Farmer (Maize) 										Xhosa



Ukuwongwa kokugqwesa kwishishini lombona 

	

Instructions:

Folio strap: Ukuphuhlisa umvelisi wonyaka wezityalo eziziinkozo 

Byline: NguJane McPherson, umphathi wenkqubo yaseGrain SA yeNkqubo yoPhuhliso lwamaFama

Photos: Labious, Labious 2

 Caption 1: ULabious Manoto

 Caption 2: UNeels Ferreira (GrainSA), uJohan Kriel, (umququzeleli wephondo), uLabious Manote noTonie Loots, (umququzeleli wephondo).



Ophumelele kukhutshiswano loNyaka loPhuhliso loMvelisi waseGrain SA wabhengezwa kumbhiyozo wobusuku bebhongo owawuse-Theatre kuMzila waseKyalami, ngomhla we-17 Oktobha 2008. Ngolu khuphiswano, abakwaGrain SA banqwenela ukuwonga ukugqwesa kwishishini lokulima umbona phakathi kwabavelisi abasaphuhlayo, ngokwenza njalo babonisa abanye abasangenayo kwishishini abantu abayimizekelo emihle.



Abalingwa abathandathu bathe bachongwa kuKhutshiswano loNyaka loPhuhliso loMvelisi ngowe-2008. Ngaba balandelayo: 



UDeliwe Ntebele-Mutlwane waseDelareyville, eMntla-Ntshona;

UBoy Mokoena waseBronkhorstspruit, eMpumalanga;

ULabious Manoto wakummandla waseMooifontein eMntla-Ntshona;

USamuel Nyambose wasePaul Roux, eFree State;

USamuel Moloi waseFouriesburg, eFree State; kananjalo

UIsaac Khuto waseFicksburg, eFree State.



UMvelisi oPhuhliswayo weziTyalo eziziiNkozo wonyaka nguLabious Manoto wakummandla waseMooifontein eMntla-Ntshona. Sinqwenela ukuvuyisana naye uLabious nabo bonke abanye abalingwa bebanga lokugqibela lokhutshiswano ngale mpumelelo ebalasele kangaka.



Ngezantsi kukho amanqaku ambalwa ngoLabious, ahlanganiselwe ngamalungu athatha izigqibo emva kokhenketho.



Lawrence Luthango

Izakhono zamandla – Uzinikele kakhulu emsebenzini, ngumsebenzi ozimiselayo. Unamava. Unolwazi oluphangaleleyo ngeshishini lakhe.

Iingcebiso – Seligqithile ixesha lakhe lokuba ngumvelisi orhwebayo.



Jerry Mthombothi

Izakhono zamandla – Uneetrektara ezaneleyo nezixhobo zokusebenza efama. Uyayazi into ayenzayo, izityalo zakhe zinomtsalane kwaye izixhobo zakhe zokusebenza zisekwisimo esihle. Intle ishedi nendawo asebenzela kuyo.



Johan Kriel

Izakhono zamandla – Unomhlaba, unezixhobo, unoonyana ababini abasebenza naye kwaye uneminyaka ngeminyaka yamava.



Willie Kotzé

Izakhono zamandla – Umsebenzi wakhe wokufama mhle uqukanisa umbona, oojongilanga, iigusha neenkomo. Ungumvelisi oselezinzile nonamava eminyaka. Unentaphane yeetrektara nezixhobo zazo, iishedi nendawo yokusebenza efanelekileyo. Unolwazi nengqiqo yomsebenzi wokufama kwaye uyayazi into ayenzayo nokuba uyenzela ntoni. Uyazidibanisa nabaxhasi bamagalelo akhe ukuze afumane amacebiso – ngembewu, isichumiso kunye nemichiza.

Iziphene zobuthathaka – Le ndoda seyikwazile ukuguzula ubuthathaka bayo kwaye ngoku seyisenza umsebenzi wokufama onenzuzo nolondolozekayo.

Iingcebiso – Lo mvelisi wenza yonke into ngendlela efanelekileyo kwaye uyayihlangabeza imiqathango yokuba ngumvelisi orhwebayo. 



Jane McPherson

Izakhono zamandla – Unamava nolwazi oluncomekayo lomsebenzi wokufama. Imihlaba alima kuyo ilungile kwaye neetrektara ezisebenza ngombane zanele nezixhobo ngokunjalo.

Icebiso –– Qhuba ngomsebenzi obalaseleyo!



Tonie Loots

Izakhono zamandla – Amava alungileyo, umhlaba olungileyo nemvula elungileyo kunye neetrektara nezixhobo zokusebenza ezilungileyo.

Iziphene zobuthathaka – Ukutshatyalaliswa kokhula kufuna ingqalelo – ngakumbi i-kweekgras. Intengiso yakhe inako ukuphuculwa.

Iingcebiso – Ulondoloza amandla eetrektara awaneleyo ngokuya usanda umhlaba wakhe. Wenza uphando ngomhlaba ukwenzela ukunkcenkceshela.



Amos Njoro

Izakhono zamandla – Unolwazi olubanzi ngento ayenzayo.

Iingcebiso – Makazibandakanye ngakumbi kwiintsuku zamafama nezifundo ezinikwayo ukuze afunde iinguquko eziphucukileyo nolwazi ngokunjalo. 



Jenny Mathews

Izakhono zamandla – indoda ENKULU –izihlangu ezikhulu –imizila emikhulu yeenyawo – efanele ukulandelwa. Umzekelo omhle onokuvuselela abanye – ngakumbi oonyana bakhe. Uvuselela ukuzithemba kokuba ikamva lezolimo xa lisezandleni ezifana nezakhe lisenokuzinza. Ufeze lukhulu nangona bekukho iminyaka yokuzabalaza neyokungafumani luncedo. Ndiyamhlonela kwaye ndimthulela umnqwazi. Le yindoda ema ngesithomo eside phakathi kwamanye amadoda. Njengomvelisi usakhula kodwa akanazintloni zokutyhila iindawo abuthathaka kuzo apho afuna uncedo khona – kwaye aqiniseke ngokulufumana olo ncedo. 

Icebiso – NguMvelisi woNyaka wama-2008! 





