Study Groups (Maize)									Xhosa



Yintoni injongo yeqela lofundo-nzulu?

	

Imiyalelo:

Folio strap: Amaqela Ofundo-nzulu

Byline: NguJane McPherson, umphathi wenkqubo yakwaGrain SA yeNkqubo yoPhuhliso lwamaFama

Photo

 

Omnye wemisebenzi eyilwayo obalulekileyo kwiNkqubo yoPhuhliso lwamaFama kukusekwa nokunikwa kweenkonzo zamaqela ofundo-nzulu.



Injongo yalo msebenzi uyilwayo kukukhuthaza abavelisi abasaphuhlayo, abanofikelelo emhlabeni, ukubumba amaqela ofundo-nzulu adibana rhoqo ukuze afikelele kuqeqesho nakulwazi olunxulumene neshishini lombona. 



Amaqela ofundo-nzulu alandelayo athe asekwa aza anikwa iinkonzo ebudeni bonyaka:

UTonie Loots eMntla-Ntshona – 25 amaqela ofundo-nzulu;

UAmos Njoro, eMntla-Ntshona naseGauteng – 21 amaqela ofundo-nzulu; 

UJerry Mthombothi eMpumalanga – 33 amaqela ofundo-nzulu; 

UJohan Kriel eFree State – 25 amaqela ofundo-nzulu; kananjalo 

ULawrence Luthango (osebenze ukususela ngoMeyi 2008), eMpuma-Koloni – 14 amaqela ofundo-nzulu. 



Kushukuxwe izihloko ngezihloko ezintlanganisweni namaqela ofundo-nzulu, ezibandakanya ezilandelayo: 



Imihlaba nokufakwa kwezichumiso

Ukuhlalutywa kweesampulu zomhlaba, indlela yokusebenzisa ibhola yasemhlabeni, ubunzulu bomhlaba, ukugangatheka komhlaba, umhlaba ongaphantsi olukhuni, ukufakwa kwekalika emhlabeni, iziphumo zovavanyo lomhlaba, ubumuncu bomhlaba, isakhono somhlaba, ukufakwa kwesichumiso, iimfuneko zezondlo zezityalo, ubukho bezondlo kule mihlaba, iindlela zokuhlakula nolondolozo lokufuma.



Imveliso

Iimali-mboleko zabavelisi – okuhamba nokuboleka imali, isicwangciso semali, iindleko zemveliso, iingqikelelo zesivuno, imihla yokutyala, ubunzulu bokutyala, iintlobo ngeentlobo, amanani ezityalo, iimpembelelo zemozulu kwimveliso yesityalo, amaqondo emilinganiselo ezitshizi nawezixhobo zokutyala, ukujikeleziswa kwezityalo, ukusetyenziswa kwababhambathiswa ngendlela encomekayo, ukuvuna, isiqulatho sokufuma ngokweentlobo zezityalo eziziinkozo, ukulondolozwa kombona, iindleko zothutho, indlela yokuthenga amagalelo ngobulumko, ixabiso lentsalela yesityalo, ukuthengisa izityalo eziziinkozo, izibonelelo kunye nenkxaso evela kurhulumente.



Iitrektara, izixhobo noomatshini

Iindleko zemisebenzi, iimfuneko ze-kW zeentlobo ngeentlobo zezixhobo, iindleko zokukhanda, iimfuneko ze-kW ngehektare nganye, ukuhlakula okuncitshisiweyo ukwenzela ulondolozo lweendleko neemvumelwano zokuthenga ngetyala.



Umhlaba nemibandela yomhlaba

Indlela yokufikelela emhlabeni, izibalo zendawo, ukuqesha imihlaba, ukuhlelwa komhlaba nendlela yokuphatha abangcuchalazi emhlabeni lowo.



Izinambuzane ezibulala izityalo kunye neziFo

Ukutshatyalaliswa kombungu osikayo emhlabeni nokutshatyalaliswa kwempehla egqobhoza isikhondo.



Ukhula

Iintlobo zokhula, ukutshatyalaliswa kokhula ngemichiza nangoomatshini, ukutshatyalaliswa kwengca eselukhuleni, imichiza etshabalalisa ukhula lwaphambi nasemva kokuhluma nokutshiza emqolweni okanye kwintsimi iphelele.

 

Ulawulo lwemingcipheko

Umonakalo wesichotho, i-inshorensi yesichotho, i-inshorensi ehlanganiselweyo kunye neemfuneko zeinshorensi.







