Mechanisation 									Xhosa

Izixhobo: ezizezakho, oziqeshileyo okanye nezangaphandle?



Instructions: 

Folio strap: Ukusebenzisa oomatshini

Byline: Liqhelaniswe ukusuka Kwincwadi Yoqeqesho Yeshishini Lezolimo nguJane McPherson



Umlimi wanamhla usoloko ezabalazela isakhono esithe chatha nesincomekayo malunga nokusetyenziswa okukuko kweetrektara, oomatshini bokuvuna noomatshini abanxulumeneyo. 



Oku yinyaniso yenene xa kubhekiselelwa kwimisebenzi yokulima. Iziganeko zophuhliso zanamhla malunga noomatshini abatsha, abanokubonwa ngoSuku loKuvuna lweNAMPO ngonyaka ngamnye, zibonisa umkhwa wokwanda kwesantya se-horsepower okanye se-kilowatt soomatshini abaqhutywa ngenjini basefama. Oku kubandakanya ubukhulu nesakhono soomatshini, nokuba yitrektara, umenzi ozinikeleyo we-silage eziqhubayo, ikhuba elitsalwa ngesixhobo elenza imiqolo emininzi okanye amakhuba ezikotile ezinezithuba ezibanzi.



Iindleko zokuba noomatshini abangabakho nokuthenga abanye endaweni yabadala, ngokunjalo imisebenzi neendlela zokulima zanda ngokukhawuleza. Iindleko zokungahlakuli kwangethuba zisenokuba sisityalo esiphosakeleyo okanye isivuno sesityalo esinganeno kwesiqhelekileyo.



Ukuze sifikelele kumanqanaba esijolise kuwo emveliso yesityalo nezinye iimveliso njengoko kuchazwe kwisicwangciso somsebenzi wokufama, ukwenzela ukusetyenziswa kwemithombo yobutyebi neyezemali ekujoliswe kuyo, kubalulekile ukwenza isicwangciso esingqonge isakhono sezixhobo ezikhoyo. Emva kokugqitywa kokubala izixhobo ezikhoyo umfama uya kuba elwazi udidi nobukhulu beetrektara ezikhoyo kunye nesantya se-kilowatt setrektara nganye. 



Ubukhulu beetrektara kunye nesakhono sazo sokutsala okanye isiphumo somsebenzi kufuneka zihlalutywe kunye nobukhulu nesakhono sezixhobo ezikhoyo. Emva kokuba oku kwenziwe, isiphumo malunga nexesha elithatyathwe ngokulima, ukukrazula umhlaba, ukuwuqhekeza, ukulima nokutyala kunokulinganiswa. 



Umfama unako ke ngoko ukwenza izigqibo eziliqela zokuba ingaba unazo na izixhobo ezaneleyo okanye akunjalo. Kuseokufuneka ukuba athenge isakhono esongezelelweyo okanye aqeshe ababhambathiswa ukwenza imisebenzi ethile esentloko. Umzekelo, kusenokonga imali ngakumbi ukuqesha umbhambathiswa, onetrektara enkulu nesixhobo esingqinelanayo, sokulima okwenziwa kuqala, ukukrazula umhlaba nzulu okanye imisebenzi yokuwuqhekeza. Umfama unako ukugqibezela imisebenzi elandeliswayo yokuhlakula ngokusebenzisa isixhobo esisesakhe nesincinci xa kunokwenzeka. (Nceda bhekiselela “Kwizifundo Ngababhambathiswa” ngolwazi oluthe chatha.) 



Umfama makenze isigqibo phakathi kokuba ngumnini wazo zonke izixhobo ukuze agqibezele imisebenzi ecwangciselweyo kuselithuba, ukuqesha izixhobo ezisecaleni ezifunekayo okanye ukusebenzisa ababhambathiswa. Iindleko ezisisigxina zobunini zazo zonke izixhobo, ngakumbi malunga namafama asaqalayo, ngokwemigqaliselo yokuhla kwamaxabiso, iirafu, ikhusi, i-inshorensi nenzala mazithathelwe ingqalelo. Uxanduva lwezemali olukwishishini lokuhlawula imali-mboleko eyenziwe ngenjongo yokufumana izixhobo ezongezelelweyo alufuneki kwaye lubeka ishishini esichengeni esikhulu sengxaki yemali. Nangona kunjalo, ukunngophala kwezixhobo kusenokuthetha ukungazifumani izityalo ezityaliweyo okanye ezivunwayo ngexesha elifanelekileyo.



