Commercial 2 (Maize)									Xhosa

Urhwebo nakweyiphi imigangatho!



Imiyalelo:

Folio strap: Inkqubo yophuhliso lwamafama

Byline: NguJane McPherson, umphathi wenkqubo yaseGrain SA yeNkqubo yoPhuhliso 

		   lwamaFama

Photos: Commercial 055 

Caption: 	Dibana nabavelisi abarhwebayo bethu abaphumelele kwizifundo zabo:

UNico Vermaak (GrainSA), uBasie Ntsimane, uBoy Mokoena, uKarabo Peele, uPaul Morule, uJob Metswamere, uThando Lolwane, uJane McPherson (GrainSA), uGq Kobus Laubscher (GrainSA), uMoss Malo, uLepati Macaphasa, uJenny Mathews (uSihlalo weNkqubo yoPhuhliso lwamaFama: Iqela lomsebenzi). 

Isicatshulwa esidubulayo: “Akukho namnye kuthi owaziyo amangomso... Into ebalulekileyo kukusebenzisa inamhla ngobulumko nangokuqaphela, sijongane nengomso ngothakazelelo ngokonwaba nangengqiniseko yokuba siya kulungelelana noko likuzisayo”. Pollock



Ngomhla wama-25 Septemba 2008, kumnyhadala obubanjelwe eNAMPO Park kufutshane eBothaville, iNkqubo yoPhuhliso lwamaFama ibhiyozele isiganeko esibalulekileyo – abavelisi abali-9 ‘abaphumelele izifundo zabo kwinkqubo yethu’. 



Kwimo ekubhekiselelwe kuyo yaseMzantsi Afrika, ngokwemvelaphi yethu besisoloko sinabavelisi abarhwebayo ‘abamhlophe’, ukuze abavelisi abamnyama baziwe ngokuba ‘ngabahlumayo’, ‘abaziphilisayo’, ‘abezixa ezincinci’ okanye ‘abasaphuhlayo’. Sibone ukuba lixesha elilungileyo lokuwonga abo bavelisi abaye baba ngabavelisi abarhweba ngokupheleleyo nangona bebequbisana neengxaki ezininzi endleleni yabo. 



Kuthiwa, ‘Imeko yobunzima yinto ebonisa ubunjani bamadoda‘, yiloo nto sithe sawonga abavelisi abathile ngomhla wama-25 Septemba 2008 kuba basibonise ukuba bangamadoda enene. Baye badibana neengxaki ezilandelayo, phakathi kwezinye: 



Inzuzo esezantsi yemveliso yezityalo eziziinkozo.

Imibandela enxulumene nomhlaba.

Izixokelelwano ezahluka-hlukeneyo zokuqesha umhlaba ngaphandle kokhuseleko. 

Ukwabiwa ngokutsha komhlaba namabango.

Isixokelelwano sokudibanela umhlaba wengqesho neentandabuzo zaso neengxaki kubavelisi abarhwebayo.

Imo ecekethekileyo yomhlaba malunga neemfuneko ze-phosphate nezekalika. 

Ixabiso eliphezulu loomatshini nolondolozo.

Isixokelelwano sokuthengisa esinobugocigoci nommandla wentengiso ovuleka nzima.

Ubunzima bokufikelela kwinkxaso-mali namatyala emveliso.

Ukunqongophala kweenkcukacha ezaneleyo, ulwazi nenkxaso.



Aba bavelisi baya kukuxelela ukuba abayihambanga bodwa indlela – bancediswe baxhaswa ngabadlali abahlukahlukileyo beendima zommandla wezolimo:



Abaqeshwa beNkqubo yoPhuhliso lwamaFama yaseGSA;

Iibhanki;

Amashishini ezolimo – awaziwayo, i-MGK, i-NWK, i-VKB ne-OVK. 



Xa sisithi aba bavelisi baphumelele ukuba kwiwonga lokuba ‘ngabaVelisi abaRhwebayo’ – ithetha ukuthini? Yintoni le bayichanileyo? Kokulandelayo: 



Ukuqesha okulondolozekayo komhlaba.

Ukusebenzisa okulondolozekayo komhlaba.

Iitrektara, izixhobo zokulima, izixhobo zokusebenza noomatshini.

Imimandla yentengiso.

Iimali-mboleko nenkxaso-mali.

Ifama jikelele nolawulo lwamashishini.



Siwathulela iminqwazi amafama arhwebayo alandelayo: 



UKarabo Peele, uThando Lolwane, uPaul Morule, uJob Metswamere, uLabious Manoto, uBoy Mokoena, uLepati Macaphasa, uBasie Ntsimane noMoss Malo. Bakuzuze oku ngenxa yesipho abanaso, ukusebenza nzima, ulwazi , ukuzimisela nokuzinikela – akukho ndlela inqumlayo kanti ukuba ufuna ukufikelela kwindawo asebekuyo, ‘ungaze ungaze unikezele’’! 





