- 10 uFebruwari 2006



Ingaba kukho nto ungayiqondiyo kwiintetho zaseburhulumenteni



| IMIBUZO? Sibuze nje wena: questions@capegateway.gov.za



Isigama Esinokusetyenziswa | uMgaqo-nkqubo Wemfihlelo | Ilungelo Lobunini







I-Cape Gateway yinkonzo karhulumente ejoliswe kubemi beNtshona Koloni, ebonelela ngolwazi ngorhulumente wedolophu, owephondo nowesizwe





