Kobus											Xhosa

Kutyunjwe umphathi jikelele omtsha wakwaGrain SA 



Instruksies: 

Folio strap: Grain SA

Byline: Iqela labahleli bePula-Imvula 

Photo: NguGq Kobus Laubscher



UGq Kobus Laubscher utyunjwe njengomphathi jikelele omtsha wakwaGrain SA ukusuka ngomhla woku-1 Janyuwari 2008.



UGq Laubscher, onxulumene kwixesha langoku neYunivesithi yaseFree State, yingcali kwezoqoqosho zolimo kwaye unamava abanzi nokubandakanyeka kwinqanaba lendawo leyo, kwiphondo nakwisizwe, ngokunjalo njengomcebisi wocwangciso lobuchule kumashishini ezolimo, umphandi kunye nomhlohli wezifundo. Ngaphandle kwemisebenzi eyahlukahlukileyo yophando malunga neenguquko kwezemihlaba nokuthengisa ngokocwangciso lobuchule, wayekwalilungu leqela lokuqhuba umsebenzi woMphathiswa oyiNtloko weKoloni eseMantla obenoxanduva lomsebenzi wokuphanda ngokusekwa kwabavelisi abaphuhlayo bomsebenzi wokunkcenkceshela.



Ngokwemo ekubhekiselelwe kuyo yaseMzantsi Afrika, uzibandakanya ngokuzimisela kwishishini lezolimo eNamibia naseBotswana. UGq Laubscher ukwalilungu loMbutho weHlabathi woLawulo loKutya nezoLimo (International Food and Agriculture Management Association – (IAMA). Ukwanawo namava kwisikhundla esikwisigqeba nesingekho kwisigqeba kwicandelo leshishini. Kutshanje utyunjwe ngumphathiswa wezemisebenzi njengosihlalo ongekho kwisigqeba weZiko leSizwe seMveliso eMzantsi Afrika (NPI) kwaye kwesi sikhundla unika inkonzo yokuba ngumtyumbi kwezolimo eziququzelelweyo. Kude kwaba kutshanje ekwalilungu lebhodi leYunivesithi yaseFree State njengommeli okhethiweyo wabaniki-nkxaso.



UGq Laubsher utshate noAnnemarie kwaye uneentombi ezimbini nonyana omnye.



