Tyres 1 (Maize) (600)								English



Amathayara: amacebiso axabisekileyo okuqhuba



Instructions: 

Folio strap: Amathayara

Byline: Inqaku lakwaGoodyear

Photos: Part 4 pic and 11 Optitrac DT818

Use Goodyear logo



Ukuyazi indlela yokuzuza okukona kubalaseleyo kumathayara efama yakho ngezenzo zakho akuniki kuphela igalelo kukhuseleko olomeleleyo kodwa kukwanciphisa iindleko zokusebenza kuze kunciphise nomonakalo emhlabeni nasezityalweni



Ukuqhuba efama kuya kuzisa uluhlu olupheleleyo lweemeko zokusebenza – yonke into ukususela ekulimeni amasimi ukuya ekutsaleni iinqwelo ezirhuqwayo kwiindlela ezifakwe itha. Ngokokwahluka kwezi meko, kukho imithetho ethile ebalulekileyo elandelayo.



Malunga namathayara, amanye kumanqaku asentloko angqamanisa uhlobo lwethayara kwindawo ekujoliswe kuyo (udaka, isanti ethambileyo, njl.njl.), ngokwesiseko sezikhokelo zomenzi wesithuthi malunga nobukhulu bethayara, imigqaliselo kananjalo okubaluleke kakhulu, ukuqhelanisa ukuzala kwethayara ngokomthwalo nendima esetyenzwayo.



Kaloku ngumoya nje okwithayara kuphela onika isakhono sokunyamezela umthwalo, kanti abenzi bamathayara abafana nabakwaGoodyear baqikelela izantya zomthwalo ezizezona zikhulu ngethayara ngalinye, ngokwemida yesantya esingqalileyo. 



Ukungqamanisa ukuzala kwethayara nomthwalo 

Ukulayisha isithuthi kakhulu ngaphandle kokulungelelaniswa koxinzelelo lomoya kuya kubanga umonakalo nokuxozeka okukhulu kwethayara, ukuze oko kunciphise ngamandla umgangatho walo wokusebenza kunye nethuba lalo lokuphila.



Ithayara elilayishwe kakhulu nokuba linomoya omncinci liya kutyeka, okanye ligobe, kanobomi phantsi kwezi meko, linokude licandeke kwindawo ephezulu kudonga olusemacaleni, ukuze lonakale msinyane emagxeni akwicala langaphandle. Xa empontshwe kancinci ngokungalinganiyo okanye ingamathayara anqamleziswe iintambo aba sesichengeni ngakumbi samaqhina xa ephantsi kweemeko zokuqhuba eziwajijayo, ngokwenza njalo konakale isiqu sethayara. Kanti uxinzelelo olusezantsi kakhulu nalo lunokukhokelela ekuphuncukeni kwethayara kwirim yalo, kukrazuke ivalvu ukuze iphume kumathayara anetyhubhu ngokwenza njalo konakala ngokubanzi amajikojiko ethayara.



Kwelinye icala, ukumpompeka kakhulu kulenza ngqukuva kakhulu ithayara, ukuze ukonakala kwenzeke ngakumbi esizikithini. Oko kukwanciphisa indawo yethayara edibana nomhlaba ukuze oko kuchaphazele ukutsaleka ngendlela engafanelekanga lo gama kusanda ithuba lokutshebeleza kwevili nto leyo eyonakalisa imisonto ize ikrazule umhlaba.



Ukuba unyanzelekile ukuqhuba itrektara kwithambeka lenduli, uxinzelelo lokuzala kwamathayara malunyuswe kude kube ngama-30 pesenti ukusuka kuxinzelelo olusisiseko (kuxhomekeke kwithambeka) ukuze kufumaneke uzinziso oluthe chatha. Oku kubhekiselelwa kumathayara angasemva kuphela – ithayara lethambeka elehlayo elihamba lodwa ukuba kuqhutywa kubhekiswa kwicala elinye, okanye kuwo omabini ukuba asebenza ngokubolekisana ngamacala asingise kuwo.



Kubaluleke kakhulu ukukhumbula ukunika inkxaso kuxinzelelo olunciphayo okanye olwandayo xa utshintsha iimeko zokusebenza, njengokuxhuzula inqwelo erhuqwayo okanye isixhobo sokusebenza, okanye xa uqhuba kwindlela enetha ngesantya esiphezulu.



Ukudada phezulu nokugangatheka

Xa uxinzelelo lomoya luxhalabisa, ukusebenza ngethayara lwezixa zomoya ezahluka-hlukeneyo kunokuba neempembelelo ezahluka-hlukeneyo ezinkulu ekubambeleleni nasemhlabeni. Njengoko umhlaba osezantsi, izakhiwo zezityalo nezeengcambu zibaluleke ngakumbi, kucetyiswa ukuba kusetyenziswe ithayara elikhulu noko (ngokobubanzi kunye/okanye ngokwesangqa) elisebenza kuxinzelelo olusezantsi.



Oku kuya kwenza ukuba isithuthi sikwazi ukuthwala umthwalo olinganayo nalowo wethayara elincinane elikuxinzelelo oluphezulu, kodwa libe linciphisa ukuqingqa intsele enzulu emhlabeni, okanye oko kwaziwa ngokuba kukugangatheka.



Kwangaloo ndlela, kummandla onesanti eninzi obu bume bethayara buya kuvumela ukutsaleka okomeleziweyo njengoko ithayara lisasaza umthwalo kwindawo enkulwana ukuze ‘udade’ ngempumezo phezu komhlaba kunokuba litshone ngenxa yawo.



Ukusebenza ngemo yokuqhuba ngamavili amane (ukuba akhona) kuyacetyiswa kwiimeko zokubambelela okuyekeyeke, kodwa makuthintelwe kwimigaqo enetha okanye kwimiphezulu yegrabile erhabaxa kakhulu njengoko isenza ukonakala okungalungelelaniyo kwamathayara angaphambili, oko kwenza ukuba isithuthi singajikajikeki ngokwaneleyo ukuze oko kubeke udandatheko olongezelelweyo kwiinxalenye zesithuthi.

