Measurement (OPOT) 									Xhosa



Imbewu nesichumiso –

khumbula ukulinganisa! 



Imiyalelo:

Folio strap: 

Byline: Ulwazi lufunyenwe kuluhlu lwezifundo zoBhambathiso kwezoLimo

Photos: 	

Isikhuhli 

Umnwe 

Ipleyiti

Isitsibisi sesichumiso

Intshukumo yesichumiso

Ukuqhuba

I-auger okanye isikrufu

Indlela yokuphuma kwesichumiso

Ityhubhu esisikhokelo

Isitsibisi sembewu

Isango elitshebelezayo (linyuka lisehla)

Umphembeleli

Idiski ejikelezayo

Ivili lenkwenkwezi

Ivili lohlobo olulodwa lokuqhuba umxokomelwano we-meter 

Amavili oxinzelelo asetyenziswa njengamavili okuqhuba 



Iindlela zobuchule nezisisiseko sokulinganisa imbewu nesichumiso



Ukulinganisa imbewu ngohlobo lwe-meter – izixhobo zokutyala eziyipleyiti

Kusetyenziswa iindlela ezahluka-hlukileyo zokulinganisa imbewu ngohlobo lwe-meter ukuqinisekisa izithuba ezichanekileyo phakathi kwembewu. Esona sixhobo siqheleke kakhulu yipleyiti nohlobo olungumngxum (oluboniswa ngezantsi).



Idiski yokulinganisa ngohlobo lwe-meter inesangqa semingxuma, ingulowo mkhulu nje ngokwaneleyo ukulingana iqhekeza lembewu enye ngexesha elinye. Xa idiski ijikeleza, itshebelezela kwipleyiti esisiseko, yona enomngxuma omnye kuphela. Inxalenye yediski igqunyiwe kwaye esi sigqumathelo sinesikhuhli sokukhuhla nayiphi imbewu engafunekiyo esanamathele phezu kwembewu esemngxunyeni,  lo gama idiski ijikelezayo. Kananjalo phakathi kwesigqumathelo kukho umnwe othwele isipringi, otshebeleza kwidiski ukuze utyhalele imbewu ngaphandle komngxuma njengoko imbewu idlulela ngaphaya kwendlela yokuphuma kwipleyiti esisiseko ngezantsi kwediski. Ubume nobukhulu bemingxuma yediski bubalulekile ukuze kuqinisekiswe ukuba liqhekeza lembewu enye kuphela eliya kungena emngxunyeni  nokuthintela imbewu ukuba inganamatheli lo gama kulindeleke ukuba iwe. 



Ukulinganisa imbewu ngohlobo lwe-meter – izixhobo zokutyala emoyeni 

Zimbini iintlobo zezixhobo zokutyala emoyeni – esinye sinoxinzelelo olutsalayo  (sifunxa ukuze kwenzeke isithuba esithi sitsalele imbewu ngasemngxunyeni). Ubukhulu bembewu abubalulekanga njengezixhobo zokutyala eziyipleyiti – isithuba esidalekileyo sifunxela imbewu ngasemngxunyeni, kungakhathaliseki ukuba bungakanani ubukhulu bembewu. Isixa sembewu etyaliweyo sixhomekeke kwisantya sepleyiti ejikelezayo.



Ukulinganisa isichumiso

Uhlobo lwe-meter nge-Auger

Esona sixhobo sixhaphakileyo sokulinganisa nge-meter yi-auger okanye uhlobo lwesikrufu. I-auger isemazantsi esitsibisi sesichumiso. I-auger ikholisa ukujikeleziswa lityathanga eliqhubayo ukusuka kwivili eliqhubayo lomhlaba. Njengoko ijikeleza, isichumiso sibambeka phakathi kwezixhobo zeefluti ze-auger ze zikrwele ukuya ngasekugqibeleni kwisiphelo sesitsibisi. 



Indlela ekuphela kwayo yokulungelelanisa uhlobo lwe-meter kukuguqula amazinyo amavili amatyathanga phakathi kwevili eliqhubayo ne-auger. 



Ukulinganisa ngediski

Isixhobo sokulinganisa ngediski sithandwa kakhulu  kwizixhobo zokutyala ezingenabugocigoci nezinexabiso eliphantsi. Ukulinganisa ngediski asisosixhobo sokulinganisa nge-meter esixinzelelayo. Kakhulu, isichumiso siqukuqela siphume ngesitsibisi sesichumiso kodwa sincedwa ngumjikeleziso wediski. Umphembeleli luqolo kwidiski kananjalo uvunguzelisa isichumiso ukuze oko kusincede ukuba sishukume ukuya ngaphandle. 



Okunye ukumisela kuphunyezwa ngokulungelelanisa umlomo wesango elitshebelezayo. 



Ukulinganisa ngevili lenkwenkwezi

Isixhobo sokulinganisa ngevili lenkwenkwezi naso ngumxokomelwano oxinzelelayo wohlobo lwe-meter.



Ivili lenkwenkwezi lihlala ngaphakathi kwesitsibisi ngendlela eyenza ukuba iminwe ijikeleze ngokungaphelelanga ngaphandle kwesitsibisi. 



Phakathi kwesitsibisi, isichumiso sibambeka phakathi kweminwe yevili, kwaye xa sijikeleza, isichumiso sitsalelwa ngaphandle kwesitsibisi siwele kwityhubhu yesikhokelo. 



Ukulinganisa nge-meter kwevili lenkwenkwezi kunokumiselwa ngeendlela ezintathu:

Ukuguqula amazinyo amavili etyathanga eliqhubayo ukuze ivili lijike ngokukhawuleza okanye ngokucotha okuthe chatha. 

Ukuguqula ivili lenkwenkwezi ngelinye leminwe emide kratya okanye emifutshane ngokuthe chatha. 

Amanye amavili enkwenkwezi asenokuba nesango elitshebelezayo njengenxalenye yokulinganisa idiski. Ukuvula isango elitshebelezayo kuya kuvumela isichumiso esithe chatha ukuba sigqithe. 



Ukuqhuba umxokomelwano wokulinganisa nge-meter

Njengoko seziqapheleka iinxalenye zesixhobo sokutyala, kananjalo neziseko zezixokomelwano zembewu nezichumiso ze-meter, - kuvela umbuzo othi, ingaba zonke ezi nxalenye zijika njani? 

Isixokomelwano se-meter sikholisa ukuqhutywa ukusuka kwivili elinika inkxaso kwisixhobo sokutyala. Amavili okuxinzelela akholisa ukuba nawo asetyenziswe njengamavili okuqhuba nanjengamavili anika inkxaso. Maxa wambi kusetyenziswa ivili lohlobo olulodwa eligxunyekwe kwisixhobo sokutyala. Eli vili mhlawumbi linzima ngokwaneleyo ukuze lifumane ukutsaleka okwaneleyo, okanye lityhalelwa ezantsi ngesipringi. Kwakhona kuye kusetyenziswe imiqheba yokuqinisa okanye imitya yohlobo olulodwa ukuqinisekisa ukuba ivili aliphuncuki kakhulu. 



Isantya sokujikela kwevili lokuqhuba sixhomekeke kwisantya setrektara – ngokuya ikhawuleza itrektara, ivili lokuqhuba nalo lijika ngokukhawuleza okuthe chatha. Isixokomelwano seegiyeri, amazinyo amavili kunye namatyathanga asetyenziselwa ukufumanisa isantya semijikelo yeentsebenzo-matshini zembewu, kanti esinye isixokomelwano seegiyeri, amazinyo amavili namatyathanga sisetyenziselwa ukufumanisa isantya semijikelo yentsebenzo-matshini yesichumiso.



Qaphela ukuba iintlobo ezahluka-hlukeneyo zezixhobo zokutyala zineentsebenzo-matshini ezahluka-hlukeneyo – umzekelo, ezinye zinezixhathiso ezinokumiselwa mhlawumbi zikwazi ukuphembelela umqukuqelo wembewu nesichumiso. 



Ukuphembelela isantya seentsebenzo-matshini, ulinganiselo lweegiyeri luyasetyenziswa – lo ngumgaqo-siseko obalulekileyo ekufuneka uqondiwe.



